Осьтӧм 5:2 - Бур Юӧр 2019

² Ме казялі ыджыт вына ангелӧс. Сія горӧн юаліс: «Кинлӧ позьӧ жугдыны пассэсӧ да путшӧтны серакусӧ?»

Осьтӧм 5:2 Mawu Ofanana

Осьтӧм 5:5

Сэк пӧриссес коласісь ӧтік висьталіс меным: «Эн горзы: То, Вермалісьыс ─ Лев! Сія Иуда увтырись, Давид вужись. Сылӧ позьӧ жугдыны сизим пассӧ да осьтны серакусӧ».

Осьтӧм 10:1

Сэк ме казялі мӧдік вына ангелӧс, кӧда лэдзчисьӧ вӧлі енӧжсис. Сія вӧлі кытшӧвтӧм кымӧрӧн. Сы юр весьтын вӧлі енӧшка. Чужӧмыс вӧлі шонді кодь, а коккес вӧлісӧ биа керрез кодьӧсь.

Осьтӧм 18:21

Сэтӧн вына ангел босьтіс изын кодь ыджыт из да шупкис сійӧ саридзас сэтшӧм кыввезӧн: ─ Сідз лоас шентӧм ыджыт Вавилон карыс. Сія сэсся оз ни ло.

Осьтӧм 5:1

Юралан пукӧс вылас Пукалісьыслісь веськыт кисис ме казялі ӧтмӧдӧрсянь гижӧм сераку. Сія вӧлі каттьӧм да игналӧм сизим пасӧн.