Осьтӧм 8:3 - Бур Юӧр 2019

³ Сэсся сибӧтчис эшӧ ӧтік ангел да сувтіс езъяланіныс одзӧ. Сія киас видзис зарниись тшынӧтчан доз. Сылӧ вӧлі сетӧм уна ладан. Сійӧ ӧтлаын вежа отирлӧн кеймӧммезӧн колӧ пуктыны зарниись езъяланін вылӧ, кӧда сулаліс юралан пукӧс одзас.

Осьтӧм 8:3 Mawu Ofanana

Лука 1:10

Тшынӧтӧмыс коста ӧксьӧм отирыс кеймисӧ ӧтӧрас.

Римын оліссезлӧ 8:34

Кин вермас нійӧ судитны? Некин оз. Кристос Исусыс куліс да ловзис. Ӧні Сія Еныскӧт веськыт ладорас кеймисьӧ миян понда.

Еврейезлӧ 7:25

Сійӧн Сія вермӧ мездыны Еныс дынӧ Сы пыр быд локтісьсӧ. Сія эд пыр олӧ, медбы Еныс одзын кеймисьны ны понда.

Еврейезлӧ 9:4

Сэтӧн сулалісӧ зарниись тшынӧтчан пызан да Йитӧтӧн Коробья, кӧда быд ладорсянь вӧлі вевттьӧм зарниӧн. Сэтӧн куйліс енӧжись маннаӧн зарни доз, Ааронлӧн дзоридзасьӧм бедь да Йитӧтӧн изпӧввез.

Осьтӧм 10:1

Сэк ме казялі мӧдік вына ангелӧс, кӧда лэдзчисьӧ вӧлі енӧжсис. Сія вӧлі кытшӧвтӧм кымӧрӧн. Сы юр весьтын вӧлі енӧшка. Чужӧмыс вӧлі шонді кодь, а коккес вӧлісӧ биа керрез кодьӧсь.

Осьтӧм 14:18

Езъяланіныс дынсянь петіс эшӧ ӧтік ангел. Сылӧ вӧлі сетӧм би видзан вын. Лэчыт чарланас ангелыслӧ сія горӧтіс: «Босьт ассит лэчыт чарлатӧ да му вывсис орлав виноград вывсис роззэсӧ, ягӧдыс эд воис ни».

Осьтӧм 5:8

Кӧр Сія босьтіс серакусӧ, сэк нёль енӧжись олісьыс да кыкдас нёль пӧрисьыс уськӧтчисӧ Дзельыс одзӧ. Нылӧн быдӧнныслӧн вӧлісӧ сиа орсаннэз да зарниись доззэз. Доззэс вӧлісӧ тыраӧсь чӧскыт руа ладан тшынӧн. Ладан тшыныс ─ вежа отирлӧн кеймӧммес.

Осьтӧм 6:9

Дзельыс жугдіс витӧт пассӧ. Ме казялі езъяланін увтсис отирлісь ловвесӧ. Нійӧ вӧлі вийӧмась Енлӧн Кыв понда да Ен йылісь висьтасьӧм понда.

Осьтӧм 7:2

Сэсся ме казялі витӧт ангелӧс. Сія локтіс асыввыв ладорсянь, киас видзис ловья Еныслісь пас пуктан. Сія горӧтіс нёль ангелыслӧ. Нылӧ вӧлі сетӧм вын тшыкӧтны мусӧ да саридзсӧ. Сія висьталіс:

Осьтӧм 8:4

Ангелыс киись ладансянь чӧскыт руа тшыныс ӧтлаын вежа отирлӧн кеймӧммезӧн лэбтісис Еныс дынӧ.

Осьтӧм 8:5

Сэсся ангелыс босьтіс тшынӧтчан дозсӧ, тыртіс сійӧ езъяланін вылісь бинас да шупкис му вылас. Сэтӧн кылісӧ гора шыэз, пондіс вирдавны-гымавны, муыс ёна зэгаліс.

Осьтӧм 9:13

Кватьӧт ангел пондіс пӧльтны аслас буксанӧ. Сэк ме кылі езъяланінлӧн нёль сюр коласісь ӧтіклісь висьталӧмсӧ. Сія зарниись керӧм езъяланіныс сулаліс Еныс одзын.