Яков 2:19 - Бур Юӧр 2019

¹⁹ Тэ бурӧ керан, веритан кӧ: Еныс ӧтік. И сэрпӧсь ловвес веритӧны да зэгсьӧны-полӧны.

Яков 2:19 Mawu Ofanana

Матвей 8:29

Нія горӧтісӧ: «Исус, Енлӧн Зон, мый Тэныт миян дорӧдз? Тэ локтін миянӧс маитны висьталӧм кадся одзжык».

Марк 1:24

«Мый Тэныт миян дорӧдз, Назаретісь Исус? Тэ локтін миянӧс изводавны? Тӧда, кин Тэ: Тэ Енлӧн Вежаыс».

Марк 12:29

Исусыс сылӧ висьталіс: «Тшӧктӧммес коласісь медыджытыс: "Кывзы, Израиль! Миян Дӧсвидзись Енным ─ ӧтнас Дӧсвидзисьыс.

Марк 5:7

Сэсся горӧтіс лёк горшӧн: «Исус, Медвылісь Енлӧн Зон! Мый Тэныт ме дорӧдз? Енӧн кора, эн маит менӧ!»

Марк 7:9

Исусыс нылӧ висьталіс: «Бура жӧ тійӧ Енлісь тшӧктӧмсӧ абутӧм туйӧ пуктат, медбы керны айезныт висьтавлӧм сьӧрті!

Лука 4:34

«Эн вӧрӧт! Мый Тэныт миян дорӧдз, Назаретісь Исус? Тэ локтін миянӧс изводавны? Ме тӧда, кин Тэ: Тэ Енлӧн Вежаыс!»

Иоан 17:3

А пырся оланыс то мыйсянь: Тэнӧ, ӧтік былись Енсӧ да Тэнчит ыстӧм Кристос Исуссӧ тӧдӧмсянь.

Ап. керӧммез 16:17

Сія муніс Павел да миян сьӧрын. Инькаыс горӧтӧмӧн юӧртіс: «Этна морттэс Медвылісь Енлӧн кысъяліссез! Нія юӧртӧны миянлӧ мезман туй!»

Ап. керӧммез 19:15

Сэрпӧсь лолыс сэтчӧ шуис: «Исуссӧ ме тӧда, Павелсӧ тӧда, а тійӧ киннэз сэтшӧммес?»

Ап. керӧммез 24:25

Павелыс баитіс Ен сьӧрті веськыта олӧм йылісь, мортлӧн видзсьыны кужӧм йылісь да локтан суд йылісь. Кылӧмсяняс Феликссӧ полӧм кутіс. Сія висьталіс: «Ӧні мун. Лоас кӧ менам кад, ме тэнӧ кора».

Римын оліссезлӧ 3:30

Еныс эд ӧтік. Сія иудейесӧ да и мӧдік отирсӧ керӧ веськыта оліссезӧн дзир веритӧмныс понда. Еныс оз видзӧт вундыштыштӧм вылӧ.

1 Коринфын оліссезлӧ 8:4

Ас керӧм енлӧ вайӧм сёянсӧ сёйӧм йылісь мийӧ тӧдамӧ: ас керӧм еннэс ─ абу еннэз. Ӧтка Енысся абу мӧдік ен.

1 Коринфын оліссезлӧ 8:6

Миян эд ӧтік Ен ─ Ен Айным. Быдӧс Сысянь аркмис. Мийӧ и асьным Сы понда олам. Миян ӧтік Дӧсвидзисьыс ─ Кристос Исус. Быдӧс эд керӧм Сы пыр. Сы пыр и мийӧ босьтім олансӧ.

Галатияын оліссезлӧ 3:20

Коласаныс сулалісьыс колӧ кыклӧн баитчӧм коста. Ӧтік дырни сія оз ков, а Еныс эд ӧтік.

1 Тимофейлӧ 2:5

Еныс эд ӧтік. Ӧтік и Ен да отир коласын Сулалісьыс ─ Морт, Кристос Исус.

Яков 2:8

Вежа Гижӧтас медыджыт, медколана тшӧктӧмыс сэтшӧм: «Матісьтӧ радейт асьтӧ моз». Олат кӧ тійӧ сія тшӧктӧм сьӧрті, бурӧ керат.

Иуда 1:4

Тіян коласӧ эд казявтӧг пырисӧ Ентӧг оліссез. Миян Енным отирыс дынӧ небыт сьӧлӧма, сійӧн нія шуӧны, лэдзчисьӧмӧдз пӧ быдӧс позьӧ керны. Ӧтік Юралісь Енсӧ да миянлісь Дӧсвидзись Кристос Исуссӧ нія абутӧм туйӧ пуктӧны. Кӧркӧсянь эд вӧлі гижӧм: сэтшӧм отирсӧ лӧсьӧтӧмась Енлӧн суд вылын мыжйыны.

Иуда 1:6

Тӧдат и ангеллэз йылісь. Нія вӧлісӧ вылына пуктӧмӧсь, но нылӧ сетӧмсӧ нія абу видзӧмась да кольӧмась ассиныс оланіннысӧ. Дӧсвидзисьыс нійӧ пемытінас видзӧ пырся домӧттэзын ыджыт Суд Лунӧдз.

Осьтӧм 20:10

А отирсӧ ылӧтлісь кульсӧ шупкасӧ биӧн сотчан истӧгись тыӧ. Сэтчӧ вӧлі шупкӧмась ни вӧрпасӧ да бӧбӧтчись юӧртісьсӧ. Сэтӧн нійӧ пондасӧ маитны ой и лун, пырся-пыр.