Яков 3:6 - Бур Юӧр 2019

⁶ И кылыс ─ би, умӧльсӧ ӧктісь. Кылыс вывтыраным быд торрез коласын сідз сулалӧ, нельки быдсӧн вывтырнымӧс сэрпӧсьтӧ. Сія ӧзйӧ адсяняс да сотӧ миянлісь быдӧс оланнымӧс.

Яков 3:6 Mawu Ofanana

Матвей 12:24

Фарисейес кылӧмась отирыслісь баитӧмсӧ. Нія шуисӧ: «Сэрпӧсь ловвеслӧн юралісь вельзевул вынӧн Сія вашӧтлӧ сэрпӧсь ловвесӧ».

Матвей 5:22

А Ме висьтала тіянлӧ: кин воныс вылӧ абусис лӧгсӧ видзӧ, сылӧ ковсяс суд вылын кыв видзны. Аслас вонлӧ мортыс шуас кӧ: "бӧбӧв тэ", сідз шуисьыс сюрас вылынжык суд вылӧ. Кин вонсӧ шуас: "вежӧрттӧм тэ", сія куслытӧм биӧ шедас.

Марк 7:15

Мортсӧ оз сэрпӧсьт ӧмӧттяс пытшкас пырӧмыс, мортсӧ сэрпӧсьтӧ ӧмсис петӧмыс.

Лука 16:24

Бура олісьыс горӧтіс: "Авраам айӧ! Небыт сьӧлӧмсянь бергӧтчы меланьӧ, иньдӧт ме дынӧ Лазарсӧ. Ась чуньпонсӧ кӧтӧтас ваас да сайкӧтас менчим кылӧс. Эстӧн би пытшкас ме ӧддьӧн маитча".

Ап. керӧммез 20:30

И ас колассиныт мукӧдыс лэбтісясӧ. Нія пондасӧ баитны бӧбӧтӧмӧн, медбы сьӧраныс кыскыны велӧтчиссесӧ.

Ап. керӧммез 5:3

Петраыс сэк висьталіс: «Ананий! Мыля лэдзин сотанасӧ юрат пыртны сэтшӧмсӧ: бӧбӧтны Вежа Ловсӧ, сайӧвтны муыс понда босьтӧмсис?

Ап. керӧммез 6:13

Сэтчӧ вайӧтісӧ весись баитіссесӧ. Нія висьталісӧ: «Сія дугдывтӧг баитӧ умӧль кыввез миян Вежа Керку йылісь да Моисейлӧн Туйдӧт йылісь.

Титлӧ 1:11

Сэтшӧммеслісь ӧммезнысӧ колӧ пӧднавны. Нія ковтӧмас велӧтӧны. Рожа кулян горшасьӧмныс кузя нія отирсӧ ылӧтӧны, быдса семьяэз умӧляс воштӧны.

Яков 2:7

Озӧ я нія сералӧ тіянлӧ сетӧм бур ним вылын?

Яков 3:7

Мортыс вермӧ раммӧтны да видзны киас вӧрпаэсӧ, кайесӧ, виклясиссесӧ да ваын оліссесӧ.

2 Петра 3:3

Ӧнісянь тіянлӧ колӧ тӧдны: медбӧрья кадас лэбтісясӧ згальниккез. Нійӧ нем оз понды видзны. Нія пондасӧ керны асланыс ӧзйӧтчӧммез сьӧрті.

3 Иоан 1:10

Сійӧн, верма кӧ локны, висьтася сылісь керӧмсӧ. Сія миян йылісь умӧль кыввезӧн вӧвлытӧмсӧ висьтасьӧ. Оз лэдз локны воннэзнымӧс. Сылӧ сія етша, дак сія и мӧдіккезлӧ оз лэдз рочавны горттэзаныс. Нійӧ нельки вашӧтӧ вичкусис.

Осьтӧм 12:9

Ыджыт гундырсӧ, важ кыйсӧ, шентісӧ му вылас. Сылӧн нимыс ─ куль да сотана. Сія ылӧтлӧ Еныслісь быдӧс аркмӧтӧмсӧ. Сылісь ангеллэсӧ шентісӧ ӧтлаын сыкӧт.

Осьтӧм 13:14

Одзза вӧрпаыс синнэз одзын адззывлытӧм керӧммезнас сія бӧбӧтлӧ отирсӧ. Отирсӧ сія тшӧктӧ керны одзза вӧрпаыс кодьӧ. Сія вӧрпаыс вӧлі кувтӧдз дойдӧм шыпуртӧн да ловзис.

Осьтӧм 18:23

Некӧр оз ӧзйы бивидзанын би. Некӧр сэсся оз понды кывны гӧтрасись зонкалӧн да невесталӧн шыныс. Тэнат вузасиссет ыждалісӧ му вылас. Аслат тшыкӧтчӧмӧн быдӧс отирсӧ тэ ылӧтін.

Осьтӧм 19:20

Вӧрпасӧ ӧтлаын бӧбӧтчись юӧртісьыскӧт кутісӧ. Бӧбӧтчись юӧртісьыс керліс адззывлытӧммесӧ вӧрпаыс нимӧн. Нійӧн сія ылӧтліс быдӧннысӧ, кӧдна вылын вӧлі вӧрпаыслӧн пасыс да кӧдна копрасисӧ сы вылӧ вачкисяна керӧмыслӧ. Кыкнаннысӧ нійӧ ловйӧн шентісӧ биӧн сотчан истӧгись тыӧ.