Титлӧ 3:9 - Бур Юӧр 2019

⁹ Янын видзсьы вежӧрттӧм етшасьӧммезісь, чужан вужжез да Туйдӧт кузя вермасьӧмись. Сэтісь абу бурыс, дзир весись кад чулӧтӧм.

Титлӧ 3:9 Mawu Ofanana

2 Тимофейлӧ 2:14

Этӧ казьмӧтлы веритіссеслӧ. Дӧсвидзись одзын ӧв нійӧ, медбы дугдісӧ етшасьны велӧтӧммес кузя. Сэтісь нем абу бурыс, а кывзіссеслӧ умӧль лоӧ.

2 Тимофейлӧ 2:23

Вежӧрттӧм да ковтӧм етшасьӧммез дынісь видзсьы ылынжыка. Тэ тӧдан, нія вайӧтӧны видчӧмӧдз.

1 Тимофейлӧ 4:7

Нёштӧм да ковтӧм басниэзӧ кадсӧ эн ӧшты. Асьтӧ велӧт овны Енлӧ юрбитӧмӧн.

2 Тимофейлӧ 2:16

Ковтӧм баитӧммез дынісь видзсьы ылынжыка. Ковтӧмсӧ баитіссес эд умӧляс ёнажык пырӧны.

Титлӧ 1:14

Ась оз кывзӧ иудейеслісь вӧвлытӧмыс йылісь баитӧмсӧ да быльыс дынісь бергӧтчӧм отирлісь тшӧктӧмсӧ.

1 Коринфын оліссезлӧ 8:1

Ӧні мӧда баитны ас керӧм еннэзлӧ вайӧм сёян йылісь. Эта йылісь мийӧ быдӧнным мыйкӧ тӧдам. Но уна тӧдӧмсяняс мортыс асьсӧ пондӧ лэбтыны, а радейтӧмыс эд вынсьӧтӧ.

1 Коринфын оліссезлӧ 13:2

Ме верма Енсянь юӧртны, тӧда быдӧс тӧдлытӧмсӧ, быдпӧлӧссӧ вежӧрта. Ме ёна верита, верма нельки вештавны керӧссэз, а радейтӧмӧ кӧ абу, сэк ме абутӧм туйӧ.

Яков 4:1

Кысянь тіян ӧтамӧдныткӧт лӧгалӧмныт да етшасьӧмныт? Нія этасянь: вывтыраныт ӧзйӧтчӧммес пессьӧны тіян пытшкын, зника озӧ сетӧ.