Ãmpigãama 7:16 - Diiloŋ-nelma Tobisĩfɛlɛnni

^16-17 Aa Tũmbiloŋo‑i fɔ̃ŋgɔ̃taaŋ-teterre-na, u'i ka waa ba ãncĩinaŋo‑i. U ka ceŋ-ba kã baa-ba cicɛ̃lmaŋ-hũnfoeŋa-na. Nyulmu sa ji tiraa bel-ba, hũŋkuɔsĩnni sa ji tiraa ko-ba, bãaŋgu sa ji tiraa ye-ba, babãaŋgu sa ji tiraa mulĩɛŋ ba kũɔma‑i. Aa Diilo fuɔ fɛrɛ yaa ka hur ba nyinyɔlma‑i hiere.»

Ãmpigãama 7:16 Mawu Ofanana

Matie 13:21

Ŋga ma siɛ gbãa naŋ kaasĩnni. A ce dumaaŋo-na wɛiŋ da ma da kutaamba‑i, sisɔ da ba ta ba huol ba yammu‑i ma maama-na, ba har jĩna.

Matie 13:6

Uŋ paa, u kaasĩnni saa gbãa suur kã yaaŋ-na. Bãaŋguŋ juɔ doŋ ta ku jo, wuɔ kuol hiere kpɛ̃mmu!

Matie 5:6

Bamaŋ kuuyeŋ kuuviiŋgu cemma‑i, ba yunni dɔlaa; ma ka dɔl-ba.

Marke 4:17

Ŋga ma siɛ gbãa naŋ kaasĩnni. Wɛiŋ da ma da kutaamba‑i, sisɔ da ba ji ta ba huol ba yammu‑i ma maama-na, ba har jĩna.

Marke 4:6

Uŋ paa dumaaŋo-na, u kaasĩnni saa gbãa suur kã yaaŋ-na. Bãaŋguŋ juɔ ta ku jo huɔŋgu-na, u kuol hiere kpɛ̃mmu!

Like 1:53

Nyulmuŋ waa bamaŋ nuɔ‑i, u hãa ba wuo ye, aa bir waamba‑i u saa hã-ba bĩŋkũŋgu.

Like 6:21

Nyulmuŋ yeŋ namaa namaŋ nuɔ‑i fiɛfiɛ‑i-na, na yunni dɔlaa; niiwuoni kaa haaya baa-na. Namaa namaŋ kaalaaŋ fiɛfiɛ‑i-na, na yunni dɔlaa; na kaa waa nyɛmbĩnniŋ.

Nsãa 4:14

Ŋga muɔ da mi hã umaŋ mi hũmma‑i u nyɔŋ, ma ka ce hũnfoele kutieŋo huɔŋga-na, aa cicɛ̃lma maŋ sa tĩɛŋ dede ma'i ka ta ma hel hũnfoele fande-na, a ce dumaaŋo-na hũŋkuɔsĩnni cɛraa ni ji bel-o.»

Sake 1:11

Da ma ce ma pu ta ma ne da fafamma, bãaŋ da ku huol, ma pɔtɔr hũl diire hiere, ŋ sa tiraa da ma fafaaŋgu‑i. Waamba dii dumɛi, da ba ce ba tĩɛ ba maacemma‑na ji kanu aa yaŋ-ma.

Ãmpigãama 21:4

U ka hur ba nyinyɔlma‑i hiere. Kuliiŋgu siɛ tiraa waa, balaaŋgu siɛ tiraa waa, kaaluŋgu siɛ tiraa waa, mulĩɛma siɛ tiraa waa. Ãncɔlɔmma gbuyaa hiere.»