Яков 1:27 - Бур Юӧр 2019

²⁷ Сӧстӧма, умӧльсӧ кертӧг да Енлӧ юрбитӧмӧн олӧмыс сэтшӧм: отсавны, мыйын колӧ айтӧм-мамтӧммезлӧ, дӧваэзлӧ да отирыс коласын овтӧн асьсӧ видзны сэрпӧсьмӧмись. Сэтшӧм олӧмыс Ен Айным сьӧрті.

Яков 1:27 Mawu Ofanana

Матвей 12:32

Умӧльтан кӧ Мортлісь Зонсӧ, проститасӧ. Вежа Лолӧс умӧльтісьсӧ ӧння кадӧ озӧ проститӧ да и локтанас озӧ».

Матвей 5:8

Сӧстӧм сьӧлӧмаэс шудаӧсь: нія Енсӧ адззасӧ.

Лука 1:6

Нія кыкнанныс олісӧ Ен сьӧрті веськыта. Быдӧс керисӧ Дӧсвидзисьлӧн велӧтӧммез, тшӧктӧммез сьӧрті.

Римын оліссезлӧ 12:2

Эдӧ олӧ ӧння кадӧ оліссез моз. Вежсьӧ, мывкыднытӧ вильмӧтӧ. Сэк пондат тӧдны, мый Еныслӧ колӧ тіянсянь. Тійӧ вежӧртат, мый туйӧ керны, мый Сы сьӧрті да быдсӧн бур.

Римын оліссезлӧ 2:13

Ен сьӧрті веськыта оліссес нія, кӧдна олӧны Туйдӧтыс сьӧрті. Абу нія, кӧдна дзир кывзӧны Туйдӧтсис тшӧктӧммесӧ.

Галатияын оліссезлӧ 1:4

Сія сетіс Асьсӧ миян умӧль керӧммез понда, медбы мездыны миянӧс ӧння кадісь, кӧда тырӧма лёкнас. Исусыс сійӧ керис Ен Айным лӧсьӧтӧм сьӧрті.

Галатияын оліссезлӧ 3:11

Вежӧртам эд, Туйдӧтыс сьӧрті олӧмнас некин оз вермы лоны Ен сьӧрті веськыта олісьӧн. Сійӧ висьталӧны этна кыввес: «Веськыта олісьыс веритӧмнас пондас овны».

Галатияын оліссезлӧ 5:6

Вундыштыштӧм тэ, абу я, Кристос Исускӧт ӧтлаасьӧммеслӧ сія нем оз сет. Эстӧн медколанаыс веритӧм, кӧда тыдалӧ радейтӧм пыр.

Галатияын оліссезлӧ 6:14

Меным эд немӧн ошшасьны. Ме верма ошшасьны дзир миян Дӧсвидзись Кристос Исуслӧн крест вылас кулӧмӧн. Меным му вылісьыс быдӧс куліс крест вылас, а ме кулі му вылісьыслӧ.

Ефесын оліссезлӧ 2:2

Тійӧ оліт эта му вылын керсьӧм сьӧрті: енӧж увтас ыждалісь кульыс сьӧрті керит, сійӧ кывзісит. Сія сэрпӧсь лолыс ӧні керӧ ассис уджсӧ ны пыр, кӧдна озӧ кывзісьӧ Енсӧ.

1 Тимофейлӧ 1:5

Ме сеті этнӧ тшӧктӧммесӧ, медбы тіян вӧлі радейтӧм. Радейтӧмыс петӧ сӧстӧм сьӧлӧмсянь, умӧльсӧ кертӧг олӧмсянь да былись веритӧмсянь.

1 Тимофейлӧ 5:4

Дӧвалӧн эмӧсь кӧ челядь али внучоккез, нія ась велӧтчӧны тӧждісьны гортіссес понда, отсавны ай-мамныслӧ. Сідз керӧмыс Еныслӧ сьӧлӧмви.

Титлӧ 2:12

Бурсетӧмыс велӧтӧ миянӧс кольны Ентӧг олӧмсӧ да му вылісь ковтӧм ӧзйӧтчӧммесӧ. Сія велӧтӧ миянӧс овны бур мывкыдӧн, Ен сьӧрті веськыта да Енлӧ юрбитӧмӧн ӧння кадӧ,

Яков 3:17

Вылісянь сетӧм мывкыдыс сӧстӧм, лӧнь, рам, кывзісьӧ, небыт сьӧлӧмсянь бурсӧ керӧ, оз лыддьы ӧтіккезӧс мӧддэзся буржыккезӧн, оз ылӧтлы.

Яков 3:9

Кывнаным ошкам Ен Айнымӧс. Сійӧн жӧ ёрдам Еныс сьӧрті аркмӧтӧм отирсӧ.

Яков 4:4

Енсӧ колиссез! Одӧ я тӧдӧ, му вылісьыскӧт ёртасьӧмыс ─ Еныс вылӧ лэбтісьӧм. Сідзкӧ, тійӧ кӧ ёртасит му вылісьыскӧт, сэк тійӧ Еныс вылӧ лэбтісит.

2 Петра 1:4

Миянлӧ козьналӧмась ыджыт дона кӧсйӧммез, медбы ны отсӧтӧн тійӧ пондіт вачкисьны Еныс вылӧ да пышшит умӧльсӧ керны ӧзйӧтчӧмись, кӧда отирсӧ изводалӧ.

2 Петра 2:20

Миянлісь Дӧсвидзисьсӧ, Мездӧтісь Кристос Исуссӧ, нія пондісӧ тӧдны. Сійӧн нія му вылісь сэрпсис мезмисӧ, но сэсся бӧра сэтчӧ сюрӧны да умӧльыс вермӧ нійӧ. Сэтшӧммеслӧ медбӧрьяыс лоас одззаыс сьӧрті умӧльжык.

2 Петра 3:14

Сідзкӧ, донаэзӧ, видзчисьӧмныт коста вынсьӧтчӧ Сы одзӧ локны сӧстӧмӧсь, медбы тіян сайын эз ло некытшӧм умӧль керӧм, а сьӧлӧм выланыт вӧлі лӧнь.

1 Иоан 5:18

Мийӧ тӧдамӧ: Енсянь шогмӧмыс оз кер умӧльсӧ. Енсянь шогмӧмыс асьсӧ видзӧ умӧльсис, и ылӧтлісьыс сійӧ оз вӧрзьӧт.