Яков 1:3 - Бур Юӧр 2019

³ Тӧдат эд, веритӧмӧн кӧ мунат сьӧкытӧттяс, сэк велалатӧ видзсьыны ыджыт мылаӧн.

Яков 1:3 Mawu Ofanana

Лука 21:19

Ыджыт мылаӧн видзсьӧмӧн тійӧ мездат ассиныт ловнытӧ».

Римын оліссезлӧ 15:4

Одзза каддэзӧ быдӧс гижӧмыс вӧлі гижӧм, медбы миянӧс велӧтны да бурӧтны. Гижӧтас висьталӧмыс миянӧс вынсьӧтӧ. Сійӧн мийӧ мыла быртӧг надейтчам Ен вылӧ.

Римын оліссезлӧ 2:7

Пырся олансӧ Сія сетас бурсӧ дугдывтӧг керись отирлӧ. Нія эд кошшӧны ошкӧмсӧ, бурӧ пуктӧмсӧ да пырсясӧ.

Римын оліссезлӧ 8:25

Кӧр видзчисям тыдавтӧмсӧ, видзчисям сійӧ мыла быртӧг.

Римын оліссезлӧ 8:28

Мийӧ тӧдамӧ: Енсӧ радейтіссеслӧ, Сылӧн висьталӧм сьӧрті корӧммеслӧ, оланын быдӧс керсьӧ бур вылӧ.

2 Коринфын оліссезлӧ 4:17

Мийӧ ӧні мымдакӧ пессям-мырсям. Пессьӧм-мырсьӧмным абу сьӧкыт, а вайӧ миянлӧ лыдтӧм пырся ошкӧм-югьялӧм.

Колосын оліссезлӧ 1:11

Еныс ась вынсьӧтас тіянӧс Аслас югьялан вынӧн, медбы сьӧкыт кадӧ видзсьыны эз быр мыланыт да эдӧ ӧштӧ гажсӧ.

2 Фессалоникаын оліссезлӧ 1:4

Сійӧн мийӧ Енлӧн вичкуэзын и ошшасям тіянӧн. Висьтасям веритӧмныт йылісь да ыджыт мылаӧн видзсьӧмныт йылісь вашӧтлӧммез да пессьӧм-мырсьӧммез коста.

2 Фессалоникаын оліссезлӧ 3:5

Дӧсвидзисьыс ась сетас тіян сьӧлӧммезӧ Енлісь радейтӧмсӧ да Кристослісь ыджыт мылаӧн видзсьӧмсӧ.

Еврейезлӧ 10:36

Тіянлӧ колӧ видзсьыны мыла быртӧг, медбы вермит керны Еныс сьӧрті да босьтіт кӧсйӧмсӧ.

Еврейезлӧ 12:1

Тійӧ адззат: веритӧмыс йылісь кытшӧм уна висьтасиссес миян гӧгӧр! Сідзкӧ, чапкам быдӧс, мый миянӧс падмӧтӧ, колям миянӧс уськӧтан умӧль керӧммезнымӧс. Вынсьӧтчам ыджыт мылаӧн мунны сетӧм туйнымӧс.

Еврейезлӧ 6:12

Керӧ ны моз, кӧдна веритӧмнаныс да мыланыс быртӧг видзчисьӧмнаныс босьтӧны Еныслісь кӧсйӧмсӧ.

1 Петра 1:7

Зарнисӧ би пырйӧт нуӧтӧны, медбы вӧлі буржык, а и сія эд бырӧ. А тіян пессьӧм-мырсьӧм коста тӧдмалӧм-видзӧтӧм веритӧмныт лоӧ зарниысся донажык. Кристос Исуслӧн локтан Лунӧ тіянӧс ошкасӧ, бурӧ пуктасӧ, югьялӧмас сюрӧтасӧ.

2 Петра 1:6

тӧдӧмныт ─ видзсьыны кужӧмнытӧ, видзсьыны кужӧмныт ─ ыджыт мыланытӧ. Ыджыт мыланыт ась мыччалӧ Енлӧ юрбитӧмнытӧ,