1 Corintios 14:25 - Emberá Chamí

²⁵ Ichi sõd̶e mera uru b̶uad̶a biꞌia kuitaai. Maud̶e õdarrd̶e kob̶eeped̶a Dachi Akõremaa biꞌia berreai maud̶e «Dachi Akõre biawãra machi ome b̶uu» ai.

1 Corintios 14:25 Mawu Ofanana

Lucas 17:16

Jeed̶a õdarrd̶e kob̶eeped̶a Jesusmaa ãrea ichíturu kid̶ibai jarasii ichi anibisiid̶eeba. Mau mukĩra Samariad̶ebena basii.

Lucas 5:8

Simón Pedro maud̶e ichi baara panuu bid̶a b̶eda ãrea jidauped̶aad̶a unusid̶aud̶e kãare kʉ̃risiad̶ai adua basii. Ichi ome panuu Santiago maud̶e Juan basii. Maarã Zebedeo warrarã basii. Maud̶e Simón Jesús daad̶e wãped̶a õdarrd̶e kob̶eeped̶a jarasii: —Mʉ Mechiu, bibuara b̶uu bichi mʉ jãkaabena ãyaa wãi, mʉ kachirua waubariid̶eeba. Jesusba Simonmaa jarasii: —Perarã́se, id̶iid̶eeba bichiba mʉ baita ẽbẽra jidaubarii b̶eei.

Lucas 8:28

Mauba Jesús unusiid̶e b̶iasii. Maabae Jesús daad̶e õdarrd̶e kob̶eeped̶a jĩwa jarasii: —Jesús, Dachi Mechiu Warr, ¿Sakãe mʉ joe b̶uma? ¡Mʉ kĩra chuburiáse, biꞌiwãe b̶uabirã́se!

Juan 4:19

Maud̶eeba chi wẽraba jarasii: —Mʉʉmaarã bichi Dachi Akõre baita berreabariibʉ.

Hechos 4:13

Chi karrarãba Pedro maud̶e Juan wapeawẽa berrea panuu unusid̶aud̶e kuitaa kʉ̃risiad̶aabasii. Ãchiba kuitaa panasid̶au Pedro maud̶e Juan ãrea karta adua nuree. Mau awara kuitaasid̶au ãchi Jesús baara nibabachid̶au.

Apocalipsis 19:4

Maud̶e chi 24 chõrarã mechiu maud̶e chi kimare chokae nuree õdarrd̶e kopaneesid̶au Dachi Akõremaa biꞌia berread̶ai baita. Dachi Akõre ichi rey ãkaud̶e akʉ b̶uud̶e ãchiba naka jarasid̶au: «¡Biꞌia b̶uu maka b̶uai! ¡Dachi Mechiumaa biꞌia jaráduru!»

Apocalipsis 5:8

Mau karta adausiid̶e chi kimare chokae nuree maud̶e chi 24 chõrarã sid̶a ichi daad̶e õdarrd̶e kopaneesid̶au. Ãchi ab̶aab̶aa arpa maud̶e sãu nee waud̶a uru panasid̶au. Chi sãu incienso keraba waabiru uru panasii. Chi kera incienso jara b̶uu ẽbẽrarã Dachi Akõred̶erãba chi ichimaa ʉtaa id̶ibadau.