Яков 4:4 - Бур Юӧр 2019

⁴ Енсӧ колиссез! Одӧ я тӧдӧ, му вылісьыскӧт ёртасьӧмыс ─ Еныс вылӧ лэбтісьӧм. Сідзкӧ, тійӧ кӧ ёртасит му вылісьыскӧт, сэк тійӧ Еныс вылӧ лэбтісит.

Яков 4:4 Mawu Ofanana

Матвей 12:39

Исусыс нылӧ висьталіс: «Ӧння кадӧ оліссес ылалӧм да лэдзчисьӧм отир. Нія корӧны мыччавны пас. Енсянь юӧртісь Ионалӧн пасся мӧдік пас нія озӧ адззылӧ.

Матвей 16:4

Ӧння кадӧ оліссес Ен дынісь ылалӧм лӧг отир. Нія мыччалан пассэз адззылӧны бы. Енсянь юӧртісь Ионалӧн пасся мӧдік пас нія озӧ адззылӧ». Исусыс сэтісь муніс, нійӧ колис.

Матвей 6:24

«Мортыс оз вермы уджавны кык кӧзяинлӧ. Ӧтыс син вылӧ оз понды ковны, а мӧдсӧ пондас радейтны. Ӧтыслӧ быдӧс пондас бура керны, мӧдыс вылӧ и видзӧтны оз понды. Одӧ вермӧ уджавны Енлӧ да сьӧмлӧ».

Лука 19:27

Лёк кериссесӧ, кӧдна эзӧ мӧдӧ менӧ сувтӧтны ас вылын ӧксуӧн, вайӧтӧ татчӧ. Вийӧ нійӧ ме одзын"».

Иоан 15:19

Вӧліт бы тійӧ ны коласісь, сэк нія радейтісӧ бы тіянӧс. Тійӧ эд абу ны коласісь, Ме бӧрйи тіянӧс ны дынісь. Сійӧн тійӧ отирыслӧ син вылӧ одӧ колӧ.

Иоан 17:14

Ме сеті нылӧ Тэнчит кывтӧ. Ӧні нія отирыслӧ син вылӧ эзӧ пондӧ ковны сійӧн, мыля нія абу эта му вылісь, кыдз и Ме абу эта му вылісь.

Иоан 7:7

Тіян вылӧ отирыс озӧ вермы лӧгавны. Ме эд нылӧ син вылӧ ог ков, мыля висьтала лёк керӧммезныс йылісь.

Римын оліссезлӧ 5:10

Мийӧ одзжык Еныс вылӧ лэбтісьлім. Но миян понда куліс Сылӧн Зоныс. Сы кулӧм пыр мийӧ Еныскӧт бурасим. Ӧні мийӧ, Еныскӧт бурасьӧм бӧрас, мезмам ни Кристосыс олӧм пыр.

Римын оліссезлӧ 8:7

Умӧльсӧ керан вывтыр сьӧрті юрӧ пыртӧмыс ─ Ен вылӧ лэбтісьӧм. Сэтшӧмсӧ юрӧ пыртіссес озӧ олӧ Ен Туйдӧт сьӧрті да и озӧ вермӧ.

1 Коринфын оліссезлӧ 1:20

Кытӧн нӧ ыджыт мывкыда отирыс? Кытӧн велӧтчӧм отирыс? Кытӧн эта му вылісь уна тӧдіссес? Еныс эд мыччаліс: эта му вылісь отирлӧн мывкыдныс лоӧ вежӧрнысӧ ӧштӧм.

1 Коринфын оліссезлӧ 1:21

Му вылісь отирыс асланыс мывкыдӧн эзӧ вежӧртӧ Еныслісь мывкыда керӧмсӧ. Сэк Еныслӧ ковсис висьтасьӧм юӧр пыр мездыны нійӧ, кӧдна веритасӧ. А отирыс шуӧны, сія юӧрыс пӧ бӧбсорӧн баитӧм.

Галатияын оліссезлӧ 1:10

Кинсянь ме видзчися ошкӧмсӧ: отирсянь али Енсянь? Поди, вынсьӧтча керны отирыс сьӧрті? Ӧнӧдз кери бы ме отирыс сьӧрті кӧ, сэк эг бы вӧв Кристослӧн раб.

Яков 1:27

Сӧстӧма, умӧльсӧ кертӧг да Енлӧ юрбитӧмӧн олӧмыс сэтшӧм: отсавны, мыйын колӧ айтӧм-мамтӧммезлӧ, дӧваэзлӧ да отирыс коласын овтӧн асьсӧ видзны сэрпӧсьмӧмись. Сэтшӧм олӧмыс Ен Айным сьӧрті.