1 Timoteo 1:20 - Emberá Chamí

²⁰ Maarãd̶ebena ab̶a Himeneo basii. Maud̶e ab̶a Alejandro basii. Maarã mʉʉba Satanás juad̶e b̶usii kuitaad̶amera Dachi Akõre ʉ̃rʉbena waa kachirua berrearãad̶amera.

1 Timoteo 1:20 Mawu Ofanana

Mateo 18:17

Wabid̶a ãchiba jaraaduu ichiba ũri kʉ̃riawẽebʉrã, Dachi Akõred̶e ijãabadaurãmaa joma ãbua iuped̶a ãchimaa mau ʉ̃rʉbena jarase. Maamina Dachi Akõred̶e ijãabadaurãba jaraaduu ũrii kʉ̃riawẽebʉrã, ichi Dachi Akõred̶e ijãakau kĩra maebʉrã Romad̶ebena baita chi nejarra pebarii kĩra ida b̶ústuru.

Hechos 13:45

Maamina chi judiorã karrarãba ẽbẽrarã ãrea ãchi ded̶e unusid̶aud̶e Pablo kakua sõd̶e jiwaa duaneesid̶au. Pabloba jaradea b̶uud̶e ãchiba seta abachid̶au maud̶e Pablo ʉ̃rʉbena kachirua berreabachid̶au.

Hechos 19:33

Maka panuud̶e judiorãba Alejandro jʉrʉ adausid̶au ichiba kãare jarai b̶uu a jarad̶ai baita. Maabae chi puuru daad̶e wãbisid̶au, ãchimaa berreamera. Maud̶e Alejandroba juaba chũpeabiasii ichi nebʉra ʉ̃rʉbena arakʉd̶e berreai kʉ̃ria b̶uasiid̶eeba.

1 Corintios 11:32

Maamina Dachi Mechiuba dachi ichiaruud̶e, dachi kastikabarii nau iujãad̶ebenarã ome nebʉra bara b̶uu arãamera.

2 Corintios 10:6

Daiba ãbarã sõ chaarea nuree kastikad̶ai baita panuu. Maamina naa esed̶au panuu machiba Cristod̶e joma ijãa panuu unubiad̶amera.

2 Corintios 13:10

Maud̶eeba machimaa wãi naed̶e mʉʉba nau karta urubʉiruu. Machiba mau ijãaduubʉrã machimaa neeruud̶e mʉʉba iadaabai. Biawãra Dachi Mechiu Jesusba mʉ b̶uubasii machi kachirua waud̶amera, maumaarã mʉ b̶usii machiba biꞌia ijãad̶amera.

2 Tesalonicenses 3:15

Maamina mau machi kĩramaa kĩra uru panarã́sturu, maumaarã machi ãba baerã jarásturu jipa waumera.

1 Timoteo 5:15

Mʉʉba mau jara b̶uu waabenarã pẽdrãarã o ãyare wãd̶aped̶a Satanás baara wã panasiid̶eeba.

2 Timoteo 2:14

Joma mau ãbarãmaa kĩrababia b̶uase. Dachi Akõre daad̶e jarase maarã barikia bed̶ea kakua kĩru id̶aa berrea panarãad̶amera. Mau kĩru id̶aa berreaba dachi aid̶akau, maumaarã chi ũri nureerãmaa kʉ̃risia kachirua kʉ̃risiabiabarii.

2 Timoteo 2:17

Ãchiba jaradea panuuba ẽbẽrarã kʉ̃risia ãyaa kʉ̃risiabiabarii, dachi kakuad̶e chaud̶aba dachi kiuru ko kãrii kĩra. Mau jaradeabadaurãd̶ebena Himeneo maud̶e Filetobʉ.

2 Timoteo 3:2

Ẽbẽrarãba joma ara ãchi baita kʉ̃ria panad̶ai, chi nejarra kʉ̃ria panad̶ai, ãchi biꞌia nuree a panad̶ai, chi mechiu nuree kʉ̃risia panad̶ai, waabenarã ʉ̃rʉbena kachirua jara panad̶ai, ãchi akõrerã bed̶ea ijãad̶akau panad̶ai, ãchi aid̶aaruu ẽbẽramaa ichíturu kid̶ibai ad̶akau panad̶ai maud̶e Dachi Akõre wapead̶akau panad̶ai.

Hebreos 12:5

Biꞌia ijãad̶amera Dachi Akõre bed̶ea b̶ʉ kub̶uu ¿machiba kʉde uru panuuwãeka? Ichi warrarãmaa naka jarasii: «Mʉ warr, Dachi Mechiuba iadaaruud̶e mau ʉ̃rʉbena ãrea kʉ̃risiáse. Kĩrabia iadaaaruud̶e kĩra nomaarã́se.

Apocalipsis 13:1

Mau maad̶akare chi dragón mar iikaa ibud̶e ʉkʉ nub̶eesii. Ara maud̶e mʉʉba ãnimara kachirua mard̶ebena awara neeruu unusii. Mau ãnimara 7 boro inibasii maud̶e 10 kachu. Kachurãcha boro jũra ab̶a inibasii. Borocha trʉ̃ kachirua Dachi Akõre ʉ̃rʉbena b̶ʉ kub̶uasii.

Apocalipsis 3:19

Chi ẽbẽrarã mʉʉba kʉ̃riakua b̶uu kastikakuabarii maud̶e bed̶ea bia ũribiabarii mʉ bed̶ea ijãad̶amera. Maud̶eeba waya mʉʉmaa nésturu biawãra mʉ baara sõd̶eeba nibad̶amera.