Яков 4:6 - Бур Юӧр 2019

⁶ Сылӧн миянлӧ бурсетӧмыс ӧддьӧн уна, сійӧн сідз и Вежа Гижӧтас висьталӧм: ─ Асьнысӧ вылына лэбтіссеслӧ Еныс паныт сувтӧ. Рам сьӧлӧмаэслӧ козьналӧ бурсетӧмсӧ.

Яков 4:6 Mawu Ofanana

Матвей 13:12

Кинлӧн эм, сылӧ сетасӧ да унапӧв содтасӧ. Кинлӧн абу ─ сылісь босьтасӧ и сійӧ, мый эм.

Матвей 23:12

Асьсӧ вылына пуктісьсӧ лэдзасӧ, а асьсӧ лажмыта видзисьсӧ лэбтасӧ».

Лука 1:52

Вына юраліссесӧ пукӧссэз вывсиныс лэдзис, лэбтіс абутӧм туйӧ пуктӧммесӧ.

Лука 14:11

Асьсӧ быд вылына лэбтісьыс лоас лэдзӧм. Асьсӧ учӧтӧ пуктісьыс лоас лэбтӧм».

Лука 18:14

Висьтала тіянлӧ: вот ӧктісьыс гортас муніс Ен сьӧрті веськыта олісьӧн, а не фарисейыс. Асьсӧ быд лэбтісьыс эд лоас лэдзӧм, а асьсӧ учӧтӧ пуктісьсӧ лэбтасӧ».

Яков 4:10

Дӧсвидзисьыс одзын асьнытӧ лэдзӧ, раммӧтӧ, сэк Сія лэбтас тіянӧс.

1 Петра 5:5

Сідз и томжыккез, кывзісьӧ вичкуас веськӧтліссезнытӧ. Ӧтамӧдныткӧт лӧсялӧ, ӧтамӧднытӧ кывзісьӧ. Асьнытӧ видзӧ рама. Вежа Гижӧтас висьталӧм: ─ Асьнысӧ вылына лэбтіссеслӧ Еныс паныт сувтӧ, а рам сьӧлӧмаэслӧ козьналӧ бурсетӧмсӧ.