Korɛ̃ntitaamba sɛbɛdĩɛlãŋo. 14:34 - Diiloŋ-nelma Tobisĩfɛlɛnni

³⁴ Diiloŋ-dũŋ-baaŋ da ba tigiiŋ ba-naa, caamba saaya ba suuye ba nunni‑i; ba saa saaya ba ta ba piiye. Ŋaa maŋ bi nyɛgãaŋ dumaa *ãnjĩnamma-na wuɔ ba saaya ba ta ba hiire ba fɛrɛ.

Korɛ̃ntitaamba sɛbɛdĩɛlãŋo. 14:34 Mawu Ofanana

Korɛ̃ntitaamba sɛbɛdĩɛlãŋo. 11:13

Namaa fɛrɛ‑i niɛŋ-kuŋ na ne! Ciɛŋ duɔ yaŋ u yuŋgu‑i u saa suuye-kuɔ aa tuɔ cãrã Diiloŋo‑i, ku biyaa wɛi?

Korɛ̃ntitaamba sɛbɛdĩɛlãŋo. 11:3

Ŋga mi taara na suɔ wuɔ *Kirsa yaa nuɔmba‑i hiere ba yuŋgu‑i. Bibiɛŋo yaa ciɛŋo yuŋgu‑i aa Diiloŋo yaa Kirsa yuŋgu‑i.

Korɛ̃ntitaamba sɛbɛdĩɛlãŋo. 11:5

Aa ciɛŋ duɔ yaŋ u yuŋgu‑i gbãŋgbãŋ aa tuɔ cãrã Diiloŋo‑i sisɔ duɔ yaŋ-ku aa tuɔ waŋ Diilopɔpuɔruŋgu‑i, kuu dii ŋaa u saa kãŋ u bɔlɔ yaa‑i, a ne da u yaa u yuŋgu‑i. Ciɛŋo faŋo temma dii ŋaa ciɛŋo maŋ cirii u yuŋgu‑i.

Korɛ̃ntitaamba sɛbɛdĩɛlãŋo. 14:21

Ma nyɛgãaŋ *ãnjĩnamma-na wuɔ: Itieŋo ciɛra: «Miŋ taaraŋ mi waŋ mamaŋ baa *Isirahɛl-baamba‑i, mi ka ce niɛraamba yaa waŋ-ma baa-ba. Mi ka piiye niɛrtimma baa-ba. Mafaŋ da ma fiɛ ce, ba siɛ nu mi nuŋgu‑i.»

Korɛ̃ntitaamba sɛbɛdĩɛlãŋo. 14:35

Ciɛŋo maŋ duɔ tuɔ taara u yuu nelma namma suɔ, u cie da ba kũŋ cĩiŋgu-na u ka yuu u bɔlɔ‑i. Ciɛŋo saa saaya u piiye Diiloŋ-dũŋ-baamba hɔlma-na, ku saa fa.

Efɛsitaamba sɛbɛ 5:33

Ŋga ma bi vii namaaŋo‑i: Bibiɛŋo bibiɛŋo, u saaya u tuɔ dɔl u ciɛŋo ŋaa uŋ dɔl u fɛrɛ dumaa; aa ciɛŋo ciɛŋo, u tuɔ siɛ u bɔlɔ wulaa.

Kolɔsitaamba. 3:18

Caaŋ namaa, taa na siɛ na bɔlbaa-ba wulaa ŋaa Itieŋ uŋ taaraŋ-kuɔ dumaa.

Tite 2:5

Ba ka ce nelnurãamba, baa cafafaamba. Ba ka yiɛra terduɔŋ-nu aa vii aa ta ba siɛ ba bɔlbaa-ba wulaa. Mafaŋ da ma ce, molo siɛ da bĩɛna Diiloŋ-hũmelle yerre‑i.