Осьтӧм 4:8 - Бур Юӧр 2019

⁸ Нёльнанныслӧн вӧлісӧ квать бордӧн. Нылӧн ӧтмӧдӧрсянь вӧлісӧ синнэз, нельки борд увттэзас. Ой и лун нія дугдывтӧг шувлісӧ: ─ Вежа, вежа, вежа Дӧсвидзись Еныс, Дӧсвермисьыс, Кӧда вӧлі, эм да локтас.

Осьтӧм 4:8 Mawu Ofanana

Осьтӧм 1:8

«Ме ─ Альфа да Омега, Пондӧтісь да Пӧдналісь», шуӧ Дӧсвидзись, Кӧда эм, вӧлі да локтас. Сія ─ Дӧсвермись.

Осьтӧм 4:6

Юралан пукӧсыс одзын вӧлі жыв стеклоись саридз. Сія свиттяліс крусталь моз. Юралан пукӧсыс одзын да сы гӧгӧрын сулалісӧ нёль енӧжись олісь. Одзсяняныс и бӧрсяняныс нія вӧлісӧ ӧддьӧн уна синаӧсь.

Еврейезлӧ 13:8

Кристос Исусыс некӧр оз вежсьы, Сія тӧн, талун да и пыр Сія жӧ.

Осьтӧм 15:3

Нія сьылісӧ Енлӧн Моисей раблісь да Дзельыслісь сьыланкывсӧ: ─ Дӧсвидзись, Дӧсвермись Енӧ! Вынаӧсь Тэнат керӧммет, диво кутӧ! Веськытӧсь да быльӧсь Тэнат туйезыт, вежа отирлӧн Ӧксу!

Осьтӧм 11:17

Нія шувлісӧ: ─ Буркывтам Тэнӧ, Дӧсвидзись Енным, Дӧсвермисьным, Тэ эм, Тэ вӧлін и лоан. Тэ мыччалін Ассит ыджыт вынтӧ да босьтін юралӧмсӧ.

Осьтӧм 16:7

Езъяланіныс дынсянь кыліс мӧдіклӧн баитӧм: ─ Сідз, Дӧсвидзись Енным, Дӧсвермисьным, судитікат Тэ он сорась, Тэ веськыта мыжьян.

Осьтӧм 7:15

Сійӧн ӧні сулалӧны нія Енлӧн юралан пукӧс одзын да лун и ой Сылӧн Вежа Керкуын кысъялӧны Сылӧ. Юралан пукӧс вылас Пукалісьыс пондас овны ныкӧт да пыр пондас видзны нійӧ.

Осьтӧм 21:22

Ме карсис эг адззыв Вежа Керкусӧ. Карыслӧн Вежа Керкуыс ─ Дӧсвидзись, Дӧсвермись Ен да Сылӧн Дзельыс.

Осьтӧм 19:15

Вӧлыс вылын Пукалісьыс ӧмись петӧ лэчыт шыпурт, медбы сійӧн пӧрӧтны отирсӧ. Сія пондас веськӧтлыны ныӧн кӧрт бедьӧн. Виноград пичканінас Сія пичкӧ Дӧсвермись Енлісь лӧгся-лӧг винасӧ.

Осьтӧм 3:7

«Филадельфия вичкуись ангелыслӧ гиж: ─ То мый висьталӧ Вежаыс да Былисьыс, Кӧда дынын Давидлӧн ключыс. Мый Сія осьтӧ, некин оз вермы пӧднавны. Мый Сія пӧдналӧ, некин оз вермы осьтны.

Осьтӧм 1:4

Иоан гижӧ Асияись сизим вичкулӧ. Бурсетӧм да лӧнь олан тіянлӧ Сысянь, Кӧда эм, вӧлі да локтас. Сідз и сизим ловсянь, кӧдна сулалӧны Сылӧн юралан пукӧс одзын

Осьтӧм 4:4

Сы гӧгӧр сулалісӧ кыкдас нёль юралан пукӧс. Ны вылын пукалісӧ кыкдас нёль пӧрись, кӧднӧ пасьтӧтӧмась чочком паськӧмӧ. Юр выланыс нылӧн вӧлісӧ зарниись юркытшшез.

2 Коринфын оліссезлӧ 6:18

Ме лоа тіянлӧ Айӧн. Тійӧ лоатӧ Меным зоннэзӧн да ныввезӧн. Сідз шуӧ Дӧсвидзись, Дӧсвермись Ен.

Осьтӧм 16:14

Нія ─ кульлӧн ловвез, керӧны мыччалан пассэз. Нія иньдӧтчисӧ му вылісь ӧксуэз дынӧ, медбы ӧктыны нійӧ тышкасьны Дӧсвермись Енлӧн ыджыт тышкасян лунӧ.

Осьтӧм 14:11

Нійӧ маитансянь тшыныс пыр пондас кайны. Вӧрпаыслӧ да сы кодь керӧмлӧ копрасисьыс да сылісь ним пассӧ пуктісьыс зникасӧ оз понды тӧдны ойӧн не, лунӧн не.

2 Тимофейлӧ 4:2

юӧрт Енлісь Кывсӧ, висьтась сійӧ быд кадӧ. Позьӧ я висьтасьны, оз я позь, тэ пыр висьтась. Быдӧс кер мыла быртӧг: отирсӧ туйдӧт, веськыта висьтавлы умӧль керӧмныс йылісь, ӧмав да велӧтӧмӧн вынсьӧт.

1 Тимофейлӧ 4:16

Видзӧт ас сьӧрат: кыдз олан да велӧтан. Пыр сідз кер. Сідз керӧмнат мездан асьтӧ да и тэнӧ кывзіссесӧ.

1 Фессалоникаын оліссезлӧ 2:9

Воннэзӧ, миян уджным тӧдвыланыт. Енлісь Бур Юӧрсӧ висьтасьӧмным коста мийӧ вовлім садь быртӧдз. Мийӧ уджалім ой и лун, медбы миянсянь некинлӧ тіян коласісь эз вӧв сьӧкыт. Асланым киэзӧн шедтім оланын коланасӧ.

Ап. керӧммез 20:31

Сідзкӧ, лоӧ лӧсьӧтчӧмӧсь да эд вунