Яков 1:25 - Бур Юӧр 2019

²⁵ Но Енлӧн Туйдӧтыс быдсӧн бур. Кин бура видзӧтӧ Енлісь мездӧтан Туйдӧтсӧ, оз вунӧт сійӧ, а олӧ да керӧ сы сьӧрті, сэтшӧм мортсӧ Еныс пондас бласлӧвитны керӧмыс понда.

Яков 1:25 Mawu Ofanana

Лука 11:28

Сэтчӧ Исусыс висьталіс: «Шудаӧсь Енлісь Кывсӧ кыліссес да сы сьӧрті оліссес».

Иоан 13:17

Тӧдат кӧ сійӧ, сэк шудаӧсь тійӧ, сы сьӧрті кӧ олат.

Иоан 8:36

Зоныс кӧ тіянӧс мездӧтас, сэк вӧлись тійӧ былись мездӧтчӧмӧсь лоат.

Ап. керӧммез 13:43

Синагогасис отирыс петісӧ. Иудейес да мӧдік отирись локтӧммес, кӧдна пондӧмась овны Моисейлӧн Туйдӧт сьӧрті, унаӧн мунісӧ Павелкӧт да Варнавакӧт. Апостоллэз баитісӧ ныкӧт. Велӧтісӧ-мывкыдсьӧтісӧ отирсӧ дугдывтӧг видзсьыны Енлӧн бурсетӧм бердӧ.

Ап. керӧммез 2:42

Веритіссес пыр олісӧ апостоллэз велӧтӧм сьӧрті, ӧксьывлісӧ чеглавны нянь да кеймыны.

Ап. керӧммез 26:22

Но Еныс ыстіс отсӧтсӧ. Сійӧн ме ӧння лунӧдз сулала да висьтася вылына пукаліссезлӧ да умӧля оліссезлӧ. Ме висьтася дзир Енсянь юӧртіссезлісь да Моисейлісь одзланьсяыс йылісь висьталӧмнысӧ.

Римын оліссезлӧ 11:22

Сідзкӧ, син одзат эд Еныслӧн бурсетӧмыс да чорыта керӧмыс. Видз тӧдвылат: Еныс чорыт сьӧлӧма усьӧммес дынӧ. Небыт сьӧлӧма Сія тэ дынӧ, кытчӧдз пондан овны Енлӧн бурсетӧмӧн. Мӧдмоза кӧ пондан овны, лоан кералӧм.

Римын оліссезлӧ 2:13

Ен сьӧрті веськыта оліссес нія, кӧдна олӧны Туйдӧтыс сьӧрті. Абу нія, кӧдна дзир кывзӧны Туйдӧтсис тшӧктӧммесӧ.

Римын оліссезлӧ 7:12

Сетӧм Туйдӧтыс тшӧктӧммезнас вежа. Тшӧктӧммес висьталӧмась веськыта, нія бурӧсь.

Римын оліссезлӧ 8:15

Тіянлӧ сетӧм Ловсянь оз ков полӧмӧн овны-мырсьыны. Сія тіянӧс оз видз домӧттэзын. Тійӧ босьтіт сэтшӧм Лов, кӧда тіянӧс пуктӧ Енлӧн челядьӧ. Сія туйдӧтӧ миянӧс корны Енсӧ: «Авва, Айӧ!»

Римын оліссезлӧ 8:2

Кристос Исускӧт ӧтлаасьӧмсянь Ловлӧн туйдӧтыс сетӧ олан. Сія эд мездіс менӧ умӧльсӧ керӧмлӧн да кулӧмлӧн туйдӧтісь.

1 Коринфын оліссезлӧ 15:58

Менам дона воннэзӧ, сідзкӧ, ёна сулалӧ, эд вӧрзьӧ. Дугдывтӧг керӧ Дӧсвидзисьлісь уджсӧ. Тӧдӧ, абу весись Дӧсвидзись понда керӧм уджныт.

