Matie 6:9 - Diiloŋ-nelma Tobisĩfɛlɛnni

⁹ «Taa na cãrã Diiloŋo‑i dumandɛ: ‹I To nuɔni maŋ dii dɔrɔ‑i-na, yaŋ nuɔmba‑i hiere ba suɔ wuɔ nuɔnɛi Diiloŋ nuɔŋo‑i.

Matie 6:9 Mawu Ofanana

Matie 10:29

Tigãlãamba hãi sullu saa cor warbelle diei; a ne da na To duɔ saa hũu-ma, u diei siɛ gbãa par diire.

Matie 23:9

Mi baa da na bĩɛ moloŋo hĩɛma-na wuɔ na to. Na To dii u diei yoŋ, u yaa dɔrɔ‑i-na.

Matie 26:29

Mi tũnu-nɛi: Da ma hel fiɛfiɛ‑i-na, ni mi To nelleŋ sĩ, mi siɛ tiraa nyɔŋ duvɛ̃ŋo baa-na.»

Matie 26:42

Uŋ waaŋ mafamma‑i, wuɔ bir ta ka cãrã Diiloŋo‑i. Uŋ waaŋ mamaŋ gboluoŋgu faŋgu-na, u ciɛra: «Baba, da kuɔ yaahuolo daayo saaya u da-mi, wɛima sĩ, ma ce niŋ taaraŋ ma ce dumaa.»

Matie 5:16

Fitĩnuɔŋ ceŋ gbagbaama‑i dumaa, namaa na saaya na ta na ce gbagbaama‑i dumɛi nuɔmba hɔlma-na; ku yaa ba ka da na maacenfafamma‑i aa ta ba kaal na To‑i dɔrɔ‑i-na.»

Matie 5:48

Yaaŋ aa na ta na ce kumaŋ faa, ŋaa na To maŋ dɔrɔ‑i-na uŋ ceŋ dumaa.»

Matie 6:14

«Na saa da, moloŋ duɔ cãl-ni aa ŋ yaŋ ma tĩ, nuɔ da ŋ bi cãl ŋ To‑i dɔrɔ‑i-na, u ka bi yaŋ ma tĩ.

Matie 6:6

Da ŋ'a ŋ cãrã Diiloŋo‑i, suur dũŋ-nu aa ŋ bĩŋ-ku ŋ fɛrɛŋ nuɔ, ŋ To dii terieŋgu faŋgu-na, cãrã-yuɔ. Niŋ fuyaa ta ŋ ce kumaŋ u daa-ni, u ka pã-ni.

Matie 7:11

Namaa namaŋ balaaŋ, da na ta na suɔ-ma na hã na bisãlmba‑i bĩmbĩfafanni, ku ce niɛ aa na To‑i dɔrɔ‑i-na, bamaŋ cãarãŋ bĩmbĩfafanni‑i u wulaa, u siɛ hã-ba baa-ni?

Like 15:18

Mi ka sire bir kã mi to wulaa ka waŋ baa-yo wuɔ mi cãlãa Diiloŋo‑i aa tiraa cãl fuɔ fɛrɛ‑i.

Like 15:21

Bɛpolŋo gbɛ̃-yo wuɔ: ‹Baba, mi cãlãa Diiloŋo‑i aa tiraa cãl naŋ fɛrɛ‑i, baa tiraa ŋ ta ŋ bĩ-mi ŋ biɛŋ muɔ.›

Like 2:14

«Diiloŋo gbĩɛ baa tuɔlnumma dii dɔrɔ‑i-na, aa uŋ dɔlaa nelbiliemba‑i, yaafɛ̃lle waa hĩɛma-na.»

Nsãa 20:17

Yesu wuɔ cira: «Baa bella-miɛ! Mi saa hi nyugũŋ kã mi To wulaa yogo. Mamaŋ dii cemma: Kã ŋ ka waŋ baa mi baamba‑i wuɔ miɛ mi nyugũŋ kã mi To wulaa, u yaa namaa bi To. Mi kã mi Diiloŋo wulaa, u yaa namaa bi Diiloŋo.»

