Титлӧ 1:3 - Бур Юӧр 2019

³ Сійӧ Кывсӧ Еныс аскадӧ сетіс тӧдны висьтасьӧм пыр. Миян Мездӧтісь Еныс менӧ и тшӧктіс висьтасьны сійӧ Кывсӧ.

Титлӧ 1:3 Mawu Ofanana

Марк 1:15

Сія висьтавліс: «Локтіс кад, Енлӧн Юралӧмыс матын ни! Бергӧтчӧ умӧль керӧммезныт дынісь да веритӧ Бур Юӧрӧ!»

Марк 13:10

Но сія кадӧдз колӧ Бур Юӧрсӧ висьтасьны быд отирпӧлӧслӧ.

Марк 16:15

Исусыс нылӧ висьталіс: «Мунӧ быдсӧн му пасьта, быдӧнныслӧ висьтасьӧ Бур Юӧрсӧ.

Лука 1:47

Енӧ понда, Мездӧтісьӧ понда гажмис Менам лолӧ.

Ап. керӧммез 10:36

Сія ыстіс Израиль отирлӧ Ассис Кывсӧ, лӧнь олан йылісь Бур Юӧрсӧ, кӧдӧ вайис Кристос Исус. А Сія ─ Дӧсвидзисьыс быдӧнныс вылын.

Ап. керӧммез 17:26

Ӧтік мортсянь Сія аркмӧтіс быдӧс морт увтырсӧ му пасьта олӧм понда. Ачыс сетіс нылӧ, мымда овны да кытӧн овны.

Римын оліссезлӧ 15:19

Ен Лов вынӧн Кристосыс ме пыр керліс мыччалан пассэсӧ да адззывлытӧммесӧ. Сійӧн Кристослісь Бур Юӧрсӧ ме верми нуӧтны Ерусалим гӧгӧр муэзсянь Иллирикӧдз.

Римын оліссезлӧ 5:6

Мийӧ асьным нем эгӧ вермӧ. Сэк Енӧн висьталӧм кадӧ Кристосыс куліс Ентӧг оліссез понда.

1 Коринфын оліссезлӧ 9:17

Кера кӧ ме этӧ ассяням, сэк меным сы понда вештасӧ. Тшӧктӧм сьӧрті кӧ ─ сэк ме кера дзир меным сетӧм уджсӧ.

Галатияын оліссезлӧ 4:4

Сувтӧтӧм кадыс локтӧм бӧрын Еныс ыстіс Ассис ӧтка Зонсӧ. Сія чужис инькасянь да оліс Туйдӧтыс сьӧрті.

Ефесын оліссезлӧ 1:10

Колан кадӧ Еныс лӧсьӧтчӧм енӧжисьсӧ ӧтлаӧтны му вылісьыскӧт. Быдӧс вылын Юралісьнас Сія шуӧм сувтӧтны Кристоссӧ.

Ефесын оліссезлӧ 2:17

Сія локтіс да юӧртіс бурасьӧм йылісь Бур Юӧрсӧ тіянлӧ, кӧдна вӧлітӧ Ен дынсянь ылынӧсь, юӧртіс и нылӧ, кӧдна вӧлісӧ матынӧсь.

Филипын оліссезлӧ 1:13

Ме эстӧн пукала Кристосыс понда. Эта йылісь пондісӧ тӧдны ӧксуыслӧн воиннэс да и уна мӧдіккез.

Колосын оліссезлӧ 1:23

Сійӧн тіянлӧ колӧ ёна сулавны веритӧмас. Бур Юӧрыс сетіс тіянлӧ надеясӧ, сэтісь эд янсалӧ. Тіянлӧ да и енӧж увтас быд олісьӧ сія вӧлі юӧртӧм. Меным, Павеллӧ, Еныс сетіс сійӧ уджсӧ ─ висьтасьны Бур Юӧрсӧ.

Колосын оліссезлӧ 1:6

Эта кылыс локтіс тіян дынӧдз и паськалӧ быдсӧн муыс пасьта. Сія быдлаын керӧ ассис уджсӧ да сетӧ воӧмсӧ. Эта керсьӧ Бур Юӧрсӧ кылӧмныт лунсянь, кӧр тійӧ пондіт тӧдны Енлӧн бурсетӧм йылісь быльсӧ.

1 Фессалоникаын оліссезлӧ 2:4

Еныс тӧдмаліс-видзӧтіс миянлісь сьӧлӧммезнымӧс. Сія миянӧс шуис туяна отирӧн висьтасьны Сылісь Бур Юӧрсӧ. Мийӧ эд вынсьӧтчам керны Ен сьӧрті, а огӧ морт сьӧрті.

1 Тимофейлӧ 1:1

Гижӧ Павел, Кристос Исуслӧн апостол. Апостолнас менӧ сувтӧтісӧ миянӧс Мездӧтісь Ен да Дӧсвидзись Кристос Исусыс, миян надеяным.

1 Тимофейлӧ 1:11

Сія велӧтӧмыс ─ Енлӧн югьялӧм йылісь Бур Юӧр. Сійӧ Бур Юӧрсӧ висьтасьны менӧ ыстіс Еныс, Кӧдӧ пыр колӧ ошкыны.

1 Тимофейлӧ 2:3

Сідз керӧмыс бур, Мездӧтісь Еннымлӧ сьӧлӧмви.

1 Тимофейлӧ 4:10

Мийӧ эд сы понда и уджалам, миян вылӧ усьӧм видӧмсӧ нуӧтам. Мийӧ эд ловья Еныс вылӧ надейтчам. Сія ─ быдӧннысӧ Мездӧтісь, ӧддьӧнжык мездӧ веритіссесӧ.

2 Тимофейлӧ 4:17

Ачыс Дӧсвидзисьыс вовліс да отсаліс меным. Сія менӧ вынсьӧтіс, медбы ме верми быдсӧн висьтасьны Бур Юӧрсӧ. Сійӧ ась кылӧны быдпӧлӧс отирыс. Дӧсвидзисьыс мездіс менӧ левыс аннэзісь.

Титлӧ 2:10

Ась озӧ гусясьӧ, а быдӧсын мыччалӧны асьнысӧ надейнӧй отирӧн. Ны вылӧ видзӧттӧн отирыс ась адззӧны, кытшӧм бур велӧтӧмыс миян Мездӧтісь Енлӧн.

Титлӧ 2:13

кӧр мийӧ видзчисям шуда лунсӧ, надейтчӧмнымлісь аркмӧмсӧ ─ вына Енлісь да миян Мездӧтісь Кристос Исуслісь югьялана локтӧмсӧ.

Осьтӧм 14:16

Сэк кымӧр вылас Пукалісьыс чарласӧ шентіс му вылас. Му вывсис воӧмыс вӧлі вундӧм.