1 Tesalonicenses 4:7 - Emberá Chamí

⁷ Dachi Akõreba dachi jʉrʉ adaubasii kachiruad̶e panad̶amera, maumaarã jʉrʉ adausii ichi baita jipa panad̶amera.

1 Tesalonicenses 4:7 Mawu Ofanana

Romanos 1:7

Mʉʉba nau karta b̶ʉʉruu joma Romad̶ebena ãbarã baita. Dachi Akõreba machi kʉ̃ria b̶uu maud̶e iusii ichi ẽbẽrarã nuread̶amera. Mʉʉba kʉ̃ria b̶uu Dachi Bajãad̶ebena Akõreba Dachi Mechiu Jesucristo ome ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai.

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

Gálatas 5:19

Dachiba chi nau kakuaba kachirua waubarii ãrea kuitaa panuu. Naubʉ: dachi kakuaba barikia kachirua waubadau, ne mia pera wau nibabadau, barikiu ome kĩra nejasia wau kʉ̃riabadau,

Efesios 1:4

Nau drua waui naed̶e Cristod̶eeba dachi jʉrʉ adausii ichi baita biꞌia nuread̶amera maud̶e ichi daad̶e jayoa kachiruaswãe nuread̶amera. Nabẽraed̶eed̶e Jesucristod̶eeba dachi ichi warrarã bad̶ai a kʉ̃risia b̶uasii. Maka wau kʉ̃ria b̶uasii dachi kʉ̃riakuasiid̶eeba.

Efesios 2:10

Dachi Akõreba dachi Jesucristod̶eeba chiwid̶i wausii ne bia wau panad̶amera. Mau ne biꞌia waud̶ai panuu, ichiba naed̶e b̶usii dachiba waud̶amera.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Efesios 4:19

Ãchi kakuaba barikiu kachirua wauduu kakua perad̶akau. Ab̶a kachirua waud̶áituru kʉ̃riabadau. Chi kĩra nejasia joma wau panuu ʉ̃rʉbena, kakua ãkaad̶akau.

1 Tesalonicenses 2:3

Daiba machimaa biawãrawãe jaradeabadau ijãarãad̶amera id̶id̶aabasii. Maud̶e machi tãed̶e setad̶eeba panuuwãe basii, machi setaa kũruad̶ai baita.

2 Timoteo 1:9

Dachi Akõreba dachi karibasii maud̶e iusii ichi baita biꞌia nuread̶amera. Dachiba biꞌia wau panuud̶eeba makaabasii, maumaarã ichi sõbiad̶eeba waui kʉ̃risia b̶uasiid̶eeba maka wausii. Biawãra nau iujãa b̶uai naed̶e Dachi Akõreba ichi sõbiad̶eeba kʉ̃risiasii Jesucristod̶eeba dachi karibai.

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

2 Pedro 2:10

Chi nau kakuaba kachirua wau kʉ̃ria b̶uu waubadaurã maud̶e chi Dachi Akõre mʉ Mechiu ad̶ai kʉ̃riad̶akaurã aude kastikai. Setaa jaradeabadaurã kachirua waud̶ai baita perad̶akau. Ãrea kuitaa nuree kĩra panabadau. Jauri kachiruarã chi mechiu nuree ʉ̃rʉbena kachirua jarad̶ai baita wapead̶akau.