Ɔrɔmutaamba sɛbɛ 1:7

Diiloŋ uŋ dɔlaa namaa namaŋ Ɔrɔmu‑i-na hiere aa bĩ-na ce-na u baaŋ namaa, mi nyɛgɛ̃ŋ sɛbɛ daayo‑i da mi hã namɛi. I To‑i Diiloŋo‑i, baa Itieŋo‑i Yesu-Kirsa‑i ba kãyã-nɛi aa fɛ̃ na hɔmmu‑i.

Ɔrɔmutaamba sɛbɛ 8:15

Kumaŋ ciɛ mi waŋ-ma dumaaŋo-na, naŋ daa Diiloŋ-Yalle maŋ, di sa ce-na kɔraaŋ namaa, a ce na ta na kãalã; ŋga di ce-na Diiloŋ-bisãlŋ namaa, a ce i tiɛ gbã i bĩ Diiloŋo‑i «Baba!»

Galasitaamba sɛbɛ 1:1

Muɔ Pol, Yesu-Kirsa *pɔpuɔrbiloŋ muɔ. Pɔpuɔrbilosĩnni fanni‑i mi saa da-ni nuɔŋ nammu-na, mi saa bi da-ni nɛliɛŋ bargɔ-na, ŋga Yesu-Kirsa‑i baa i To‑i Diiloŋo maŋ siire-yuɔ hiel-o kuomba hɔlma-na, ba yaa hãa-mi baa-ni.

Galasitaamba sɛbɛ 4:6

Naŋ yeŋ Diiloŋ-bisãlŋ namaa, ku'i ciɛ Diiloŋo saaŋ u Biɛŋo *Yalle‑i na hɔmmu-na. Di yaa ciɛŋ i tiɛ bĩ Diiloŋo‑i «Baba».

Timote sɛbɛdĩɛlãŋo 6:16

Fuɔ yaa sa kuuŋ u diei yoŋ. Cecerma maŋ dii u terieŋgu-na molo siɛ gbãa piɛ ma caaŋ-nu. Molo saa da u yufelle dede aa molo siɛ bi gbãa da u yufelle. Yuntesĩnni‑i baa fɔ̃ŋgɔ̃tesĩnni gbĩɛ baa u yaa‑i kudɛi. Ma ciɛ.

Piɛr dĩɛ. 1:17

Da na ta na cãrã Diiloŋo‑i na ta na bĩ-yo «Baba», na ninsoŋo. U yaa pãaŋ nuɔmba‑i a saanu baa baŋ ciɛ kumaŋ; u sa ce ciɛluɔ. Terieŋgu faŋgu-na, yinni maŋ tĩyãa na wulaa hĩɛma-na, gbãaŋ na ciluɔ tuɔ pigãaŋ wuɔ na kãalã-yuɔ.

Ãmpigãama 4:11

«Diiloŋ nuɔ, Itieŋ nuɔ, tuɔlnumma saaya-niɛ, gbɛliɛma saaya-niɛ, jaaluŋgu saaya-niɛ, himma saaya-niɛ wuɔ nuɔnɛi hielaa bĩmbĩnni maŋ dii hiere. Bĩmbĩnni maŋ dii hiere ni hilaa naŋ helma aa tĩɛ naŋ tĩɛma.»

Ãmpigãama 5:12

Ba taa ba hãl kabakaba wuɔ: «Baŋ cãa Tũmbiloŋo maŋ nuoŋ-nu'i, himma saaya-yuɔ, wɛisĩnni saaya-yuɔ, nelnulle saaya-yuɔ, fɔ̃ŋgũɔ saaya-yuɔ, bɔbɔima saaya-yuɔ, gbɛliɛma saaya-yuɔ, tuɔlnumma saaya-yuɔ!»