Яков 5:20 - Бур Юӧр 2019

²⁰ тӧдӧ: ылалӧм туй вывсис умӧль керисьсӧ бергӧтісьыс мездас сылісь ловсӧ да вевттяс уна умӧль керӧм.

Яков 5:20 Mawu Ofanana

Иоан 5:24

Тіянлӧ быльсӧ веськыта висьтала: мортыс кывзӧ кӧ Менчим кыввезӧс да веритӧ Менӧ Ыстісьлӧ, сылӧн эм пырся олан. Сія суд вылас оз ни шед. Сія вуджис ни кулӧмись оланӧ.

Римын оліссезлӧ 11:14

Видзчися, ог я вермы аслам отирлісь ӧзйӧтны мӧдік отирлӧ завидуйтӧмсӧ? Ог я мезды ны коласісь мукӧдсӧ?

1 Коринфын оліссезлӧ 1:21

Му вылісь отирыс асланыс мывкыдӧн эзӧ вежӧртӧ Еныслісь мывкыда керӧмсӧ. Сэк Еныслӧ ковсис висьтасьӧм юӧр пыр мездыны нійӧ, кӧдна веритасӧ. А отирыс шуӧны, сія юӧрыс пӧ бӧбсорӧн баитӧм.

1 Коринфын оліссезлӧ 9:22

Вынтӧммескӧт ме вӧлі вынтӧм кодь. Сідз ачымӧс видзи, медбы вынтӧммесӧ вайӧтны Кристос дынӧ. Ме быдӧнныс понда кери быдӧс, медбы ны коласісь мукӧдсӧ вайӧтны мезмӧмӧдз.

1 Тимофейлӧ 4:16

Видзӧт ас сьӧрат: кыдз олан да велӧтан. Пыр сідз кер. Сідз керӧмнат мездан асьтӧ да и тэнӧ кывзіссесӧ.

Филимонлӧ 1:19

Ме, Павел, гижи сійӧ аслам киӧн: «Ме вештіся». Шуны кӧ, тэ быдсӧн олӧмнат меным одзӧсын.

Яков 1:15

Ӧзйӧтчӧмыс морт сьӧлӧмӧ лэдзӧ вуджжесӧ, сысянь чужӧ умӧль керӧм, а умӧль керӧмыс вайӧ кулӧм.

Яков 1:21

Сійӧн кольӧ быдӧс сэрпӧсьсӧ да лӧгнытӧ. Рам сьӧлӧмӧн босьтӧ тіянлӧ вайӧм Кывсӧ. Сія эд вына мездыны тіянлісь ловнытӧ.

Яков 5:15

Веритӧмӧн кеймӧмыс веськӧтас шогалісьсӧ. Дӧсвидзисьыс сійӧ лэбтас. Умӧльӧ кӧ мый керис, сійӧ проститас.

Яков 5:19

Воннэзӧ, тіян коласісь кинкӧ ылалас кӧ быльыс дынісь, а мӧдік сійӧ бӧр бергӧтас,

1 Петра 4:8

Сьӧлӧмсянь радейтӧ ӧтамӧднытӧ. Радейтӧмыс эд медколана, сія уна умӧль керӧм вевттьӧ.

Осьтӧм 20:6

Шудаӧсь да вежаӧсь нія, кӧдна ловзясӧ медодзза ловзьӧтӧм коста. Мӧдік кулӧмыс ны бердӧ оз ни вермы павкӧтчыны. Нія лоасӧ Енлӧн да Кристослӧн вежауджаліссезӧн да пондасӧ ӧтлаын Кристоскӧт юравны сюрс во сьӧрна.