1 Tesalonicenses 3:11 - Emberá Chamí

¹¹ Daiba Dachi Bajãad̶ebena Akõremaa maud̶e Dachi Mechiu Jesusmaa ʉtaa id̶i panuu machimaa waya wãbiad̶amera.

1 Tesalonicenses 3:11 Mawu Ofanana

Mateo 6:14

»Waabenarãba machi kachirua wauped̶aad̶a perdonaaduubʉrã, machiba kachirua wauped̶aad̶a machi Akõre bajãad̶e b̶uuba perdonai.

Mateo 6:18

Makarã ẽbẽrarãba kuitaad̶aabai bichiba chiko kod̶akau ewari wau b̶uu. Ab̶a bichi Akõréburu kuitaai. Bichiba ne bia mirubia wau b̶uu bichi Akõreba unubarii. Ichiaburu bichimaa ne bia deai.

Mateo 6:26

Ichiásturu, ibanarãba ne uud̶akau, ne junad̶akau maud̶e ne ped̶akau. Maamina machi Akõre bajãad̶e b̶uuba kobiabarii. ¿Dachi Akõre baita machi ibana audeara biꞌia nureewãeka?

Mateo 6:32

Dachi Akõred̶e ijãad̶akau nuree bid̶a kʉ̃risiabadau, maamina machi Akõre bajãad̶e b̶uuba kuitaa b̶uu machiba kãare nista panuu.

Mateo 6:6

Bichiba Dachi Akõremaa ʉtaa id̶iiruud̶e bichi ded̶e ed̶a wãse. Chi poraa jʉ̃aped̶a bichi du ab̶a bichi Akõremaa ʉtaa id̶ise. Bichiba chũpea bia wau b̶uu bichi Akõreba unubarii. Ichiaburu bichimaa ne bia deai.

Marcos 1:3

Ẽbẽra drua sirua wãꞌãe b̶uud̶e jĩwa berrea b̶uu: “O jarésturu Dachi Mechiu biꞌia irsibid̶amera. O ichi baita jipa wirua wáusturu”».

Lucas 12:30

Joma mau nau iujãad̶ebenarãba jʉrʉbadau, maamina Dachi Akõreba kuitaa b̶uu machiba kãare nista panuu.

Lucas 12:32

»Machi ãrea panuuwãemina ne wapea panarã́sturu. Dachi Akõreba machi ichi juad̶e ua b̶uai kʉ̃ria b̶uu, ichid̶irã baara.

Juan 20:17

Jesusba jarasii: —Mʉ jidaurã́se mʉ wabid̶a Chachamaa wãwẽa b̶uud̶eeba. Jãabae mʉ ãbarãmaa wãped̶a jarase mʉ Chachamaa wãaruu. Mau machi Akõrebʉ. Mau mʉ Dachi Akõrebʉ maud̶e machi Dachi Akõrebʉ.

Romanos 1:3

Mau bed̶ea bia ichi Warr ʉ̃rʉbena jara b̶uu. Ichi Warr Dachi Mechiu Jesucristo nau kakuad̶e Israeld̶ebena rey Davidd̶ebena need̶abʉ. Maud̶e ichi biu b̶uad̶a chokae jiradusiid̶e Dachi Akõre Jauriba unubisii mau Dachi Akõre Warr joma poyaa nii.

2 Corintios 6:18

Mʉ machi akõre bai. Machi mʉ warrarã nuread̶ai maud̶e mʉ kaurã nuread̶ai. Dachi Mechiu Joma Poyaabariiba maka jara b̶uu».

Gálatas 1:4

Ara mau Jesucristoba ichi dachi kachirua kakua ida beabisii nau ewari kachiruad̶ebena karibai baita. Maka wausii Dachi Bajãad̶ebena Akõreba maka kʉ̃riasiid̶eeba.

Colosenses 1:2

Mʉʉba nau karta b̶ʉʉruu ẽbẽrarã Dachi Akõred̶e, dachi ãbarã Jesucristod̶e ijãabadaurã Colosa puurud̶ebena baita. Daiba kʉ̃ria panuu Dachi Bajãad̶ebena Akõreba ichi sõbiad̶eeba machi kariba b̶uai maud̶e jirukaraayuwãe b̶uabiai.

1 Tesalonicenses 3:13

Maud̶e ʉtaa id̶i panuu Cristoba machi kariba b̶uai sõd̶eeba ãrea ijãad̶amera. Maka Dachi Mechiu Jesús joma ichid̶irã baara neeruud̶e machi Dachi Bajãad̶ebena Akõre daad̶e kachiruaswãe nuread̶ai.

1 Tesalonicenses 4:16

Maumaarã Dachi Mechiu bajãad̶ebena neei. Berrearuu jĩwa ũrid̶ai, ángel chi mechiu sid̶a berrearuu ũrid̶ai, maud̶e Dachi Akõre kachu jĩwa chaaruu ũrid̶ai. Maud̶e chi Cristod̶e ijãabadaurã biuped̶aad̶a naa chokae jiradud̶ai.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

2 Tesalonicenses 2:16

Dachi Akõreba dachi kʉ̃riasii. Ichi sõbiad̶eeba sõbia nureabiasii ewaricha maka panad̶amera. Maud̶e kuitaabiasii biawãra ichid̶eeba ne bia adaud̶ai. Daiba kʉ̃ria panuu Dachi Mechiu Jesucristoba maud̶e Dachi Bajãad̶ebena Akõreba machi sõbiabid̶ayu maud̶e dauchia jãadua panad̶ayu. Maka machiba berrea panuu maud̶e wau panuu joma biꞌia b̶uai.

2 Tesalonicenses 3:16

Daiba kʉ̃ria panuu Dachi Mechiu jirukaraayuwãe panabibariiba machimaa ewaricha jirukaraayuwãe ne jomad̶e panabiamera. Kʉ̃ria panuu Dachi Mechiu machi ome b̶uamera.

2 Tesalonicenses 3:5

Maud̶e kʉ̃ria panuu Dachi Mechiuba kuitaabiai machi ãrea kʉ̃ria b̶uu Dachi Akõre kĩra. Maud̶e kʉ̃ria panuu ichiba karibai Cristoba jãaduad̶a kĩra jãaduad̶amera.

1 Juan 3:1

Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

Apocalipsis 21:3

Maabae mʉʉba ũrisii ab̶a Dachi Akõre rey ãkau b̶uareeba naka jĩwa berrearuu: «¡Ũrísturu! Id̶i Dachi Akõre ẽbẽrarã tãed̶e b̶uu. Ichi ãchi baara b̶uai. Maud̶e ãchi ichi puurud̶ebenarã nuread̶ai. Ichi ãchi Akõre bai maud̶e biawãra ichi ãchi baara b̶uabarii.