1 Timoteo 6:17 - Emberá Chamí

¹⁷ Nau druad̶e barau nureerãmaa jarase waabenarã audeara mechiu nuree kʉ̃risiarãad̶amera. Ãchiba ne uru panuu ãrea b̶uakaud̶eeba jarase mau baita biꞌia panad̶ai kʉ̃risiarãad̶amera. Dachi Akõréturu kʉ̃risiad̶ai panuu. Ichiaburu dachimaa ne joma wãꞌãekaraa deabarii jirukaraayuwãe nuread̶amera.

1 Timoteo 6:17 Mawu Ofanana

Mateo 12:32

Ab̶auba mʉ, chi Ẽbẽra Ba B̶uad̶a ʉ̃rʉbena kachirua berrearuubʉrã Dachi Akõreba mau perdonai. Maamina ab̶aba Dachi Akõre Jauri kachirua berrearuubʉrã, Dachi Akõreba mau perdonaabai. Nau ewarid̶e maebʉrã mau ewari neeruud̶e, mau kachirua berrea b̶uad̶a kakua perdonaabai.

Mateo 19:23

Maud̶e Jesusba ichi baara nibabadaurãmaa jarasii: —Biawãra ãrea chaarea b̶uu ẽbẽra ne barau nii Bajãad̶e B̶uu juad̶e b̶uai baita, ichid̶irã baara.

Mateo 25:16

Chi 5.000 adaud̶a trajad̶e wãsii mau chi nejarra waribii baita. Maka ichiba maucha 5.000 adausii.

Mateo 27:57

Kiumaa b̶uud̶e mukĩra ab̶a barau nii José abadau neesii. Mau José Arimatea puurud̶ebena basii. Ichi sid̶a Jesús baara nibabachii.

Mateo 6:32

Dachi Akõred̶e ijãad̶akau nuree bid̶a kʉ̃risiabadau, maamina machi Akõre bajãad̶e b̶uuba kuitaa b̶uu machiba kãare nista panuu.

Marcos 10:24

Ichi baara nibabadaurãba kuitaa kʉ̃risiad̶aabasii. Maud̶eeba Jesusba waya jarasii: —Warrarã, biawãra ãrea chaarea b̶uu ẽbẽra chi nejarra barau nii Dachi Akõre juad̶e b̶uai baita, ichid̶irã baara.

Lucas 19:2

Aria ẽbẽra Zaqueo abadau b̶uasii. Mau Zaqueo Romad̶ebena baita chi nejarra pebadaurã jaradea ua b̶uabarii basii. Ãrea chi nejarra barau nii basii.

Lucas 3:11

Juanba panausii: —Chi paru ome uru b̶uuba chi wãꞌãe niimaa ab̶a deai b̶uu. Chi koi uru b̶uuba chi koi wãꞌãe niimaa deai b̶uu.

Hechos 14:17

Maamina ewaricha biꞌia wau b̶uud̶eeba ichiba kuitaabi b̶uu ichi biawãra nii. Ichiba bajãad̶ebena kui neebibarii maud̶e ne uu nub̶uu chaubiabarii. Maka ichiba dachi b̶i jãwaa kobiabarii maud̶e sõd̶e kĩrajʉʉbiabarii.

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

Hechos 17:25

Biꞌia b̶uai baita id̶ikau ẽbẽraba ichi baita ne waumera. Ichiaburu joma dachimaa dea b̶uu chokae nuread̶amera, ʉ̃yabad̶amera maud̶e ne joma dachiba uru b̶uai b̶uu uru nuread̶amera.

Romanos 11:20

Biawãra maka b̶uu. Maamina Dachi Akõreba ãchi ida b̶usii Cristod̶e ijãad̶aabasiid̶eeba. Maabae machi jʉrʉ adausii Cristod̶e ijãasid̶aud̶eeba. Maud̶eeba machi judiorã audeara biꞌia nuree kʉ̃risiarã́sturu, maumaarã Dachi Akõre wapeadee panásturu.

