Титлӧ 3:3 - Бур Юӧр 2019

³ Мийӧ и асьным эд одзжык вӧлімӧ вежӧртӧмӧсь, ӧшӧмӧсь, эгӧ кывзісьӧ. Ӧзйӧтчӧммес да быд моз гажӧтчӧммес миянӧс раббезӧс моз видзисӧ. Вӧлім умӧль мывкыдаӧсь, лӧгалім да завидуйтім. Миянлӧ некин син вылӧ эз ков.

Титлӧ 3:3 Mawu Ofanana

Матвей 21:29

Зоныс висьталас: "Ме ог мун". Сэсся сылӧ умӧль лоас сьӧлӧм вылас и сія мунас уджавны.

Лука 21:8

Сія висьталіс: «Видзӧтӧ, медбы тіянӧс эзӧ ылӧтӧ. Уна локтасӧ Менам нимӧн да шуасӧ: "Ме ─ Сія" и "Кадыс локтіс ни". Ны сьӧрӧ эд мунӧ.

Иоан 8:34

Исусыс шуис: «Тіянлӧ быльсӧ веськыта висьтала: умӧльсӧ керисьыс раб умӧль керӧмыслӧн.

Римын оліссезлӧ 11:30

Одзжык тійӧ эдӧ кывзісьӧ Енсӧ, а ӧні Израиль отирыс эзӧ пондӧ кывзісьны. Сійӧн Еныс небыт сьӧлӧмӧн бергӧтчис тіянлань.

Римын оліссезлӧ 6:12

Умӧльсӧ керны лэдзчисьӧмыс ась оз веськӧтлы тіян кулан вывтырӧн, медбы ӧзйӧтчӧмӧн керны сы сьӧрті.

Римын оліссезлӧ 6:17

Ошка Енсӧ тіян понда. Ӧні эд сьӧлӧмсянь пондіт овны велӧтӧмыс сьӧрті, кӧдӧ тіянлӧ висьтасисӧ. Одзжык тійӧ вӧлітӧ умӧль керӧмыслӧн раббез.

Римын оліссезлӧ 6:22

Ӧні тійӧ мезмит умӧль керӧмыслӧн домӧттэзісь, лоит Енлӧн раббез. Тіян бур воӧмныт ─ вежа олан. А вежа олансянь ─ пырся олан.

Римын оліссезлӧ 6:6

Тӧдамӧ: мийӧ одззаэс дорӧмӧсь Сыкӧт, медбы миян вывтырным ӧштіс вынсӧ керны умӧльсӧ. Умӧль керӧмыс ась оз ни видз сэсся миянӧс аслас домӧттэзын.

2 Коринфын оліссезлӧ 12:20

Ме пола эд, локтӧмӧ кежӧ тійӧ одӧ лоӧ сэтшӧмӧсь, кытшӧмӧсь колат меным. Сэк и ме ог ло сэтшӧм, кытшӧм кола тіянлӧ. Ась оз ло тіян коласын вермасьӧм, завид кутӧм, лӧгалӧм, видчӧм, весись морт вылӧ баитӧм, норасьӧм, асьӧс вылына лэбтӧм. Ась тіян быдӧс лоӧ арта.

Галатияын оліссезлӧ 6:3

Мортыс ас йывсис унаӧв кӧ пыртӧ юрас, а ачыс абутӧм туйӧ, сэк сія ачыс асьсӧ ылӧтӧ.

Колосын оліссезлӧ 1:21

Одзжык тійӧ умӧльсӧ керӧмныт кузя Еныс дынсянь вӧліт ылынӧсь, Сылӧ паныт лэбтісьліт.

Колосын оліссезлӧ 3:7

Одзжык и тійӧ сідз жӧ олітӧ:

2 Тимофейлӧ 3:13

А бӧбӧтчиссес да лёк йӧзыс умӧльсӧ пондасӧ керны унажык и унажык. Асьныс пондасӧ ылавны, да и мӧдіккезӧс ылӧтасӧ.

2 Тимофейлӧ 3:6

Сэтшӧммес керкуэзӧ ылӧтлӧмӧн сюрӧны, кокнит мывкыда инькаэсӧ бӧбӧтлӧны. Сэтшӧм инькаэс умӧльсӧ керӧммезнаныс тырӧмась, ӧзйӧтчӧны быдкодь ковтӧмсӧ керны.

Титлӧ 1:16

Нія шуӧны, тӧдам пӧ Енсӧ, а асланыс керӧммезӧн Енсӧ абутӧм туйӧ пуктӧны. Нія сьӧлӧмтӧмӧсь, озӧ кывзісьӧ, бурсӧ нем озӧ вермӧ керны.

Титлӧ 2:12

Бурсетӧмыс велӧтӧ миянӧс кольны Ентӧг олӧмсӧ да му вылісь ковтӧм ӧзйӧтчӧммесӧ. Сія велӧтӧ миянӧс овны бур мывкыдӧн, Ен сьӧрті веськыта да Енлӧ юрбитӧмӧн ӧння кадӧ,

Яков 1:26

Кин тіян коласісь пуктӧ асьсӧ Енлӧ юрбитісь мортӧ, а оз вермы видзны ассис кывсӧ да уна ковтӧмсӧ баитӧ, сія асьсӧ бӧбӧтӧ. Сылӧн Енлӧ юрбитӧмыс абутӧм туйӧ.

1 Петра 1:14

Одзжык тійӧ эдӧ тӧдӧ, мый бур, мый умӧль. Сэк умӧльсӧ керны ӧзйӧтчӧмныт ыждаліс тіян вылын. Ӧні лоӧ кывзісь челядь кодьӧсь, эд керӧ умӧльсӧ одззамоз.

Осьтӧм 12:9

Ыджыт гундырсӧ, важ кыйсӧ, шентісӧ му вылас. Сылӧн нимыс ─ куль да сотана. Сія ылӧтлӧ Еныслісь быдӧс аркмӧтӧмсӧ. Сылісь ангеллэсӧ шентісӧ ӧтлаын сыкӧт.

Осьтӧм 13:14

Одзза вӧрпаыс синнэз одзын адззывлытӧм керӧммезнас сія бӧбӧтлӧ отирсӧ. Отирсӧ сія тшӧктӧ керны одзза вӧрпаыс кодьӧ. Сія вӧрпаыс вӧлі кувтӧдз дойдӧм шыпуртӧн да ловзис.

Осьтӧм 18:2

Сія горася-горӧн горӧтіс: ─ Разьсис, разьсис ыджыт Вавилоныс! Лоис сія оланінӧн лёк ловвезлӧ, быдпӧлӧс сэрпӧсь ловвезлӧ сувтчанінӧн, быдкодь сэрпӧсь да нёштӧм кайезлӧ ӧксянінӧн. Сія эд быдӧс отирсӧ юкталіс, кыдз винаӧн кодззӧтліс аслас пӧтлытӧг кыскасьӧмӧн.