1 Pedro 3:5 - Emberá Chamí

⁵ Ara mau kĩra nabẽraed̶ebena wẽrarã Dachi Akõre baita nuread̶a kĩrawãrea nureasii. Dachi Akõreba waui jarad̶a ãchiba sõd̶eeba biawãra ijãa panabachid̶au maud̶e ãchi kima bed̶ea ijãabachid̶au.

1 Pedro 3:5 Mawu Ofanana

Lucas 2:37

Ichi pẽdrãa b̶eed̶a 84 año ba b̶uasii. Ewaricha ãyadaa maud̶e ẽsabud̶e bid̶a Dachi Akõre de mechiud̶aa wãbachii Dachi Akõremaa chi bia jarai baita, Dachi Akõre baara b̶uayua chiko kod̶akau ewari waui baita maud̶e Dachi Akõremaa ʉtaa id̶ii baita.

Hechos 1:14

Joma maarã Jesús ãbarã baara, ichi nawe María maud̶e waabena wẽrarã baara ãbua duanabachid̶au Dachi Akõremaa ʉtaa id̶id̶ai baita.

Hechos 9:36

Mau ewarid̶e Jesusd̶e ijãabarii wẽra Tabita abadau Jope puurud̶e b̶uasii. Griego bed̶ead̶e ichi trʉ̃ Dorcas abachid̶au. Mau neekauba ne biꞌia wau b̶uabachii. Chi nejarr barauwãe nuree ãrea aid̶akuabachii.

Efesios 5:33

Mau ʉ̃rʉbena kuitaabi b̶umina machicha machi kima kʉ̃ria nuread̶ai panuu ara machi kʉ̃ria panuu kĩra. Maud̶e wẽraba ichi kima wapeadee b̶uai b̶uu.

1 Timoteo 2:10

Maumaarã Dachi Akõre wapea panuud̶eeba, wẽrarãba biꞌia wau panuud̶eeba ãrea biꞌia kapipia jʉ̃badau kĩra panad̶ai panuu.

1 Timoteo 2:15

Maamina wẽrarãba warr adaubadaud̶eeba maarã karibai, Cristod̶e ijãa paneeduubʉrã, biawãra waabenarã kʉ̃ria uru paneeduubʉrã maud̶e Dachi Akõre baita biꞌia paneeduubʉrã. Joma mau kĩra jipa nuread̶ai panuu.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

1 Timoteo 5:5

Pẽdrãa biawãra ichi du ab̶a b̶uuba ãrea kuitaa b̶uu joma ichiba uru b̶uai b̶uu Dachi Akõréburu deai. Ãyadaa maud̶e ẽsabud̶e Dachi Akõremaa ʉtaa id̶ibarii karibamera.

Hebreos 11:11

Abraham chõra b̶uasiid̶e, ichi wẽra Sara warr adauka basmina, Abrahamba ijãasii Dachi Akõreba ichimaa warr unubii b̶uu. Dachi Akõreba jaraaruu maka waubarii ijãasiid̶eeba warr biawãra unusii.

1 Pedro 1:3

Dachi Mechiu Jesucristo, dachi Bajãad̶ebena Akõremaa biꞌia berread̶ai panuu. Ichiba dachi ãrea kĩra chuburiasiid̶eeba Jesucristo biu b̶uad̶a chokae jiradusiid̶eeba dachi waya chokae duaneebiasii. Maud̶eeba kuitaa panuu