Титлӧ 1:9 - Бур Юӧр 2019

⁹ Сія пыр видзсьӧ велӧтӧмлӧн быль кыввез бердӧ да ны сьӧрті вермӧ туйдӧтны отирсӧ. Паныт лэбтісьӧммеслӧ вермӧ веськыта висьтавны умӧль керӧмныс йылісь.

Титлӧ 1:9 Mawu Ofanana

2 Фессалоникаын оліссезлӧ 2:15

Сідзкӧ, воннэзӧ, олӧ велӧтӧмыс бердӧ ёна видзсьӧмӧн! Сэтчӧ тійӧ велаліт миян висьталӧмсянь да ысталӧм гижӧттэзсянь.

2 Тимофейлӧ 1:13

Быдӧс кер бур велӧтӧмыс сьӧрті. Тэ сійӧ кылін месянь. Ов веритӧмӧн да радейтӧмӧн, Кристос Исускӧт ӧтлаасьӧмӧн.

1 Тимофейлӧ 6:3

Кин оз велӧт миян Дӧсвидзись Кристос Исуслӧн веськыта висьталӧм кыввезӧ да Енлӧ юрбитӧмӧ, сылӧн велӧтӧмыс нуӧтӧ мӧдӧрӧ.

1 Тимофейлӧ 1:10

кыскасиссезлӧ, ӧтамӧдкӧт инькӧт моз олісь ай отирлӧ, отирӧн вузасиссезлӧ, бӧбӧтчиссезлӧ да нылӧ, кӧдна сетӧм кывсӧ озӧ видзӧ. Туйдӧтыс гижӧм быдӧнныслӧ, кӧдна керӧны сійӧ, мый абу бур велӧтӧмыс сьӧрті.

Осьтӧм 3:3

Уськӧт тӧдвылат, мый тэ кылін да босьтін. Ов сы сьӧрті да бергӧтчы умӧль керӧммет дынісь. Он кӧ саймы, Ме гусясись моз видзчисьтӧг локта тэ дынӧ. Менчим локтан кадӧс тэ он и понды тӧдны.

1 Тимофейлӧ 1:15

Быдыслӧ колӧ босьтны этнӧ веськыта висьталӧм кыввесӧ: Кристос Исусыс локтіс му вылас мездыны умӧльӧ кериссесӧ. Ны коласісь медумӧльыс ме.

Титлӧ 2:1

Тэ, Тит, баит бур велӧтӧмыс сьӧрті.

Титлӧ 1:11

Сэтшӧммеслісь ӧммезнысӧ колӧ пӧднавны. Нія ковтӧмас велӧтӧны. Рожа кулян горшасьӧмныс кузя нія отирсӧ ылӧтӧны, быдса семьяэз умӧляс воштӧны.

2 Тимофейлӧ 4:3

Лоас кад, кӧр отирыс бур велӧтӧмсӧ кывзыны озӧ пондӧ. Велӧтіссесӧ нія пондасӧ бӧрйыны ас сьӧртӧттяныс, медбы баитісӧ ны сьӧрті.

1 Фессалоникаын оліссезлӧ 5:21

Быдӧс тӧдмалӧ-видзӧтӧ, бурыс бердӧ видзсьӧ.

Осьтӧм 3:11

Ме чожа локта. Бура видз сійӧ, мый тэнат эм, медбы некин эз мырддьы тэнчит юркытштӧ.

Осьтӧм 2:25

Менам локтӧмӧдз дзир видзсьӧ сы бердӧ, мый тіян эм.

Иуда 1:3

Донаэзӧ! Ме ӧддьӧн мӧді гижны миян ӧтлаын мезмӧмным йылісь. Но шуи, коланажык лоас, велӧта кӧ тіянӧс дорйыны веритӧмнытӧ. Сійӧ Еныс ӧтпыр сетӧм вӧлі вежа отирлӧ.

2 Тимофейлӧ 2:25

рам сьӧлӧмӧн туйдӧтны паныт лэбтіссиссесӧ. Еныс эд нылӧ вермас сетны шогсьыны асланыс умӧль керӧм кузя да отсалас вежӧртны быльсӧ.

2 Тимофейлӧ 2:2

Ме тэныт баиті уна отир дырни. Месянь кылӧмтӧ висьтась надейнӧй отирлӧ, кӧдна кужӧны и мӧдіккезӧс велӧтны.

1 Тимофейлӧ 4:9

Этна кыввес быльӧсь. Бур лоас, босьтан кӧ нійӧ сьӧлӧмат.

1 Тимофейлӧ 1:19

Быдӧс кер ёна веритӧмӧн да ов сідз, медбы сьӧлӧмытлӧ нем вӧлі висьтавны умӧльсӧ. Мукӧдыс сьӧлӧмныслісь висьталӧмсӧ пуктісӧ абутӧм туйӧ, сійӧн нылӧн веритӧмныс косьмӧм шор моз ӧшис.

Ап. керӧммез 18:28

Отирыс одзын сія ёна вермасис иудейескӧт: Вежа Гижӧттэз сьӧрті осьтіс-вежӧртӧтіс Исусыс йылісь, Сія пӧ и эм кӧсйӧм Кристос-Мездӧтісьыс.

1 Коринфын оліссезлӧ 14:24

Шуам, тійӧ быдӧнныт Енсянь юӧртат, сы коста пырас морт, кӧда оз верит, оз тӧд. Еныс быдӧнныт пыр осьтас сылісь умӧль керӧммесӧ, сійӧ осудитас.

2 Тимофейлӧ 3:14

А тэ и одзлань ов сы сьӧрті, мыйӧ тэ вӧлін велӧтӧм да мыйӧ веритан. Тэ эд тӧдан, кин тэнӧ велӧтіс.