Ãmpigãama 5:6 - Diiloŋ-nelma Tobisĩfɛlɛnni

⁶ Miɛ mi ne da *Tũmbiloŋo naŋo yiɛraaya fɔ̃ŋgɔ̃taaŋ-teterre caaŋgu-na bimuɔmba naa-baaŋ daaba hɔlma-na, bĩncuɔmba yaaŋga-na. U taa u ne ŋaa ba cãa u nuoŋ-nu. U waa baa yiɛŋa niehãi baa yufieŋa niehãi. Yufieŋ daaya yaa Diiloŋ-Yalɛiŋa niehãi-waaŋa‑i. U saaŋ a yaa‑i terni-na hiere hĩɛma-na.

Ãmpigãama 5:6 Mawu Ofanana

Like 1:69

U hãa-ye ninsoŋ-koŋkortieŋo. U hielaa-yo *Davidi hãayɛ̃lmba-na. U hielaa-yo u cãarãŋo dũŋ-nu hã-ye.

Nsãa 1:29

Ku cuo kaala‑i-na, Nsãa wuɔ u ne da Yesu jo u wulaa. Wuɔ cira: «*Diiloŋ-Tũmbiloŋo yaa juɔŋ daayo. U yaa piriiŋ nelbiliemba ãmbabalma‑i.

Nsãa 1:36

U juɔ'a u ne da Yesu cor. Wuɔ cira: «*Diiloŋ-Tũmbiloŋo yaa kãaŋ daayo!»

Pɔpuɔr. 8:32

Uŋ taa u kalaŋ terieŋgu maŋ, ku yaa daaku: «Ba ciɛ-yo sũlma u saa ji puur u nuŋgu‑i waŋ wɛima ŋaa tũmaaŋo. Ba bilaa-yo da ba ka ko-yo wa, ba bilaa-yo ta ba karra u kuɔsĩnni‑i wa, u sa waŋ wɛima.

Ãmpigãama 1:4

Muɔ Nsãa, muɔmɛi nyɛgãaŋ sɛbɛ daayo‑i da mi hã Diiloŋ-dũnni niehãi maŋ dii *Asi‑i-na. Diiloŋo maŋ dii, u yaa waa, u yaa ka waa; fuɔ baa yalɛiŋa niehãi maŋ u caaŋgu-na ba kãyã-nɛi aa fɛ̃ na hɔmmu‑i.

Ãmpigãama 12:11

Tũmbiloŋo tãmma‑i baa Diiloŋ-nelma maŋ hilaa i baamba nunni-na, ma yaa ciɛ ba yar-o. Ba hĩɛrã kuliiŋgu‑i ŋaa ku sa jaŋ-ba.

Ãmpigãama 13:8

Da ma hel bamaŋ yirɛiŋa‑i nyɛgãaŋ cicɛ̃lmaŋ-sɛbɛ‑i-na dii miwaaŋo jĩnamma-na, nelbiliemba‑i hiere ba ka ta ba dũuna ba jaal-o. Cicɛ̃lmaŋ-sɛbɛ daayo‑i, baŋ kuɔ *Tũmbiloŋo maŋ, fuɔ wuoŋo‑i.

Ãmpigãama 14:1

Miɛ mi tiraa ne da *Tũmbiloŋo yiɛraaya *Sinyɔ-tãnuŋgu-na baa nelpũŋgu naŋ temma. Ba waa nuɔmba neifieŋ-komuɔŋa siɛi baa cĩncieluo nuɔmba neifieŋa hãi. Tũmbiloŋo yerre‑i baa u To diele naa nyɛgɛ̃ŋ ba yaadãmma-na.

Ãmpigãama 17:14

Ba ka sire ka kar bɛrru *Tũmbiloŋo-na, ŋga Tũmbiloŋ uŋ yeŋ yuntaamba‑i hiere ba Yuntieŋo, aa tiraa waa jãmatigibaa-ba‑i hiere ba Jãmatigi, u ka yar-ba. U baamba‑i, uŋ bĩɛ bamaŋ, u yufelleŋ hilaa bamaŋ nuɔ‑i, bamaŋ haa ba naŋga‑i yuɔ ba ka bi yar jãmatigibaa daaba‑i.»

