Титлӧ 1:5 - Бур Юӧр 2019

⁵ Ме тэнӧ коли Крит муас пондӧтӧмнымӧс быдӧс керны да быд карын вичкуэзас сувтӧтны веськӧтліссезӧс. Нійӧ коліс сувтӧтны тшӧктӧмӧ сьӧрті.

Титлӧ 1:5 Mawu Ofanana

Ап. керӧммез 14:23

Быд вичкуын нія сувтӧтісӧ веськӧтліссезӧс. Кӧслуналӧм да кеймӧм бӧрын веритіссес сетісӧ нійӧ Дӧсвидзись киӧ. Сылӧ эд нія и пондісӧ веритны.

1 Тимофейлӧ 1:3

Македонияас иньдӧтчытӧнням ме кори тэнӧ олыштны Ефесас. Сэтчинісь мукӧдсӧ тшӧкті ӧвны, медбы эзӧ велӧтӧ мӧдікас

1 Коринфын оліссезлӧ 14:40

Вичкуас ась быдӧс керсьӧ бура, лӧсьӧтӧмӧн, медбы быдӧс вӧлі арта.

2 Тимофейлӧ 2:2

Ме тэныт баиті уна отир дырни. Месянь кылӧмтӧ висьтась надейнӧй отирлӧ, кӧдна кужӧны и мӧдіккезӧс велӧтны.

1 Коринфын оліссезлӧ 11:34

Кин тшыг, ась сёйӧ гортас. Сэк нем лоас висьтавны умӧльсӧ тіян ӧксьывлӧммез йылісь. Мӧдікас велӧта-туйдӧта локтӧмӧ коста.

Ап. керӧммез 27:21

Мийӧ дыр эгӧ сёйӧ. Павелыс сувтіс миян коласӧ да висьталіс: «Отир! Коліс керны менам висьталӧм сьӧрті. Эз ков мунны Критыс дынісь. Сэк эгӧ бы пантасьӧ сьӧкытыскӧт, умӧльыскӧт.

Ап. керӧммез 27:12

Сувтчаніныс абу вӧлі лӧсьӧтӧм тӧвйыны. Сійӧн унаӧн шуисӧ сэтісь мунны. Нія баитісӧ: позяс кӧ, мунам Критыс пӧлӧн Финик сувтчанінӧдз да сэтӧн тӧвьям. Финикыс куйліс лун-рыт да ой-рыт тӧввез паныт.

Ап. керӧммез 27:7

Жагӧна мунім уна лун сьӧрна. Ӧдва локтім Книд кар весьтӧдз. Тӧлыс вӧлі паныт, сійӧн мийӧ Крит му дынӧ сибӧтчим Салмон мыс сайӧт.

Ап. керӧммез 11:30

Сідз и керисӧ. Ӧктӧмсӧ ыстісӧ Варнавакӧт да Савлкӧт вичкуын веськӧтліссезлӧ.

Колосын оліссезлӧ 2:5

Ме кӧть вывтырнам абу тіянкӧт, но ловнам тіянкӧт. Ме адзза, тійӧ ёна сулалат Кристослӧ веритӧмас и тіян быдӧс арта. Сысянь менам сьӧлӧм вылам гаж.

Ап. керӧммез 2:11

Мукӧдыс локтісӧ Критісь да Аравияись. Нія миян кыввез вылын висьтасьӧны Енлӧн ыджыт керӧммез йылісь».

Ап. керӧммез 27:13

Пондіс пӧльтны лун тӧв. Уйиссес юраныс пыртісӧ: лоис коланаыс. Нія Крит пӧлӧн иньдӧтчисӧ одзлань.

1 Коринфын оліссезлӧ 4:17

Эта понда ысті тіян дынӧ Тимофейсӧ. Дӧсвидзиськӧт ӧтлаасьӧм кузя сія менам надейнӧй дона зон. Сія тіянлӧ вайӧтас тӧдвыланыт Кристос Исусыс сьӧрын менчим мунӧмӧс. Ме сідз велӧта быдлаын, быд вичкуын.

Титлӧ 1:12

Нылӧн ӧтік кывбуррез гижись висьталӧм: ─ Критын оліссес пыр бӧбӧтчӧны, нія лёк вӧрпаэз, дыш кучиккез.