Яков 2:18 - Бур Юӧр 2019

¹⁸ Поди, кинкӧ висьталас: «Ӧтіклӧн эм веритӧм, а мӧдіклӧн эм керӧм». Сылӧ висьтала сідз: «Мыччав меным веритӧмтӧ керӧмыттӧг. А ме мыччала веритӧмӧс бурсӧ керӧмнам».

Яков 2:18 Mawu Ofanana

Римын оліссезлӧ 14:23

Мукӧдыс юрас видзӧ: позьӧ сёйны, поди оз? Сія оз тӧд, мый керны, да сёйӧ. Сійӧн сія мортыс судитӧм ни. Вериттӧг керӧмыс ─ умӧль керӧм.

Римын оліссезлӧ 3:28

Мийӧ вежӧртім: мортсӧ Еныс керӧ Сы сьӧрті веськыта олісьӧн Кристослӧ веритӧм понда, Туйдӧт сьӧрті керӧм вылӧ видзӧттӧг.

Римын оліссезлӧ 4:6

Эта йылісь и висьтавлӧм кӧркӧ Давидыс. Сія шуӧм шудаӧн сійӧ мортсӧ, кӧдӧ Еныс шуӧ веськыта олісьӧн мортлӧн керӧм вылӧ видзӧттӧг:

Римын оліссезлӧ 8:1

Сідзкӧ, ӧні он висьтав некытшӧм судитан кыв Кристос Исускӧт ӧтлаасьӧммез вылӧ. Нія эд озӧ олӧ вывтырныс кыскӧм сьӧрті, олӧны Ен Лов туйдӧтӧм сьӧрті.

Римын оліссезлӧ 9:19

Тэ меным висьталан: «Мый понда нӧ сэк Еныс менӧ пуктӧ умӧль керисьӧ? Кин вермас сувтны паныт Енлӧн висьталӧмлӧ?»

1 Коринфын оліссезлӧ 13:2

Ме верма Енсянь юӧртны, тӧда быдӧс тӧдлытӧмсӧ, быдпӧлӧссӧ вежӧрта. Ме ёна верита, верма нельки вештавны керӧссэз, а радейтӧмӧ кӧ абу, сэк ме абутӧм туйӧ.

2 Коринфын оліссезлӧ 5:17

Сідзкӧ, кин ӧтлаасис Кристоскӧт, сія вились аркмӧтӧм. Важыс муніс, ӧні быдӧс виль.

2 Коринфын оліссезлӧ 7:1

Донаэзӧ, сымда бурсӧ Еныс кӧсйӧм миянлӧ сетны! Сідзкӧ, дзимлялам быдӧс, мый сэрпӧсьтӧ вывтырнымӧс да ловнымӧс. Пондам овны Енсис полӧмӧн, медбы миян оланным быдсӧн вӧлі вежа.

Галатияын оліссезлӧ 5:6

Вундыштыштӧм тэ, абу я, Кристос Исускӧт ӧтлаасьӧммеслӧ сія нем оз сет. Эстӧн медколанаыс веритӧм, кӧда тыдалӧ радейтӧм пыр.

1 Тимофейлӧ 1:5

Ме сеті этнӧ тшӧктӧммесӧ, медбы тіян вӧлі радейтӧм. Радейтӧмыс петӧ сӧстӧм сьӧлӧмсянь, умӧльсӧ кертӧг олӧмсянь да былись веритӧмсянь.

Титлӧ 2:7

Быд кадӧ ачыт кер бурсӧ. Тэ вылӧ видзӧттӧн ась мӧдіккез керӧны тэ моз. Велӧт сӧстӧм сьӧлӧмсянь, асьтӧ бура киын видзӧмӧн да Кывсӧ дзугтӧг.

Еврейезлӧ 11:31

Кыскасись инька Раав веритӧмыс кузя абу кулӧм мӧдік вериттӧммезкӧт. Сія эд бура панталӧм Израиль отирись Ханаан му видзӧтліссесӧ да мӧдіклаӧт кольлалӧм нійӧ.

Еврейезлӧ 11:33

Тышкасьӧм коста нія веритӧмнаныс босьтлӧмась йӧз муэз, быдӧс керӧмась веськыта, босьтлӧмась Енсянь кӧсйӧмсӧ, тупкавлӧмась леввезлісь ӧммезнысӧ,

Еврейезлӧ 11:6

Вериттӧг Ен сьӧрті он вермы керны. Еныс дынӧ локтісьлӧ колӧ веритны: Еныс эм, и Сійӧ кошшись мортлӧ Сія сетас козинсӧ.

Яков 2:14

Менам воннэзӧ, мый бурыс мортлӧ, шуас кӧ сія, ме пӧ верита, аслас керӧмыс оз кӧ мыччав веритӧмсӧ? Вермас я сэтшӧм веритӧмыс мездыны сійӧ мортсӧ?

Яков 3:13

Кин ылӧса да мывкыда тіян коласісь, ась мыччалӧ мывкыдсӧ аслас оланӧн. Ась быдӧс керӧ бур мывкыдсянь рама видзсьӧмӧн.