1 Corintios 11:27 - Emberá Chamí

²⁷ Maud̶eeba barikiuba Dachi Mechiu wapeawẽa mau pan kooruubʉrã maud̶e mau basud̶e b̶uu dooruubʉrã, kachirua wau b̶uu. Dachi Mechiu kakua maud̶e chi oa biꞌiwãe b̶uu a kʉ̃risia b̶uu.

1 Corintios 11:27 Mawu Ofanana

Mateo 22:11

»Chi reyba iud̶arã unud̶e wãsiid̶e ẽbẽra ab̶a paru miakãibadaud̶e jʉ̃badau jʉ̃wẽa b̶uu unusii.

Juan 6:51

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

1 Corintios 10:21

Jauri kachiruamaa dead̶a basud̶e b̶uu machiba dooduubʉrã, Jesucristo oa kĩrabad̶ai baitabena basud̶e b̶uu dod̶aabai panuu. Jai kachiruamaa ãnimara kiuru dead̶a machiba kooduubʉrã, Dachi Mechiu kĩrabad̶ai baitabena kobadau kod̶aabai panuu.

1 Corintios 11:29

Chi Dachi Mechiu Jesús kakua wapeawẽa b̶uuba mau pan kooruubʉrã, mau basud̶e b̶uu dooruubʉrã, Dachi Akõreba nebʉra barau ai.

Hebreos 10:29

Maud̶eeba ¿saka kʉ̃risia panuma? ¿Dachi Akõreba chi ichi Warr ida b̶ubadaurã aude kastikaika? Dachi Akõreba ichi Warr oad̶eeba bed̶ea chiwid̶i deasii dachi ichi baita biꞌia b̶ui baita. Makarã ¿chi Dachi Akõreba ichi Warr oa ched̶a biꞌiwãe b̶uu abadaurã aude kastikaika? Mau awara Dachi Akõre Jauriba ichi sõbiad̶eeba dachi aid̶a b̶uu. Maka b̶uubʉrã ¿chi Dachi Akõre Jauri ʉ̃rʉbena kachirua jarabadaurã kastikawẽka?