Яков 4:11 - Бур Юӧр 2019

¹¹ Воннэзӧ, ӧтамӧдныт йылісь эд баитӧ умӧля. Кин воныс йылісь умӧля баитӧ да сійӧ осудитӧ, сія Туйдӧтыс йылісь умӧля баитӧ, Туйдӧтсӧ осудитӧ. Сэк сія мортыс абу Туйдӧт сьӧрті олісь, но судитісь.

Яков 4:11 Mawu Ofanana

Лука 6:37

«Некинӧс эд судитӧ, и тіянӧс озӧ судитӧ. Некинӧс эд осудитӧ, и тіянӧс озӧ осудитӧ. Проститӧ, и тіянӧс проститасӧ.

Римын оліссезлӧ 2:1

Он вермы дорйыны асьтӧ, мӧдікӧс осудитісь морт. Мӧдікӧс осудитӧмыт эд висьталӧ ас йывсит. Тэ эд ачыт сійӧ жӧ керан.

Римын оліссезлӧ 2:13

Ен сьӧрті веськыта оліссес нія, кӧдна олӧны Туйдӧтыс сьӧрті. Абу нія, кӧдна дзир кывзӧны Туйдӧтсис тшӧктӧммесӧ.

Римын оліссезлӧ 7:7

Мый висьталам? Туйдӧтыс разь умӧль керӧм? Абу эд сідз. Туйдӧтыстӧг ме бы эг и тӧд, мый сія умӧль керӧмыс. Туйдӧтыс тай висьталӧ: «Эн ӧзйӧтчы босьтны мӧдіклісь». Этӧ босьтны ӧзйӧтчӧмсӧ Туйдӧтыстӧг ме эг бы и вежӧрт.

1 Коринфын оліссезлӧ 4:5

Сійӧн Дӧсвидзисьыс локтытӧдз мортсӧ эд осудитӧ. Пемытінас сайӧвтӧмсӧ Сія петкӧтас, морт сьӧлӧмын видзӧмсӧ осьтас. Сэк Еныс быд мортлӧ сетас сэтшӧм ошкӧм, кытшӧм колӧ.

2 Коринфын оліссезлӧ 12:20

Ме пола эд, локтӧмӧ кежӧ тійӧ одӧ лоӧ сэтшӧмӧсь, кытшӧмӧсь колат меным. Сэк и ме ог ло сэтшӧм, кытшӧм кола тіянлӧ. Ась оз ло тіян коласын вермасьӧм, завид кутӧм, лӧгалӧм, видчӧм, весись морт вылӧ баитӧм, норасьӧм, асьӧс вылына лэбтӧм. Ась тіян быдӧс лоӧ арта.

Ефесын оліссезлӧ 4:31

Лӧгувьяныт кучиксиныт петӧм, лёксялӧм, горӧтӧм, лӧгалӧмсянь курыт кыввез висьталӧм да умӧльсӧ баитӧм пыр кежӧ чапкӧ.

1 Тимофейлӧ 3:11

Ась и инькаэс лоасӧ бур мывкыдаӧсь, отир йылісь вӧвлытӧмсӧ ась озӧ баитӧ, ась кужӧны асьнысӧ киын видзны да быд кадӧ лоӧны надейнӧйӧсь.

2 Тимофейлӧ 3:3

Нія лоасӧ чорыт сьӧлӧмаӧсь, озӧ пондӧ бурасьны, морт вылӧ вӧвлытӧмсӧ пондасӧ баитны. Сэтшӧммес озӧ вермӧ асьнысӧ киын видзны, нія сьӧлӧмтӧмӧсь, озӧ радейтӧ бурсӧ,

Титлӧ 2:3

Пӧрись инькаэс ась олӧны сідз, кыдз колӧ овны вежа отирлӧ: морт йылісь умӧльсӧ весись ась озӧ баитӧ, озӧ лэдзчисьӧ юны, а мӧдіккезӧс велӧтӧны бурас.

Яков 1:16

Менам дона воннэзӧ, асьнытӧ эд бӧбӧтлӧ!

Яков 1:19

Сідзкӧ, менам дона воннэзӧ, быд морт ась лоӧ чож кывзыны, жаг висьтавны да лӧгасьны.

Яков 1:25

Но Енлӧн Туйдӧтыс быдсӧн бур. Кин бура видзӧтӧ Енлісь мездӧтан Туйдӧтсӧ, оз вунӧт сійӧ, а олӧ да керӧ сы сьӧрті, сэтшӧм мортсӧ Еныс пондас бласлӧвитны керӧмыс понда.

Яков 2:8

Вежа Гижӧтас медыджыт, медколана тшӧктӧмыс сэтшӧм: «Матісьтӧ радейт асьтӧ моз». Олат кӧ тійӧ сія тшӧктӧм сьӧрті, бурӧ керат.

Яков 5:10

Менам воннэзӧ, вайӧтӧ тӧдвыланыт Енсянь юӧртіссесӧ, кӧдна кӧркӧ баитлӧмась Дӧсвидзись нимсянь. Велӧтчӧ нысянь. Нія пессьӧм-мырсьӧм коста видзсьӧмась ыджыт мылаӧн.

Яков 5:7

Воннэзӧ, тійӧ видзчисят Дӧсвидзисьлісь бертӧмсӧ. Сідзкӧ, видзчисьны мыланыт ась оз быр. Босьтам му вылын уджалісьӧс. Сія дыр видзчисьӧ тулысся да арся зэрресӧ, медбы му вывсис босьтны дона воӧмсӧ.

Яков 5:9

Воннэзӧ, ӧтамӧдныт вылӧ эд норасьӧ, медбы Еныс эз судит тіянӧс. Судитісьыс эд сулалӧ ыбӧс дорас.

1 Петра 2:1

Сідзкӧ, кольӧ быдпӧлӧс лӧгалӧмнытӧ, бӧбӧтчӧмнытӧ, ылӧтлӧмнытӧ. Дугдӧ завидуйтны, весись морт вылӧ баитны.