1 Corintios 11:26 - Emberá Chamí

²⁶ Dachi Mechiu Jesús neeruumisa mau pan kooduucha maud̶e mau basud̶e b̶uu dooduucha machiba ichi biud̶a ʉ̃rʉbena jara panuu.

1 Corintios 11:26 Mawu Ofanana

Juan 14:3

Mʉ mau biꞌia waud̶e wãaruubʉrã, waya neei machi uad̶oi baita mʉ ome nuread̶amera.

Juan 21:22

Jesusba panausii: —Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa ¿bichiba mau sakaima? Mʉʉba kʉ̃ria b̶uu bichi mʉ baara nibai.

Juan 21:23

Maka jarad̶a kakua ãrea ãbarãba kʉ̃risiasid̶au chi Jesusba ãrea kʉ̃ria b̶uu abadau biubai. Maamina Jesusba jarawẽa b̶uasii jãu biubai. Maumaarã jarasii: “Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa, ¿bichiba mau sakaima?”

Hechos 1:11

Mau ẽbẽraba naka jarasid̶au: —Machi Galilead̶ebena, ¿sakãe bajãad̶aa ichia panuma? Jesús machi baara b̶uad̶a bajãad̶aa wãd̶a waya neei ichi bajãad̶aa wãd̶a kĩra.

1 Corintios 15:23

Cristo naa chokae jiradusii. Ichi waya neeruud̶e ichid̶irã chokae jiradud̶ai.

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

1 Tesalonicenses 4:16

Maumaarã Dachi Mechiu bajãad̶ebena neei. Berrearuu jĩwa ũrid̶ai, ángel chi mechiu sid̶a berrearuu ũrid̶ai, maud̶e Dachi Akõre kachu jĩwa chaaruu ũrid̶ai. Maud̶e chi Cristod̶e ijãabadaurã biuped̶aad̶a naa chokae jiradud̶ai.

2 Tesalonicenses 1:10

Ichi neeruud̶e mau ewarid̶e ichid̶irãba ichimaa biꞌia berread̶ai. Ãchi ome biꞌia waud̶ad̶eeba joma ichi ijãabadaurãba ichi ãrea biꞌia unud̶ai. Daiba ichi ʉ̃rʉbena jaradeasid̶aud̶e, machia bid̶a ijãasid̶au.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

2 Pedro 3:10

Dachi Mechiuba kastikai ewari bai nechiru neebarii kĩra. Mau ewarid̶e kachirua ãrea ʉrʉrʉaped̶a bajãa wãꞌãebii. Ne joma dachiba bajãad̶e unubadau baawãi. Maud̶e nau iujãa maud̶e ne joma nau iujãad̶e nuree baawãi.

1 Juan 2:28

Mʉ warrarã, Cristo ome ãbua panásturu. Maka ichi neeruud̶e wapead̶awẽa maud̶e kĩra nejasiad̶awẽa nuread̶ai ichi daad̶e.

Judas 1:14

Enocba maarã ʉ̃rʉbena berreasii. (Adand̶ebena ab̶a Enocd̶aa ẽbẽrarã imiped̶aad̶arã 7 panasid̶au). Enocba Dachi Mechiu baita naka berreasii: «¡Ũrísturu! Dachi Mechiu ichid̶irã ãrea baara neei joma kastikakuai baita. Maud̶e joma ichi kʉ̃riad̶akaurã kastikakuai. Maka waui kachirua wausid̶aud̶eeba Ichi kʉ̃riad̶aabasiid̶eeba, maud̶e Ichi ʉ̃rʉbena kachirua ãrea berreasid̶aud̶eeba».

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Apocalipsis 22:20

Joma nau kartad̶e b̶ʉ kub̶uu Jesusba biawãra a b̶uu. Ichiba naka jara b̶uu: «¡Biawãra b̶uu mʉ kãꞌãabariwãed̶e neei!» Biꞌia b̶uu kãꞌãabariwãed̶e neei. ¡Uche dai Mechiu Jesús!