1 Tesalonicenses 2:10 - Emberá Chamí

¹⁰ Machiba kuitaa panuu maud̶e Dachi Akõreba kuitaa b̶uu dai machi chi Cristod̶e ijãabadaurã tãed̶e biꞌia, jipa maud̶e kachirua jarad̶ayuswãe nibasid̶au.

1 Tesalonicenses 2:10 Mawu Ofanana

Lucas 23:41

Dachi ome naka biud̶ai panuu, kachirua wausid̶aud̶eeba. Maamina nau ẽbẽraba ¿kãare kachirua wausma?

Hechos 20:18

Ichimaa neesid̶aud̶e Pabloba jarasii: «Machiba kuitaa panuu mʉ nau Asia druad̶e neesiid̶eed̶ebena saka machi tãed̶e nibabachii.

Hechos 20:26

Mʉʉba wapeaweã Dachi Akõreba machi baita wau kʉ̃ria b̶uu joma arakʉd̶e jara b̶uabachii. Maud̶eeba id̶i mʉʉba jaraaruu: ab̶a karibawẽebʉrã, mʉ nebʉra wãꞌãe nii.

Hechos 24:16

Maud̶eeba mʉʉba ne joma waubarii Dachi Akõre daad̶e maud̶e ẽbẽrarã daad̶e jipa nibai baita.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 11:11

¿Mʉʉba sakãe maka chi nejarra id̶iwẽa b̶uma? ¿Machi kʉ̃riawẽa b̶uud̶eeba maka wau b̶uka? Dachi Akõreba kuitaa b̶uu mʉʉba machi kʉ̃ria b̶uu.

2 Corintios 11:31

Dachi Bajãad̶ebena Mechiu Jesús Akõre ʉ̃rʉbena ewaricha biꞌia berread̶ai panuu. Ichiba kuitaa b̶uu mʉ setaa jarakau.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

2 Corintios 5:11

Dachi Mechiu wapea panuud̶eeba daiba ẽbẽrarãmaa jara panuu ichid̶e ijãad̶amera. Dachi Akõreba kuitaa b̶uu daiba kʉ̃risia biad̶eeba jaradea nibaped̶aad̶a. Mʉʉba kʉ̃risia b̶uu machia bid̶a mau kuitaa panuu.

2 Corintios 7:2

Sõd̶eeba dai kʉ̃riásturu. Daiba ab̶aumaa bid̶a kachirua waud̶awẽa panuu, kachirua kʉ̃risiabiad̶awẽa panuu maud̶e setaa kũruad̶awẽa panuu.

1 Tesalonicenses 1:5

Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera.

1 Tesalonicenses 2:5

Machiba kuitaa panuu daiba setad̶eeba machi ẽbẽrarã biꞌia nuree ad̶aabasii. Maud̶e chi nejarra adoed̶ai baita setad̶eeba jaradead̶aabasii. Mau Dachi Akõreba kuitaa b̶uu.

2 Tesalonicenses 3:7

Machiba kuitaa panuu dai nibaped̶aad̶a kĩra machi nibad̶ai panuu. Machi tãed̶e panasid̶aud̶e dai koꞌoa panad̶aka basii.

1 Timoteo 4:12

Bichi kũudrãa b̶umina ab̶aumaa bid̶a ida kabirã́se. Maumaarã bichiba berrearuud̶eeba, ne wau b̶uud̶eeba, waabenarã biawãra kʉ̃ria b̶uud̶eeba, kĩra jipa b̶uud̶eeba, maud̶e Cristod̶e ijãa b̶uud̶eeba ãbarãmaa unubiáse saka panad̶ai panuu.

2 Timoteo 3:10

Maamina bichiba nau biꞌia kuitaa b̶uu: mʉʉba jaradea b̶uu, mʉ nibabarii, mʉʉba wau kʉ̃ria b̶uu, mʉʉba Cristod̶e ijãa b̶uu, mʉ jomad̶e jãadua b̶uu, mʉʉba waabenarã kʉ̃ria b̶uu, mʉ jomad̶e dauchia jãadua b̶uu

1 Pedro 5:3

Chi machiba nu uru panuurã, machi baita bari trajabadaurã kĩra uru panarã́sturu, maumaarã machi nibad̶eeba unubiásturu saka nibad̶ai panuu.