Ãmpigãama 4:11 - Diiloŋ-nelma Tobisĩfɛlɛnni

¹¹ «Diiloŋ nuɔ, Itieŋ nuɔ, tuɔlnumma saaya-niɛ, gbɛliɛma saaya-niɛ, jaaluŋgu saaya-niɛ, himma saaya-niɛ wuɔ nuɔnɛi hielaa bĩmbĩnni maŋ dii hiere. Bĩmbĩnni maŋ dii hiere ni hilaa naŋ helma aa tĩɛ naŋ tĩɛma.»

Ãmpigãama 4:11 Mawu Ofanana

Pɔpuɔr. 14:15

«Na ce bige‑i maacemma‑i dumandɛ‑i-na? Caamba'i bi huɔŋ miɛŋo‑i namaa temma‑i. I juɔ baa *Neldɔdɔlma'i diɛ ji tũnu-nɛi, wuɔ na nanna ãnsɔsɔŋ daama‑i aa na cu Cicɛ̃lmantieŋo huoŋ-nu. U yaa hielaa dɔrɔ‑i baa hĩɛma‑i baa dãmmaŋ-nuoraaŋgu‑i baa ni huɔya-niini‑i hiere.

Pɔpuɔr. 17:24

U yaa Diiloŋo‑i. U yaa hielaa bĩmbĩnni‑i hiere. U yaa dɔrɔ‑i baa hĩɛma‑i ni Tieŋo‑i. Molo siɛ gbãa ma dũŋgu a hã u suur.

Ɔrɔmutaamba sɛbɛ 11:36

Bĩmbĩnni‑i hiere u yaa hielaa-ni, nii dii fuɔ nagãŋ-na aa ni tĩyãa fuɔ tĩɛma. Yaaŋ i tiɛ gbɛliɛŋ u yaa‑i hɔnni maŋ joŋ! Ma ciɛ.

Efɛsitaamba sɛbɛ 3:9

Aa Diiloŋ uŋ ceŋ u kusũŋgu‑i dumaa, mi kaala-kuɔ baa nuɔmba‑i. U yaa hielaa bĩmbĩnni‑i hiere. Dii ku domma-na u yaaŋ nel daama‑i u huɔŋ-na.

Ebire 1:10

U bi tiraa cira: «Itie, nuɔnɛi hielaa hĩɛma‑i dii ku domma-na, naŋ fɛrɛŋ nammu yaa maa dɔrɔ‑i.

Ebire 1:2

Ŋga fiɛfiɛ‑i-na, yiperieŋ daani-na, u ciɛ u Biɛŋo yaa piiye baa-ye. Diiloŋo curaa baa u yaa‑i a hiel miwaaŋo‑i, aa bir bĩmbĩnni‑i hiere dii u naŋ-na.

Ãmpigãama 1:6

U ciɛ-ye u nelle taaŋ miɛ aa tiraa ce-ye jigãntaaŋ miɛ i diɛ tiɛ cãa u To‑i Diiloŋo‑i. Bɔbɔima‑i baa fɔ̃ŋgɔ̃tesĩnni gbĩɛ baa u yaa‑i hɔnni-na hiere. Ma ciɛ!

Ãmpigãama 10:6

aa naa cira: «Ku hii! Dɔrpɔpuɔrbiloŋo maŋ tĩyãa niehãi-wuoŋo‑i, duɔ doŋ tuɔ bu u yɛrre‑i Diiloŋ uŋ ŋa naa waŋ u kusũŋgu maŋ baa u cãarãamba‑i, uŋ ŋa naa waŋ u kusũŋgu maŋ baa u *pɔpuɔrbiemba‑i, u ka ce-ku. Diiloŋo yaa mi siɛra. U yaa hielaa dɔrɔ‑i baa hĩɛma‑i, aa hiel dãmmaŋ-nuoraaŋgu‑i baa bĩmbĩnni‑i hiere, uu dii gbula, u sa ji kã terieŋgu.»

Ãmpigãama 14:7

U taa u piiye da gbagaga wuɔ: «Diiloŋ uŋ ka gɛr nuɔmba ãndaaŋgu‑i huɔŋgu maŋ nuɔ‑i ku hii tĩ, a ce dumaaŋo-na, taa na kãŋ-yo aa na ta na gbɛliɛŋ-yo. Taa na dũuna na jaal umaŋ hielaa dɔrɔ‑i baa hĩɛma‑i. Taa na jaal umaŋ hielaa nuoranni‑i baa hũnfonni‑i!»

Ãmpigãama 19:1

Ku huoŋgu-na, mi nu ŋaa nelpũŋgu'i piiyeŋ da gbagaga dɔrɔ‑i-na wuɔ: «Yaaŋ i tiɛ jaal Diiloŋo‑i! Koŋkoro dii baa u yaa‑i, bɔbɔima gbĩɛ baa u yaa‑i, himma dii baa u yaa‑i.

Ãmpigãama 5:12

Ba taa ba hãl kabakaba wuɔ: «Baŋ cãa Tũmbiloŋo maŋ nuoŋ-nu'i, himma saaya-yuɔ, wɛisĩnni saaya-yuɔ, nelnulle saaya-yuɔ, fɔ̃ŋgũɔ saaya-yuɔ, bɔbɔima saaya-yuɔ, gbɛliɛma saaya-yuɔ, tuɔlnumma saaya-yuɔ!»

Ãmpigãama 5:2

Aa da *dɔrpɔpuɔrbiloŋo naŋo piiye da gbagaga wuɔ: «Hai moloŋo‑i ka gbãa yer dãnyɔbaa daaba‑i halaŋ-ba aa puur sɛbɛ‑i?»

Ãmpigãama 5:9

Ba taa ba hãl nalãfɛliɛŋgu wuɔ: «Baŋ kuɔ-ni, ŋ ciɛ ŋ tãmma‑i a sãa nuɔmba yunni‑i terni-na hiere, baa dũnni-na hiere, baa nelmambaa-ba-na hiere, baa nilɛiŋa-na hiere a hã Diiloŋo‑i. Nuɔnɛi gbãa biɛ sɛbɛ‑i a yer dãnyɔbaa-ba‑i aa puur-o.