1 Corintios 6:13 - Emberá Chamí

¹³ Maud̶e waabenarãba jarabadau: «Chiko dachi b̶i baita b̶uu, maud̶e dachi b̶i ãnimara kiuru baita b̶uu». (Maka b̶umina Dachi Akõreba mau omea wãꞌãebii). Maamina dachi kakuaba barikia kachirua waui b̶uai baita b̶uuwãe, maumaarã Dachi Mechiu baita b̶uu.

1 Corintios 6:13 Mawu Ofanana

Mateo 15:17

Joma chi ẽbẽra okarrd̶e wãaruu, b̶id̶e wãbarii maabae awara wãbarii. ¿Mau kuitaad̶awẽa panuka?

Mateo 15:20

Joma mauba ẽbẽra Dachi Akõre daad̶e miadaa b̶ubarii, maamina jua jeraawẽa kooruuba dachi miadaa b̶ukau.

Marcos 7:19

dachi sõd̶e ed̶a wãwẽa b̶uud̶eeba. Joma chi ẽbẽra okarrd̶e wãaruu, b̶id̶e wãbarii maabae awara wãbarii. Maka jara b̶uud̶eeba Jesusba kuitaabiasii ne joma kod̶ai biꞌia b̶uu.

Juan 6:27

Trajarã́sturu chiko b̶eraabarii nedod̶ai baita. Maumaarã trajásturu chi Dachi Akõre ome ewaricha chokae b̶uabibarii chiko nedod̶ai baita. Mau mʉ, chi Ẽbẽra Ba B̶uad̶aba deai. Dachi Akõreba mʉ mau baita b̶usii.

Juan 6:49

Machi nabẽraed̶ebenarãba drua sirua wãꞌãe b̶uud̶e maná kosid̶amina biusid̶au.

Romanos 12:1

Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

Romanos 6:12

Maud̶eeba chi kachiruamaa ida machi chibari babirã́sturu. Maka machi chi kakua biui b̶uuba kachirua wau kʉ̃ria b̶uu waud̶aabai.

Romanos 7:4

Ãbarã, ara mau kĩra machi Cristo baara panuud̶eeba ichi biud̶akare, Moisesba b̶ʉd̶ad̶eeba biusid̶au. Jãabae machi Cristod̶erãd̶eeba, Dachi Akõre baita poyaa biꞌia waud̶ai.

1 Corintios 3:16

¿Adua panuka Dachi Akõre Jauri machi sõd̶e b̶uu? ¿Adua panuka machi Dachi Akõre de?

1 Corintios 6:15

¿Machiba adua panuka machi kakua Cristod̶e? Makarã ¿mʉʉba ãbua b̶uika chi Cristod̶e, wẽra aud̶ua nii ome? ¡Makawãema!

1 Corintios 6:19

¿Machiba adua panuka machi kakua Dachi Akõre Jauri de kĩra nii? Dachi Akõreba ichi Jauri machimaa deasii. Ichi machi sõd̶e b̶uu. Machi ara machid̶iwãema maumaarã Dachi Akõred̶ebʉ.

2 Corintios 11:2

Dachi Akõreba nubia b̶uu kĩra mʉʉba machi ãrea nu kʉ̃ria b̶uu. Ẽbẽraba ichi kau kima dearuu kĩra mʉʉba machi Cristomaa dea kʉ̃ria b̶uu ara ichid̶irã nuread̶amera. Mʉʉba kʉ̃ria b̶uu machi ichi baita ãrea biꞌia nuread̶ai ãwera mukĩra adua b̶uu kĩra.

2 Corintios 5:15

Biawãra Cristo jomaurã kakua biuped̶a chokae jiradusii dachi chokae nureeba ara dachiba wau kʉ̃ria panuu kĩra waa waurãad̶amera, maumaarã ichiba kʉ̃ria b̶uu kĩra wau panad̶amera.

Gálatas 5:24

Cristod̶erãba chi nau kakuaba ne joma kachirua wau kʉ̃ria b̶uu cruzd̶e jirab̶u beasid̶au.

Efesios 5:23

Mukĩra ichi wẽra chibaribʉ. Ara mau kĩra Cristo ichi ẽbẽrarã Chibaribʉ maud̶e ichi ẽbẽrarã ichi kakua kĩra nuree. Ichi ãchi Karibabariibʉ.