1 Pedro 5:7 - Emberá Chamí

⁷ Machiba ãrea kʉ̃risia panuu Dachi Akõremaa joma jarásturu, ichiba machi nu b̶uud̶eeba.

1 Pedro 5:7 Mawu Ofanana

Mateo 6:27

¿Kai machid̶ebena ãrea kʉ̃risia niid̶eeba waa chokae nibaima?

Mateo 6:28

¿Sakãe paru kakua ãrea kʉ̃risiabadama? Ichiásturu nepono saka waribarii. Trajakau maud̶e paru kakau.

Mateo 6:31

»Maud̶eeba ãrea kʉ̃risiarã́sturu kod̶ai ʉ̃rʉbena, dod̶ai ʉ̃rʉbena maud̶e paru jʉ̃d̶ai ʉ̃rʉbena.

Marcos 4:38

Maud̶e Jesús chi jãba drud̶e borokaumaa sĩu kãi nub̶uasii. Maud̶eeba ichi baara nibabadaurãba ʉ̃rʉmad̶aped̶a naka jarasid̶au: —Jaradeabarii, ¿bichimaarã dachi ʉ̃yaba jãri biud̶ai bia b̶uka?

Lucas 12:22

Maud̶eeba Jesusba ichi baara nibabadaurãmaa jarasii: «Machi saka panad̶ai kʉ̃risiarã́sturu, kod̶ai ʉ̃rʉbena maud̶e paru jʉ̃d̶ai ʉ̃rʉbena.

Lucas 12:26

Waa chokae nibaiwẽebʉrã, ¿sakãe kod̶ai baita maud̶e paru jʉ̃badau baita ãrea kʉ̃risiabadama?

Juan 10:13

Mau ẽbẽra miru wãbarii ab̶a chi nejarra kakúaburu oeja nubariid̶eeba. Ichiba kʉ̃risiakau oeja biꞌia panad̶amera.

Filipenses 4:6

Barikia kakua ãrea jirukaraarã́sturu, maumaarã Dachi Akõremaa ʉtaa id̶ísturu, ichimaa chi chuburia id̶ísturu, maud̶e ne joma ʉ̃rʉbena ichíturu kid̶ibai ásturu.