1 Corintios 14:39 - Emberá Chamí

³⁹ Maka ãbarã, biꞌia jʉrʉ́sturu Dachi Akõre baita berread̶ayu. Maud̶e dachiba ũrid̶akau bed̶ead̶e berreabadaurã ida berreabiásturu.

1 Corintios 14:39 Mawu Ofanana

1 Corintios 12:31

Dachi Akõre Jauriba waubi b̶uud̶ebena chi dachi aude aid̶a nuree jʉrʉ́sturu. Jãabae mʉʉba machimaa kuitaabiai saka ne joma poyaa aude biꞌia wau panad̶ayu.

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.

1 Corintios 14:1

Waabenarã biꞌia kʉ̃ria panásturu. Maud̶e Dachi Akõre Jauriba waubi b̶uu joma wau kʉ̃riásturu. Dachi Akõre baita berread̶ai aude kʉ̃riásturu.

1 Corintios 14:3

Maamina chi Dachi Akõre baita berrea b̶uuba ẽbẽrarãmaa berrea b̶uu biꞌia ijãad̶amera, chaarea nuread̶amera maud̶e sõbia panad̶amera.

1 Corintios 14:38

Ab̶auba mau ida b̶uuruubʉrã, ichi sid̶a ida b̶ústuru.

1 Corintios 14:5

Mʉʉmaarã joma machi dachiba ũrid̶akau bed̶ead̶e poyaa berreabadau basirã biꞌia b̶uai basii. Maamina jomaurã Dachi Akõre baita poyaa berreabadau basirã biꞌia b̶uai basii. Biawãra dachiba ũrid̶akau bed̶ead̶e berreai audeara Dachi Akõre baita berreai biꞌia b̶uu. Maamina ab̶auba dachiba ũrid̶akau bed̶ead̶e berreaped̶a kuitaa jaraaruubʉrã, mau sid̶a biꞌia b̶uu. Maka ãbarãba kauwa ũrid̶aped̶a Dachi Akõred̶e biꞌia ijãad̶ai.

1 Tesalonicenses 5:20

Dachi Akõre baita berreabariiba jara b̶uu ida b̶urã́sturu.