1 Tesalonicenses 3:6 - Emberá Chamí

⁶ Maamina Timoteo machimaa b̶uad̶a daimaa neesii. Machiba Cristod̶e ijãa panuu ʉ̃rʉbena maud̶e machi kʉ̃ria ʉ̃rʉbena ichiba biꞌia jarad̶e neesii. Ichiba jarasii machiba kʉ̃riad̶eeba wabid̶a dai kĩrababadau maud̶e unu kʉ̃ria panuu, daiba machi unu kʉ̃ria panuu kĩra.

1 Tesalonicenses 3:6 Mawu Ofanana

Hechos 16:1

Maud̶e Pablo Derbe puurud̶e neeped̶a Listra puurud̶aa wãsii. Aria Jesusd̶e ijãa nii Timoteo abadau b̶uasii. Timoteo nawe judio basii; Jesusd̶e ijãa nibasii. Ichi akõre griego basii.

Hechos 18:1

Mau maad̶akare Pablo Atenas puurud̶ebena Corinto puurud̶aa wãsii.

Hechos 18:5

Maka b̶uud̶e Silas maud̶e Timoteo Macedonia druad̶ebena neesid̶au. Maad̶akare Pabloba ewaricha Dachi Akõre bed̶ea jaradea b̶uabachii. Ichiba judiorãmaa jarabachii Jesús biawãra Dachi Akõreba Dachi Karibabarii deai jarad̶a.

1 Corintios 11:2

Ãbarã, ewaricha mʉ kĩraba panuud̶eeba maud̶e mʉʉba jaradead̶a ũri panabadaud̶eeba machimaa biꞌia jaraaruu.

1 Corintios 13:13

Nau õbea panuu wãꞌãekau: ne jomad̶e biꞌia ijãa b̶uai, esed̶au b̶uai joma biꞌia neemera maud̶e waabenarã kʉ̃ria b̶uai. Mau õbead̶ebena, ab̶au kʉ̃ria b̶uai chi aude bibuara b̶uu.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Filipenses 1:8

Dachi Akõreba kuitaa b̶uu mʉʉba Jesucristo ãrea kʉ̃ria b̶uud̶eeba joma machi sid̶a ãrea kʉ̃riakua b̶uu.

Colosenses 1:4

Daiba ũri panuu machiba Jesucristod̶e ijãa panuu maud̶e joma ẽbẽrarã Dachi Akõred̶erã ãrea kʉ̃ria panuu.

Colosenses 4:18

Mʉ Pablobʉ. Ara mʉ juaba b̶ʉʉruu mʉʉba jarabʉiruu machi biꞌia duanad̶ai. Mʉ jʉ̃a uru panuud̶eeba Dachi Akõremaa ʉtaa id̶i panásturu. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uayu.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

1 Tesalonicenses 2:17

Ãbarã, ãrea bawẽa b̶uu, dai machi baara panad̶a ãyaa wãped̶aad̶a. Naud̶e daiba machi unud̶awẽa panumina dai kʉ̃risiad̶e machi baara panuu. Daiba biawãra machi ichiad̶e wã kʉ̃ria panasid̶au maamina Satanasba ida b̶uubasii wãrãad̶amera. Mʉ biawãra b̶es ãrea machimaa wãi baita b̶uasii.

1 Tesalonicenses 2:9

Ãbarã, machiba kuitaa panuu ãyadaa maud̶e ẽsabud̶e kʉrrjĩrud̶aabasii. Mau awara traju sid̶a waubachid̶au chi nejarra adaud̶ai baita. Daiba chi Dachi Akõre ʉ̃rʉbena bed̶ea bia machimaa jaradea panasid̶aud̶e, kʉ̃riad̶aabasii machiba daimaa ne kaebea dea panad̶ayu, machi chiko b̶aꞌãra b̶eerãamera.

1 Tesalonicenses 3:7

Mauba ãbarã, daiba kuitaasid̶au machiba Jesusd̶e wabid̶a ijãa panuu. Maud̶eeba dai ãrea nebʉra baraa panumina kĩrajʉʉsid̶au.

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

2 Timoteo 1:3

Ãyadaa maud̶e ẽsabud̶e mʉʉba Dachi Akõremaa ʉtaa id̶iiruud̶e bichi baita ichíturu kid̶ibai abarii. Dachi Akõreba jara b̶uu mʉʉba waubarii, mʉ kʉ̃risiad̶e nebʉraswãe b̶uud̶eeba, mʉ nabẽrarãba maka wauped̶aad̶a kĩra.

Filemón 1:5

Mʉʉba ũrisii bichiba Dachi Mechiu Jesusd̶e ijãa b̶uu maud̶e joma ẽbẽrarã Dachi Akõred̶erã kʉ̃ria b̶uu.

Hebreos 13:3

Chi jʉ̃a uru panuu kĩrabásturu machi sid̶a maarã ome jʉ̃a panuu kĩra. Ẽbẽrarãba kachirua wau panuud̶eeba ãrea biꞌiwãe nuree kĩrabásturu machi sid̶a maarã ome ãrea biꞌiwãe panuu kĩra.

Hebreos 13:7

Machi karrarã kĩrabásturu. Maarãba Dachi Akõre bed̶ea machimaa jaradeasid̶au. Kʉ̃risiásturu ãchi saka nibasid̶au maud̶e maka nid̶auba kãare sakasii. Ãchiba Cristod̶e ijãa panad̶a kĩra machia bid̶a ijãa panásturu.

1 Juan 3:23

Mau waubi b̶uu bed̶ea naubʉ: ichi Warr Jesucristod̶e ijãad̶ai maud̶e chiya kʉ̃ria nuread̶ai ichiba dachimaa jarad̶a kĩra.