Титлӧ 3:2 - Бур Юӧр 2019

² Некинӧс ась озӧ умӧльтӧ, озӧ етшасьӧ. Быд морткӧт ась лӧсялӧны, рам сьӧлӧмӧн олӧны.

Титлӧ 3:2 Mawu Ofanana

Матвей 11:29

Босьтӧ ас выланыт Менчим сийӧсӧс, велӧтчӧ Месянь. Ме рам да небыт сьӧлӧма. Сэк тіян сьӧлӧммезныт шоччисясӧ.

Ап. керӧммез 23:5

Павелыс шуис: «Сія аркирей? Воннэзӧ, ме сы йылісь эг тӧд. Гижӧм тай: "Аслат отир вылын юралісь йылісь умӧльсӧ эн баит"».

1 Коринфын оліссезлӧ 6:10

гусясиссез, горшасиссез, кодаліссез, лёк кылаэз, отирлісь мырддиссез Енлӧн Юраланінӧ озӧ сюрӧ.

1 Коринфын оліссезлӧ 9:19

Менӧ некин немӧн оз видз. Ме ачымӧс быдӧнныслӧ раб туйӧ пукта. Сідз ме Кристосыс дынӧ верма вайӧтны отирсӧ унажык.

2 Коринфын оліссезлӧ 10:1

Кинкӧ ме йылісь шуӧ, сія пӧ тіян коласын лӧнь, а ылісянь гижны дак оз пов. Ме, Павел, Кристослӧн лӧнь да рам сьӧлӧмсянь ӧні баита тіянлӧ.

2 Коринфын оліссезлӧ 12:20

Ме пола эд, локтӧмӧ кежӧ тійӧ одӧ лоӧ сэтшӧмӧсь, кытшӧмӧсь колат меным. Сэк и ме ог ло сэтшӧм, кытшӧм кола тіянлӧ. Ась оз ло тіян коласын вермасьӧм, завид кутӧм, лӧгалӧм, видчӧм, весись морт вылӧ баитӧм, норасьӧм, асьӧс вылына лэбтӧм. Ась тіян быдӧс лоӧ арта.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

Галатияын оліссезлӧ 6:1

Воннэзӧ, керас кӧ мортыс мыйкӧ умӧльӧ, сэтшӧм мортсӧ рам сьӧлӧмӧн туйдӧтӧ. Тійӧ эд Лов сьӧрті оліссез. Быдыс тіян коласісь ась видзӧтӧ ас сьӧрас, медбы асьныт эдӧ ылалӧ.

Галатияын оліссезлӧ 6:10

Кытчӧдз эм эшӧ кадыс, пондам керны бурсӧ быдӧнныслӧ. Ӧддьӧнжык пондам отсасьны миянкӧт веритіссезлӧ.

Ефесын оліссезлӧ 4:2

Сідзкӧ, лоӧ бур мывкыдаӧсь, рамӧсь, ыджыт мылааӧсь, радейтан сьӧлӧмсянь ӧтамӧднытӧ бурӧ пуктӧ.

Ефесын оліссезлӧ 4:31

Лӧгувьяныт кучиксиныт петӧм, лёксялӧм, горӧтӧм, лӧгалӧмсянь курыт кыввез висьталӧм да умӧльсӧ баитӧм пыр кежӧ чапкӧ.

Филипын оліссезлӧ 4:5

Ась быд мортыс адззӧ тіянлісь рама видзсьӧмнытӧ. Дӧсвидзисьыс эд матын ни.

1 Фессалоникаын оліссезлӧ 2:7

Кыдз Кристослӧн апостоллэз мийӧ вермим локны тіян дынӧ юррезнымӧс чатыртӧмӧн. Но тіян коласын мийӧ асьнымӧс видзим небытика, ассис челядьсӧ вердісь мам моз.

1 Тимофейлӧ 3:11

Ась и инькаэс лоасӧ бур мывкыдаӧсь, отир йылісь вӧвлытӧмсӧ ась озӧ баитӧ, ась кужӧны асьнысӧ киын видзны да быд кадӧ лоӧны надейнӧйӧсь.

1 Тимофейлӧ 3:3

оз кодав, оз тышкась, отиркӧт бура лӧсялӧ, оз горшав, рам сьӧлӧма, оз етшась, сьӧм понда оз пукты ловсӧ.

Яков 3:17

Вылісянь сетӧм мывкыдыс сӧстӧм, лӧнь, рам, кывзісьӧ, небыт сьӧлӧмсянь бурсӧ керӧ, оз лыддьы ӧтіккезӧс мӧддэзся буржыккезӧн, оз ылӧтлы.

Яков 4:11

Воннэзӧ, ӧтамӧдныт йылісь эд баитӧ умӧля. Кин воныс йылісь умӧля баитӧ да сійӧ осудитӧ, сія Туйдӧтыс йылісь умӧля баитӧ, Туйдӧтсӧ осудитӧ. Сэк сія мортыс абу Туйдӧт сьӧрті олісь, но судитісь.

1 Петра 2:1

Сідзкӧ, кольӧ быдпӧлӧс лӧгалӧмнытӧ, бӧбӧтчӧмнытӧ, ылӧтлӧмнытӧ. Дугдӧ завидуйтны, весись морт вылӧ баитны.

1 Петра 3:10

─ Кин радейтӧ олансӧ да мӧдӧ адззывны бур луннэз, сія ась видзӧ ассис кывсӧ умӧльсис, ассис ӧмсӧ ылӧтлӧмӧн баитӧмсис.

1 Петра 3:8

Медбӧрын содта: тіян вежӧртӧмныт да юраныт видзӧмныт ась лоӧ ӧткодь. Ӧтамӧд понда тӧждӧ, ӧтамӧдӧс радейтӧ да бур мывкыдӧн кывзісьӧ, отсасьӧ да ас коласаныт лӧсялӧ.

1 Петра 4:4

Ӧні отирыс озӧ вермӧ вежӧртны, мыля тіянӧс оз кыскы ӧтлаын ныкӧт лэдзчисьӧмӧн умӧльсӧ керны. Сійӧн нія тіянӧс и видӧны.

2 Петра 2:10

Эта висьталӧм ны йылісь, кӧдна олӧны вывтырныс ӧзйӧтчӧм сьӧрті сэрпӧсьсӧ керӧмӧн да абутӧм туйӧ пуктӧны Енлісь веськӧтлӧмсӧ. Нія асныраӧсь, озӧ полӧ видны енӧжись выннэсӧ.

Иуда 1:10

А этна эд умӧльсӧ баитӧны сы йылісь, мый озӧ тӧдӧ. Нылӧ шогмӧмсянь сетӧм тӧдны мукӧдсӧ мывкыдтӧм подалӧ моз. Этӧн нія асьнысӧ изводалӧны.

Иуда 1:8

Сідз петас и этнакӧт, вӧтын моз оліссескӧт. Нія эд сэрпӧсьтӧны ассиныс вывтырнысӧ. Юралӧмсӧ абутӧм туйӧ пуктӧны, енӧжись выннэсӧ видӧны.