1 Corintios 15:58 - Emberá Chamí

⁵⁸ Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

1 Corintios 15:58 Mawu Ofanana

Marcos 3:3

Maud̶e Jesusba chi ẽbẽra jua bʉʉ niimaa naka jarasii: —Jiraduped̶a ẽsa ʉkʉ nub̶uad̶e neese.

Lucas 19:19

Maud̶eeba chi jaradea ua b̶uabariiba jarasii: “Mʉʉba puuru jua ab̶a bichi juad̶e b̶ui”.

1 Corintios 16:10

Ãba Timoteo machimaa neeruubʉrã, ichi machi tãed̶e biꞌia irsibísturu wapearãamera. Dachi Mechiuba kʉ̃ria b̶uu ichiba biꞌia wau b̶uu mʉʉba wau b̶uu kĩra.

1 Corintios 3:8

Chi ne uubarii maud̶e chi bania eabarii sid̶a Dachi Akõre daad̶e arab̶aud̶e nuree. Ichiba dachicha ne biꞌia deai, dachiba wau panad̶a kĩra.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Gálatas 4:11

Maud̶eeba mʉʉba kʉ̃risia b̶uu mʉ bari machimaa jaradeasii.

Gálatas 6:9

Maud̶eeba kakua ãkaad̶awẽa ne biꞌia wau panásturu. Kakua ãkaad̶awẽa panuubʉrã, Dachi Akõreba b̶ud̶a ewarid̶e dachiba biꞌia adaud̶ai.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Filipenses 1:9

Mʉʉba Dachi Akõremaa ʉtaa id̶i b̶uu machi ãrea chiya kʉ̃ria nuread̶amera, ichi biꞌia kuitaad̶amera maud̶e saka nibad̶ai panuu kuitaad̶amera.

Filipenses 2:16

Chi dachi chokae b̶uabiabarii bed̶ea ʉ̃rʉbena ãchimaa arakʉd̶e kuitaabia panásturu. Maka Cristo neeruud̶e mʉ machi kakua kĩrajʉʉi. Maud̶e mʉʉba kuitaai mʉ bari ara jãka nibaabasii maud̶e bari trajaabasii.

Filipenses 2:30

Cristoba waubi b̶uu kakua ichi beraa biukausii. Chi machiba mamauba mʉ baita poyaa waud̶awẽa panuu, ichiba biui adua wausii.

Filipenses 4:17

Mʉʉba id̶iwẽa b̶uu machiba ne urubʉid̶amera, maumaarã kʉ̃ria b̶uu biꞌia wau panuud̶eeba Dachi Akõreba machi biꞌia aid̶ai.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 2:5

Mʉ machi ome b̶uuwãemina mʉ kʉ̃risia machi ome b̶uu. Mʉʉba kuitaa b̶uu machi ãbua biꞌia panuu maud̶e Cristod̶e ãrea ijãa panuu. Maud̶eeba kĩrajʉʉ b̶uu.

Colosenses 2:7

Ichid̶eeba chaarea panásturu ãrea karr jidau panuu kĩra maud̶e de bia waud̶a kĩra. Ichid̶e ãrea ijãa panásturu ãbarãba jaradeaped̶aad̶a kĩra. Ewaricha Dachi Akõremaa ichíturu kid̶ibai ásturu.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

1 Tesalonicenses 3:12

Daiba kʉ̃ria panuu Dachi Mechiuba machi aid̶a b̶uai jomaurã ome biꞌia chiya kʉ̃ria panad̶amera daiba machi ãrea kʉ̃ria panuu kĩra.

1 Tesalonicenses 3:3

maud̶e machi ãrea biꞌiwãe panuud̶e, mau ãrea kʉ̃risiarãad̶amera. Machiba kuitaa panuu Cristod̶e ijãa panuu baita dachi ãrea nebʉrad̶e panad̶ai panuu.

1 Tesalonicenses 3:5

Maud̶eeba mʉʉba waa poyaa dauchia jãadua b̶uawẽed̶eeba Timoteo machimaa bʉisii, wabid̶a Cristod̶e ijãa panuu kuitaai baita. Mʉʉba kʉ̃risia b̶uasii jʉbawãe niiba machimaa Cristo ida b̶ubia b̶uasii. Makad̶a basirã daiba machimaa Cristo ʉ̃rʉbena jaradeaped̶aad̶a bari ara jãka b̶uai basii.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

2 Pedro 3:14

Ãbarã, machiba joma mau esed̶au panuud̶eeba ne jomad̶e kĩra jipa nibásturu Dachi Akõreba machi biꞌia, kachiruaswãe, ichi ome jirukaraayuwãe panuu unumera.