1 Tesalonicenses 2:8 - Emberá Chamí

⁸ Daiba machi ãrea kʉ̃ria panuud̶eeba bari chi Dachi Akõre ʉ̃rʉbena bed̶ea bia machimaa jaradead̶akau, maud̶e machi ne jomad̶e aid̶ad̶ai baita panasid̶au.

1 Tesalonicenses 2:8 Mawu Ofanana

Lucas 7:2

Aria kokoroarã jaradea ua b̶uabarii b̶uasii. Mau baita bari trajabarii ãrea kʉ̃ria nii uru b̶uasii. Maamina mau ichi baita bari trajabarii ẽpermo b̶uud̶eeba biumaa b̶uasii.

Romanos 1:1

Mʉ Pablobʉ, Jesucristo baita bari trajabariibʉ. Dachi Akõreba mʉ jʉrʉ adausii Jesucristoba bʉid̶a b̶uamera maud̶e b̶usii chi bed̶ea bia Dachi Akõre ʉ̃rʉbena jaradead̶e wãmera.

Romanos 10:1

Ãbarã, mʉʉba sõd̶eeba kʉ̃ria b̶uu Dachi Akõreba israeld̶ebenarã karibai. Maud̶eeba mʉʉba ichimaa ʉtaa id̶i b̶uabarii.

Romanos 15:29

Mʉʉba kuitaa b̶uu machimaa neeruud̶e Cristoba dachi ãrea aid̶ai.

2 Corintios 12:15

Ara mʉ maud̶e joma mʉʉba uru b̶uu kĩrajʉʉ deai machi aid̶ai baita. Mʉ ãrea kʉ̃riad̶awẽa panumina, mʉʉba machi aude kʉ̃riakua b̶uai.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Gálatas 4:19

Ãbarã, machi mʉ warrarã kĩra nuree. Mʉ waya machi baita ãrea biꞌiwãe b̶uu wẽra warr adauruud̶e puꞌuabarii kĩra. Mʉ maka ãrea biꞌiwãe b̶uai ab̶a machi Cristo kĩra paneeduud̶aa.

Filipenses 1:8

Dachi Akõreba kuitaa b̶uu mʉʉba Jesucristo ãrea kʉ̃ria b̶uud̶eeba joma machi sid̶a ãrea kʉ̃riakua b̶uu.

Filipenses 2:17

Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

Filipenses 2:20

Nama mʉ baara ichi kĩra nii wãꞌãe. Ichiba machi biawãra aid̶a kʉ̃ria b̶uu.

Filipenses 4:1

Maud̶eeba mʉ ãbarã, mʉʉba jarad̶a kĩra Dachi Mechiud̶e ãrea ijãa panásturu. Mʉʉba machi ãrea kʉ̃ria b̶uu maud̶e unu kʉ̃ria b̶uu. Machi kakua, mʉ ãrea kĩrajʉʉ b̶uu. Machi mʉ kĩrajʉʉbibadaubʉ.

Colosenses 1:28

Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.

Colosenses 1:7

Mau bed̶ea dachi ãba Epafrasba machimaa kuitaabiasii. Ichi daiba biawãra kʉ̃ria panuu. Dai ome arab̶aud̶e wau b̶uu. Ichi Cristo baita bari trajabariibʉ. Machi aid̶ai baita ne jomad̶e jipa waubarii.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

Filemón 1:1

Mʉ Pablobʉ. Jesucristo kakua jʉ̃a b̶uu. Dachi ãba Timoteo nama b̶uu. Ãba Filemón, daiba bichi kʉ̃ria panuu. Bichiba dai kĩra Dachi Akõre traju wau b̶uud̶eeba mʉʉba nau karta bichi baita b̶ʉʉruu.

Hebreos 13:17

Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.

1 Juan 3:16

Naud̶eeba dachiba kuitaa panuu dachi ãbarã kʉ̃riabadau: Jesucristo dachi kakua biusii. Ara mau kĩra dachi sid̶a kʉ̃riad̶eeba ãbarã baita biud̶ai baita nuread̶ai panuu.