1 Tesalonicenses 2:6 - Emberá Chamí

⁶ Daiba jʉrʉd̶awẽa panasid̶au, machiba maud̶e waabenarãba dai ʉ̃rʉbena biꞌia jarad̶amera. Maumaarã dai Cristoba bʉikad̶ad̶eeba daiba jaradea ua panad̶ai panasid̶au machi tãed̶e. Maamina maka waud̶aabasii.

1 Tesalonicenses 2:6 Mawu Ofanana

Juan 12:43

Dachi Akõreba ãchi ʉ̃rʉbena biꞌia berreai audeara mau judiorãba kʉ̃ria panasid̶au ẽbẽrarãba ãchi ʉ̃rʉbena biꞌia berread̶ai.

Juan 5:41

»Mʉʉba jʉrʉwẽa b̶uu machiba mʉ biꞌia unud̶amera.

Juan 5:44

¿Saka mʉʉd̶e ijãad̶aima? Ab̶aburu kʉ̃ria panuu waabenarãba machi biꞌia unud̶ai. Maamina machiba jʉrʉd̶awẽe Dachi Akõre ab̶a niiba machi biꞌia unui.

Juan 7:18

Barikia ara ichi kʉ̃risiad̶eeba berrea b̶uubʉrã maka wau b̶uu ẽbẽrarãba ichi ʉ̃rʉbena biꞌia kʉ̃risiad̶amera. Maamina ab̶aba kʉ̃ria b̶uubʉrã waabenarãba ichi bʉid̶a ʉ̃rʉbena biꞌia kʉ̃risiad̶ai, biawãra jara b̶uu; setaa waukau.

1 Corintios 11:9

Maud̶e mukĩra wẽra baita waubasii, maumaarã wẽra mukĩra baita wausii.

2 Corintios 13:10

Maud̶eeba machimaa wãi naed̶e mʉʉba nau karta urubʉiruu. Machiba mau ijãaduubʉrã machimaa neeruud̶e mʉʉba iadaabai. Biawãra Dachi Mechiu Jesusba mʉ b̶uubasii machi kachirua waud̶amera, maumaarã mʉ b̶usii machiba biꞌia ijãad̶amera.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

Gálatas 1:10

Maka jara b̶uud̶eeba mʉʉba jʉrʉwẽa b̶uu ẽbẽrarãba mʉ biꞌia unud̶amera, maumaarã kʉ̃ria b̶uu Dachi Akõréburu mʉ biꞌia unumera. Cristod̶e ijãai naed̶e mʉʉba jʉrʉ b̶uabachii ẽbẽrarãba mʉ biꞌia unud̶amera. Wabid̶a maka wau b̶uasirã, mʉ Cristo baita bari trajabarii b̶uabai basii.

Gálatas 5:26

Waabenarã audeara biꞌia nuree kʉ̃risiad̶aabai panuu, oa kachirua berrea duanad̶aabai panuu maud̶e ab̶auba uru b̶uu kakua kachirua kʉ̃risiad̶aabai panuu.

Gálatas 6:13

Chi mukĩra chi kakua tõoped̶aad̶arãba Moisesba b̶ʉd̶a joma waud̶akau. Maamina maarãba machi mukĩra chi kakua tõobiad̶ai kʉ̃ria panuu, ara ãchi ʉ̃rʉbena biꞌia berread̶ai baita.

1 Tesalonicenses 2:9

Ãbarã, machiba kuitaa panuu ãyadaa maud̶e ẽsabud̶e kʉrrjĩrud̶aabasii. Mau awara traju sid̶a waubachid̶au chi nejarra adaud̶ai baita. Daiba chi Dachi Akõre ʉ̃rʉbena bed̶ea bia machimaa jaradea panasid̶aud̶e, kʉ̃riad̶aabasii machiba daimaa ne kaebea dea panad̶ayu, machi chiko b̶aꞌãra b̶eerãamera.

1 Timoteo 5:17

Chi ijãabadaurã nubadaurãba biꞌia wau panuud̶eeba ãbarãba kʉ̃risia biad̶eeba maarã aid̶ad̶ai panuu, ne uru panad̶amera. Maarãd̶ebena chi Dachi Akõre bed̶ea jaradeabadaurã maud̶e dachi saka nibai ʉ̃rʉbena jaradeabadaurã, aude aid̶ad̶ai panuu.