Яков 1:4 - Бур Юӧр 2019

⁴ Видзсьыны велалӧмыс тіянӧс быд ладорсянь вынсьӧтас. Сэк тійӧ лоат быдсӧн бурӧсь, тіян сайын умӧльыс нем оз ло.

Яков 1:4 Mawu Ofanana

Матвей 10:22

Ме понда быдӧнныслӧ тійӧ син вылӧ одӧ пондӧ ковны. Кин медбӧрӧдз вермас видзсьыны, сія мезмас.

Матвей 19:20

Том мортыс шуис: «Ны сьӧрті ме томсянь ола. Мый эшӧ оз тырмы?»

Матвей 5:48

Енӧжись Айныт быдсӧн бур! Сы моз и тійӧ лоӧ быдсӧн бурӧсь».

Марк 10:21

Исусыс видзӧт-керис сы вылӧ. Мортыс вӧлі Сылӧ сьӧлӧмви. Исусыс шуис: «Дзир ӧтікыс тэныт оз тырмы: мун, и мый тэнат эм, быдӧс вузав да сьӧмсӧ сетав кориссезлӧ. Сэк лоас тэныт дона пажытьыс енӧжас. Сыбӧрын босьт ассит кресттӧ да лок мунны Ме сьӧрӧ».

Лука 18:22

Сійӧ кылікӧ Исусыс висьталіс сылӧ: «Дзир ӧтік тэныт оз тырмы. Быдӧс пажытьтӧ вузав, сетав кориссезлӧ. Сэк лоас тэныт дона пажытьыс енӧжас. Сэсся лок мунны Ме сьӧрӧ».

Лука 21:19

Ыджыт мылаӧн видзсьӧмӧн тійӧ мездат ассиныт ловнытӧ».

Лука 8:15

Бур муӧ усьӧммес ─ кылӧм Кывсӧ рам да бур сьӧлӧмын видзиссез. Нія вайӧны воӧмсӧ мыланыс быртӧг видзсьӧмӧн». Сідз висьталӧм бӧрын Исусыс горӧтчис: «Пеля мортыс ась кылӧ!»

Иоан 17:23

Ме ны пытшкын, Тэ Ме пытшкын. Ась нія быдӧнныс быдӧсын лоӧны ӧтік. Му вылісь отирыс ась пондӧны тӧдны: Тэ ыстін Менӧ, и Тэ радейтан нійӧ Менӧ моз.

1 Коринфын оліссезлӧ 2:6

Мывкыдыс йылісь мийӧ висьтасям веритӧмас зорамӧммезлӧ. Сія мывкыдыс абу эта кадлӧн. Абу ӧння кадӧ юраліссезлӧн, кӧдна вежсьӧны.

Галатияын оліссезлӧ 6:9

Бурсӧ кертӧн юрнытӧ эд ӧшӧтӧ. Пондам кӧ керны бурсӧ, сэк аскадӧ босьтам кӧдзӧмнымӧс, огӧ кӧ сетчӧ мыдзӧмыслӧ.

Колосын оліссезлӧ 4:12

Пым юӧр ыстӧ тіян Епафрас, Кристос Исуслӧн раб. Сія дугдывтӧг кеймӧ, пессьӧ тіян понда, медбы тійӧ вынсяліт да лоит быдсӧн бурӧсь и медбы тіян быдӧс вӧлі Еныс сьӧрті.

1 Фессалоникаын оліссезлӧ 5:23

Лӧньсӧ сетісь Еныс ась керас тіянӧс быдсӧн вежаэзӧн. Дӧсвидзись Кристос Исусным локтік кежӧ ась видзас тіянӧс сӧстӧммезӧн: и ловнытӧ, и оланнытӧ, и вывтырнытӧ.

2 Тимофейлӧ 3:17

медбы Енлӧн мортыс вӧлі быдсӧн бурӧн да вӧлі лӧсьӧтчӧм керны быдпӧлӧс бурсӧ.

Еврейезлӧ 13:21

Еныс ась вынсьӧтӧ тіянӧс керны быдпӧлӧс бурсӧ, медбы быдӧс вӧлі Сы сьӧрті. Кристос Исусыс пыр ась керас миянӧс сэтшӧммезӧн, кытшӧмӧсь мийӧ Сылӧ колам. Сылӧ пырся-пыр ошкӧм! Аминь.

Яков 1:5

Кинлӧнкӧ тіян коласісь оз кӧ тырмы мывкыдныт, корӧ Еныслісь. Сія сетас. Еныс эд сетӧ ӧмавтӧг быд корисьлӧ.

Яков 3:2

Мийӧ быдӧнным уна керам умӧльсӧ. Мортыс оз кӧ пыр умӧляс аслас кыв кузя, сія вермӧ асьсӧ быдсӧн видзны быд умӧль керӧмись. Сэтшӧмыс быд ладорсянь ни бур морт.

1 Петра 5:10

Тійӧ ӧні мыйкӧ дырна пессят-мырсят. Но быдӧс бурсетӧмыс локтӧ Енсянь. Сія тіянӧс Кристос Исусыс пыр корис Аслас пырся югьяланінӧ. Ӧні Сія Ачыс керас тіянӧс быдсӧн бурресӧн, лэбтас да вынсьӧтас, велӧтас чорыта видзсьыны.

2 Петра 1:9

Кинлӧн эта абу, сія куньӧм синнэсӧ, оз адззы. Мортыс вунӧтіс, кыдз сія одзза умӧль керӧммезісь сӧстӧммис.