1 Corintios 15:52 - Emberá Chamí

⁵² Maka b̶uud̶e, ara makʉd̶e, kaad̶ebena kachu jĩwaaruud̶e maka kĩra awara paneed̶ai. Biawãra Dachi Akõre kachu jĩwai. Maud̶e biuped̶aad̶a chi kakua b̶eraad̶akaud̶e chokae jiradud̶ai. Maud̶e dachi wabid̶a chokae nuree dachi kakua kĩra awara paneed̶ai.

1 Corintios 15:52 Mawu Ofanana

Mateo 24:31

Maud̶e kachu ãrea jĩwa chaaruud̶e mʉʉba angelerã drua b̶eecha wãbiai Dachi Akõreba jʉrʉ adaud̶arã araa ãbua imibiad̶amera.

Juan 5:25

Mʉʉba biawãra jaraaruu: chi ewari neei b̶uad̶a jãabae neesii. Id̶iid̶eeba biud̶a kĩra nureeba mʉ, Dachi Akõre Warr bed̶ea ũrid̶ai. Chi mʉʉd̶e ijãaduu chokae panad̶ai.

Juan 5:28

Mʉʉba jara b̶uu kakua kʉ̃riskawarã́sturu. Biawãra ewari ab̶ad̶e jomaurã biud̶arãba mʉ, chi Ẽbẽra Ba B̶uad̶a bed̶ea ũriiduud̶e,

1 Corintios 15:23

Cristo naa chokae jiradusii. Ichi waya neeruud̶e ichid̶irã chokae jiradud̶ai.

1 Corintios 15:42

Chi biuped̶aad̶a chokae jiradud̶ai ne uud̶a kĩra b̶uu. Kakua b̶eraabarii jau b̶ubadau maamina kakua b̶eraakau chokae jiradui.

1 Corintios 15:50

Ãbarã, mʉʉba nau jaraaruu: chi kakua nau iujãad̶ebena Dachi Akõre juad̶e poyaa b̶uabai ichid̶irã baara. Chi kakua b̶eraabarii chi b̶eraakau kakuamaa poyaa b̶uabai.

1 Tesalonicenses 4:15

Mau baita Dachi Mechiuba jarad̶a daiba machimaa jaraaduu: Dachi Mechiu neeruud̶e dachi, chi wabid̶a chokae nuree chi biuped̶aad̶a naa ichimaa wãd̶aabai.

2 Pedro 3:10

Dachi Mechiuba kastikai ewari bai nechiru neebarii kĩra. Mau ewarid̶e kachirua ãrea ʉrʉrʉaped̶a bajãa wãꞌãebii. Ne joma dachiba bajãad̶e unubadau baawãi. Maud̶e nau iujãa maud̶e ne joma nau iujãad̶e nuree baawãi.

Apocalipsis 8:13

Mʉʉba ʉtaa ichiasiid̶e ũrisii nejõo ab̶a ʉtʉ ũub̶ari kãriiba naka jara kãrii: «¡Mia pera! ¡Mia pera! ¡Mia pera! Ẽbẽrarã nau iujãad̶ebena kĩra chuburiad̶ai chi waabena angelerãba ãchi kachu chaaduud̶e!»

Apocalipsis 8:2

Mau maad̶akare mʉʉba 7 angelerã Dachi Akõre daad̶e akʉ topanuu unusii. Maarãmaa kachu 7 deasii.