2 Коринфын оліссезлӧ 13:5

Тӧдмалӧ-видзӧтӧ асьнытӧ, веритат я тійӧ. Одӧ разь тійӧ асьнытӧ тӧдӧ? Кристос Исусыс эд тіян пытшкын. Буди тійӧ абу сэтшӧмӧсь, кытшӧммезӧн колӧ лоны.

Галатияын оліссезлӧ 2:4

Вундыштыштны тшӧктісӧ отир, кӧдна вовлісӧ миян дынӧ воннэз моз. Нія тай гусьӧн мӧдісӧ видзӧтны миянлісь олӧмнымӧс. Нылӧ коліс тӧдны, кытшӧм мездӧтчӧм миянлӧ сетіс Кристос Исусыс. Нія тай миянӧс мӧдісӧ бӧр домавны Туйдӧтнас.

Галатияын оліссезлӧ 5:1

Кристосыс миянӧс мездӧтіс. Сідзкӧ, бура видзсьӧ мездӧтчӧмас. Бӧр эдӧ пырӧ Туйдӧтлӧн домӧттэзӧ.

Галатияын оліссезлӧ 6:2

Ӧтамӧднытлӧ отсалӧ, кӧр кинлӧ сьӧкыт. Сідз керӧмныт лоас Кристослӧн тшӧктӧм сьӧрті.

Колосын оліссезлӧ 1:23

Сійӧн тіянлӧ колӧ ёна сулавны веритӧмас. Бур Юӧрыс сетіс тіянлӧ надеясӧ, сэтісь эд янсалӧ. Тіянлӧ да и енӧж увтас быд олісьӧ сія вӧлі юӧртӧм. Меным, Павеллӧ, Еныс сетіс сійӧ уджсӧ ─ висьтасьны Бур Юӧрсӧ.

1 Тимофейлӧ 2:15

Но инька мезмас кага вайӧмӧн, пондас кӧ веритны, радейтны, овны сӧстӧма, вежа оланӧн да бур мывкыдӧн.

1 Тимофейлӧ 4:16

Видзӧт ас сьӧрат: кыдз олан да велӧтан. Пыр сідз кер. Сідз керӧмнат мездан асьтӧ да и тэнӧ кывзіссесӧ.

Еврейезлӧ 12:15

Видзӧтӧ, медбы эд ӧштӧ Еныслісь бурсетӧмсӧ. Некытшӧм курыт вудж ась оз вужьясь сьӧлӧманыт, ась оз кер тіянлӧ умӧльсӧ да некинӧс оз сэрпӧсьт.

Яков 2:12

Баитӧ да керӧ кыдз отир, кӧднакӧт пондасӧ бӧрйисьны мортсӧ мездӧтан Туйдӧт сьӧрті.

1 Петра 2:16

Еныс тіянӧс мездӧтіс, но мездӧтчӧмныт ась оз ло умӧль керӧммезнытӧ сайӧвтанӧн. Тіянлӧ эд колӧ овны кыдз Енлӧн раббезлӧ.

1 Иоан 2:24

Сідзкӧ, мый тійӧ кыліт одззасянь, сійӧ видзӧ юраныт. Одззасянь кылӧмсӧ пыр пондат кӧ видзны юраныт, сэк тійӧ пыр лоат ӧтлаасьӧмӧсь Зоныскӧт да Айыскӧт.

Осьтӧм 14:13

Сэк ме кылі шы, кӧда висьталіс меным енӧжсянь: «Гиж: Шудаӧсь нія, кӧдна ӧнісянь кулӧны Дӧсвидзисьлӧ веритӧмӧн. "Сідз эд", шуӧ Лов. "Ӧні нія шоччисясӧ асланыс уджжезісь. Нылӧн керӧмныс локтӧ ны бӧрсянь"».

Осьтӧм 22:14

Шудаӧсь Кристослӧн тшӧктӧммез сьӧрті оліссес. Нія карас пырасӧ ыбӧсӧттяс. Нылӧ сетасӧ сёйны Олан пуыс вылісь воӧмсӧ.