Яков 3:9 - Бур Юӧр 2019

⁹ Кывнаным ошкам Ен Айнымӧс. Сійӧн жӧ ёрдам Еныс сьӧрті аркмӧтӧм отирсӧ.

Яков 3:9 Mawu Ofanana

Матвей 26:74

Сэк Петра пондіс кыв сетӧмӧн да Ен нимӧн суськисьны Сійӧ Мортсӧ тӧдӧмись. Сэтӧн китсӧвтіс петук.

Матвей 5:44

А Ме тіянлӧ висьтала: Тіян вылӧ лэбтісиссесӧ радейтӧ. Бласлӧвитӧ тіянӧс ёрдіссесӧ. Кӧдна синӧн озӧ вермӧ видзӧтны тіян вылӧ, нылӧ бурӧ керӧ. Енлӧ кеймӧ тіянӧс дзерӧтліссез да вашӧтліссез понда.

Ап. керӧммез 2:26

Сысянь гажмис менам сьӧлӧмӧ, гаж кылыс петӧ менам ӧмись. Менам вывтырӧ бурсӧ видзчисьтӧн шоччисьӧ.

Римын оліссезлӧ 3:14

Ӧмсиныс петӧм ёрдӧмнаныс да лёк курыт кыввезнаныс дойдӧны.

1 Коринфын оліссезлӧ 11:7

Сідзкӧ, ай мортлӧ юрсӧ оз ков вевттьыны. Сійӧ Еныс аркмӧтіс Ас сьӧртӧттяс. Сія Еныслӧ вайӧ ошкӧмсӧ. Жӧниклӧ ошкӧмсӧ вайӧ инь.

Ефесын оліссезлӧ 1:3

Ошкам Енсӧ, миян Дӧсвидзись Кристос Исуслісь Айсӧ! Сія миянӧс, Кристос Исускӧт ӧтлаасьӧммесӧ, енӧжсяняс бласлӧвитіс Ловлӧн быдпӧлӧс бласлӧвитӧмнас.

Яков 1:27

Сӧстӧма, умӧльсӧ кертӧг да Енлӧ юрбитӧмӧн олӧмыс сэтшӧм: отсавны, мыйын колӧ айтӧм-мамтӧммезлӧ, дӧваэзлӧ да отирыс коласын овтӧн асьсӧ видзны сэрпӧсьмӧмись. Сэтшӧм олӧмыс Ен Айным сьӧрті.

Яков 3:10

Ӧтік ӧмись петӧ ошкӧм да ёрдӧм. Воннэзӧ, сідз оз ков керны.

1 Петра 1:3

Ошкам Енсӧ, миян Дӧсвидзись Кристос Исуслісь Айсӧ! Еныс Кристоссӧ ловзьӧтіс, сідз Аслас небыт сьӧлӧмсянь козьналіс миянлӧ виль олан. Сійӧн мийӧ олам Сы вылӧ надейтчӧмӧн.