Ãmpigãama 17:12 - Diiloŋ-nelma Tobisĩfɛlɛnni

¹² «Yiɛŋa cĩncieluo maŋ niŋ daa-ya bĩŋwuoŋo-na daaya‑i, jãmatigibaa-ba'i dumaaŋo-na, ŋga ba saa doŋ ba bãaŋgu‑i yogo. Ba ka hã-ba hũmelle‑i ba ce ba bãaŋgu‑i baa bĩŋwuoŋo‑i lɛr diei yoŋ.

Ãmpigãama 17:12 Mawu Ofanana

Ãmpigãama 10:11

Ku huoŋgu-na, baa gbɛ̃-mi wuɔ: «Diiloŋo taara u puɔr-ni baa nuɔmba bɔi maama, baa nilɛiŋa bɔi maama, baa fɔ̃ŋgɔ̃taamba bɔi maama, ŋ gbĩɛ ŋ ka tiraa waŋ-ma.»

Ãmpigãama 12:3

Miɛ mi ne tiraa da gbɛrɛ naŋo dɔrɔ‑i-na: Jũŋo naŋo da dãa baa yunni niehãi baa yiɛŋa cĩncieluo! Nyantuolbaa-ba waa u yunni-na hiere.

Ãmpigãama 13:1

Ku huoŋgu-na, miɛ mi ne da bĩŋwobalŋo naŋo hilaa dãmmaŋ-nuoraaŋgu-na. U waa baa yunni niehãi baa yiɛŋa cĩncieluo. Nyantuolbaa-ba waa yiɛŋ daaya-na hiere. Aa Diiloŋo tuosĩnniŋ-yirɛiŋa naa nyɛgɛ̃ŋ u yunni-na hiere.

Ãmpigãama 17:16

Niŋ daa yiɛŋa cĩncieluo maŋ daaya‑i, mi waaŋ-ma baa-ni miɛ jãmatigibaa-ba'i dumaaŋo-na; bafamba‑i baa bĩŋwuoŋo‑i ba ka bigãaŋ saasorciɛŋo‑i. Ba ka hũu u nagãŋ-niini‑i aa firre-yuɔ yaŋ-yo bebelle. Ba ka wuo-yo aa caa u boini‑i baa dãamu.

Ãmpigãama 18:10

Korma ka da-ba ba yiɛra da yargaa ta ba fara ba ne aa ta ba piiye wuɔ: «Gbɛrɛ hayo‑i temma‑i daayo‑i! Babilɔni naŋ sũlŋ daama! Nuɔ baa ŋ fɔ̃ŋgũɔ‑i baa ŋ bɔbɔima‑i hiere ŋ guɔlamma saa gbuu boŋ bãaŋgu.»

Ãmpigãama 18:17

Bĩmbĩfafaŋ daani bĩɛnamma saa gbuu boŋ bãaŋgu.» Bamaŋ taaraayaŋ ba nuŋ-juuru‑i dãmmaŋ-nuoraaŋgu-na: Baatoŋ-gbartaamba‑i, hũncortaamba‑i, baa bamaŋ ciɛŋ maacemma baatombaa-ba-na, da ba ji da nyaasĩnni‑i tugugu nelle yudɔrɔ‑i-na, ba ka yiɛra da yargaa

Ãmpigãama 18:19

Ba ka kũɔl hĩɛma kũnna ba yunni-na aa haa ba nammu‑i ba yunniŋ ta ba kaal aa ta ba piiye wuɔ: «Gbɛrɛ hayo‑i temma‑i daayo‑i! Nebuɔ maŋ ciɛ baatontaamba ce waamba hiere baa u bisĩnniŋ-hãlmaaŋgu‑i, u bĩɛnamma saa gbuu boŋ bãaŋgu.»