1 Corintios 15:20 - Emberá Chamí

²⁰ Maamina Dachi Akõreba biawãra Cristo biu b̶uad̶ad̶ebena chokae jiradubisii. Biuped̶aad̶ad̶ebena ichi chi naa chokae jiradud̶abʉ. Maka Dachi Akõreba unubisii joma ichid̶irã sid̶a biawãra chokae jiradud̶ai.

1 Corintios 15:20 Mawu Ofanana

Hechos 2:24

Jesús ãrea kakua puaba biusii. Maamina Dachi Akõreba ichi chokae jiradubisiid̶eeba waya biubai; chokae biukaraa nibai.

Hechos 26:23

Ãchiba jarabachid̶au Dachi Akõreba Dachi Karibabarii deai jarad̶a ãrea puꞌuaba biui b̶uasii maud̶e chi biuped̶aad̶arãd̶ebena naa chokae jiradui b̶uasii, chi dachi karibai ʉ̃d̶aa b̶uu judiorãmaa maud̶e judiowãerãmaa jarai baita.

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

1 Corintios 15:23

Cristo naa chokae jiradusii. Ichi waya neeruud̶e ichid̶irã chokae jiradud̶ai.

1 Corintios 15:6

Mau maad̶akare ãbarã 500 araa ãbua panuumaa unubiasii. Ãchid̶ebena chi nuree biusid̶au maamina ãrea wabid̶a chokae panuu.

Colosenses 1:18

Cristo ichid̶irã ẽbẽrarã mechiubʉ. Ichid̶eeba maarã nuree. Ichi ewaricha chokae b̶uai baita naa chokae jiradusii. Maud̶eeba joma aude chi mechiu nii.

1 Tesalonicenses 4:16

Maumaarã Dachi Mechiu bajãad̶ebena neei. Berrearuu jĩwa ũrid̶ai, ángel chi mechiu sid̶a berrearuu ũrid̶ai, maud̶e Dachi Akõre kachu jĩwa chaaruu ũrid̶ai. Maud̶e chi Cristod̶e ijãabadaurã biuped̶aad̶a naa chokae jiradud̶ai.

1 Pedro 1:3

Dachi Mechiu Jesucristo, dachi Bajãad̶ebena Akõremaa biꞌia berread̶ai panuu. Ichiba dachi ãrea kĩra chuburiasiid̶eeba Jesucristo biu b̶uad̶a chokae jiradusiid̶eeba dachi waya chokae duaneebiasii. Maud̶eeba kuitaa panuu

Apocalipsis 1:5

Maud̶e kʉ̃ria b̶uu Jesucristo bid̶a maka wau b̶uai. Ichiba Dachi Akõre ʉ̃rʉbena biawãra jarabarii. Biu b̶uad̶a naa chokae jiradusii, joma nau iujãad̶ebena chi reyrã audeara chi mechiu nii b̶uai baita. Mauba dachi kʉ̃ria b̶uu maud̶e ichi oad̶eeba kachiruad̶ebena karibasii.

Apocalipsis 14:13

Mau maad̶akare mʉʉba bajãad̶e ab̶aba jaraaruu ũrisii: «Chi kartad̶e naka b̶ʉse: “Id̶iid̶eeba chi Dachi Mechiud̶e ijãa biubadaurã biꞌia panad̶ai”». Maud̶e Dachi Akõreba naka jarasii: «Biawãra biꞌia panad̶ai. Maarã biꞌiwãe panad̶ad̶ebena kʉrrjĩru panad̶ai, maarãba biꞌia wauped̶aad̶a waa chau kãriid̶eeba».