Ãmpigãama 21:22

Diiloŋ-dũŋgu saa waa nel daade-na. Itieŋo‑i Diiloŋo‑i Wɛimantieŋo‑i, baa *Tũmbiloŋo‑i, baŋ yeŋ ba fɛrɛ, yuŋgu si dii Diiloŋ-dũŋgu waama-na.

Ãmpigãama 21:23

Diiloŋ uŋ ciɛ di ta di caa kpoikpoi dumaaŋo-na, bãaŋ-maama saa waa bɛi, cɛiŋ-maama saa bi waa bɛi. Tũmbiloŋo yaa waa ba fitĩnuɔ‑i.

Ãmpigãama 22:1

*Dɔrpɔpuɔrbiloŋ wuɔ pigãaŋ-mi cicɛ̃lmaŋ-nuoraaŋgu‑i. Ku gbuu ta ku ne da kilekilekile. Ku taa ku bũŋ ku hel Diiloŋo‑i baa Tũmbiloŋo‑i ba teterre yaa nuɔ‑i

Ãmpigãama 22:3

Diiloŋ uŋ haa u nubabalaaŋgu‑i kumaŋ nuɔ‑i, ku siɛ gbãa da nel daade-na. Diiloŋo‑i baa Tũmbiloŋo‑i ba teterre ka waa nelleŋ-huɔŋga-na. Diiloŋo cãarãamba ka ta ba jo ba jaal-o diɛ.

Ãmpigãama 4:8

Bimuɔŋ daaba waa baa bũncɛmmu niede-niediei. Ba kũɔma naa gbuo hiere baa yufieŋa ka hel baa ba bũncɛmmu cicaara‑i hiere. Bãaŋgu‑i baa isuɔŋgu‑i ba bi hãl nɛini yaa‑i. Ba taa ba hãl wuɔ: «U faa, u faa, u faa, Itieŋo‑i Diiloŋo‑i Wɛimantieŋo maŋ naa waa, u yaa dii, u yaa ka waa; u faa kelkel.»

Ãmpigãama 5:11

Miɛ mi tiraa ne, a da dɔrpɔpuɔrbiemba‑i ŋaa sĩamba! Ba waa ŋaa nyɛiŋo; molo siɛ gbãa kãŋ-ba. Ba waa kalla bimuɔŋ daaba‑i baa bĩncuɔŋ daaba‑i baa fɔ̃ŋgɔ̃taaŋ-teter daade‑i hiere.

Ãmpigãama 5:12

Ba taa ba hãl kabakaba wuɔ: «Baŋ cãa Tũmbiloŋo maŋ nuoŋ-nu'i, himma saaya-yuɔ, wɛisĩnni saaya-yuɔ, nelnulle saaya-yuɔ, fɔ̃ŋgũɔ saaya-yuɔ, bɔbɔima saaya-yuɔ, gbɛliɛma saaya-yuɔ, tuɔlnumma saaya-yuɔ!»

Ãmpigãama 5:13

Diiloŋ uŋ hielaa bĩmbĩnni maŋ hiere, nimaŋ dɔrɔ‑i-na, baa nimaŋ hĩɛma-na, baa nimaŋ kuoŋ-nelle-na a naara nimaŋ hũmma-na, bĩmbĩnni‑i hiere miwaaŋo-na, miɛ nu ni hãl wuɔ: «Umaŋ tĩɛnaana fɔ̃ŋgɔ̃taaŋ-teterre-na, fuɔ baa Tũmbiloŋo‑i, tuɔlnumma saaya ba yaa‑i, bɔbɔima saaya ba yaa‑i, gbɛliɛma saaya ba yaa‑i, fɔ̃ŋgũɔ saaya ba yaa‑i hɔnni maŋ joŋ!»

Ãmpigãama 5:14

Bimuɔmba naa-baaŋ daa baa siɛ wuɔ: «Ma ciɛ.» Aa bĩncuɔŋ daa baa dũuna jaal-ba.

Ãmpigãama 6:16

Aa naa ta ba waŋ baa tãnni‑i wuɔ: «Ciiŋ na haa-yiɛ na fuo-ye, umaŋ tĩɛnaana fɔ̃ŋgɔ̃taaŋ-teterre-na u baa da i yufelle aa Tũmbiloŋo baa bi da-ye gãŋ baa-ye.