Efesios 5:5

Machiba kuitaa panuu junebena wẽra ome kãibadau, ne kĩra nejasia kachirua wau nibabadau, maud̶e ne joma uru panad̶ai kʉ̃riabadau chi Cristo maud̶e Dachi Akõreba dead̶ai a panuu adaud̶aabai. Ne joma uru b̶uu kʉ̃ria b̶uai Dachi Akõre kuenda juaba ne kaped̶aad̶ad̶e ijãa b̶uu kĩra b̶uu, Dachi Akõre audeara, chi ichiba uru b̶uai kʉ̃ria b̶uu aude ijãa b̶uud̶eeba.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

1 Tesalonicenses 1:9

Ara ãchiba jara panuu saka machiba dai deed̶aa urúbad̶e aped̶aad̶a, maud̶e Dachi Akõre kuenda juaba ne kaped̶aad̶arã ida b̶usid̶au Dachi Akõre biawãra chokae nii ijãad̶ai baita.

1 Timoteo 1:3

Mʉʉba bichimaa chi chuburia id̶id̶a kĩra Macedonia druad̶aa wãsiid̶e, maucha jaraaruu: Efesod̶e b̶eese, chi ãyaa jaradeabadaurã waa setaa ida jaradeabiarãad̶amera.

1 Timoteo 3:15

Maamina kãꞌãaruubʉrã mʉʉba kʉ̃ria b̶uu Dachi Akõre chokae nii ẽbẽrarã saka ãbua panad̶ai panuu bichiba kuitaamera. Dachiba Dachi Akõre chi biawãra bed̶ea jaradeabadau de wãto kĩra b̶uu maud̶e de jʉ̃rʉ kĩra b̶uu.

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.

1 Timoteo 5:21

Dachi Akõre daad̶e, Cristo daad̶e maud̶e angelerã daad̶e mʉʉba bichimaa jaraaruu: joma mʉʉba jarad̶a ijãa wause. Maka wauruud̶e, ẽbẽraba jaraaruu ab̶auba aude ũrirã́se, maumaarã jomaurã ome arab̶aud̶e jipa wau b̶uase.

1 Timoteo 6:13

Joma chokae nuree Dachi Akõred̶eeba chokae nuree. Ara mau Dachi Akõre daad̶e mʉʉba jaraaruu bichiba wau b̶uamera. Jesucristo daad̶e bid̶a arab̶aud̶e jaraaruu ichiba Poncio Pilato daad̶e chi bed̶ea biawãra jarad̶a kĩra. Mʉʉba nau jaraaruu: mʉʉba jaradea b̶uu kĩra jipa wau b̶uase, bichi ʉ̃rʉbena kachirua jarabiamaaba ab̶a Dachi Mechiu Jesucristo neeruud̶aa.

1 Timoteo 6:9

Maamina barau nuread̶ai kʉ̃ria panuuba ne joma kʉ̃ria panuud̶eeba kachiruad̶e b̶aebadau. Chi dachi aid̶akau maud̶e dachi kachirua wau b̶uu kʉ̃ria panuud̶eeba kachiruad̶e paneebadau ãnimara enabed̶e b̶aed̶a kĩra. Mau ãrea miichuburi paneebadau, doed̶a taawãaruu kĩra.

2 Timoteo 4:10

Dachi ãba Cresente Galacia druad̶aa wã b̶uasii. Tito Dalmacia druad̶aa wã b̶uasii. Mau awara ãba Demasba chi nau iujãad̶ebena ãrea kʉ̃riasiid̶eeba mʉ ida b̶uped̶a Tesalónica puurud̶aa wãsii.

Tito 2:12

Mauba dachimaa kuitaabia b̶uu ne joma kachirua maud̶e nau iujãad̶ebenarãba kʉ̃riabadau ida b̶ud̶ai panuu. Maud̶e kuitaabia b̶uu dachi nau iujãad̶e panuud̶e kʉ̃risia sõbiad̶eeba dachi kakua kĩra jipa nibad̶ai panuu Dachi Akõreba kʉ̃ria b̶uu kĩra.

Tito 3:6

Dachi Karibabarii Jesucristod̶eeba, Dachi Akõreba ichi Jauri dachimaa ãrea deasii bania ãrea easii kĩra dachi kakua ʉ̃rʉ.

2 Pedro 1:11

Maud̶e Dachi Mechiu Jesucristoba machi ida wãbiai ichi puurud̶aa, de poraa ewa nub̶uu kĩra. Dachi Karibabariiba dachi ewaricha biꞌia uru b̶uai.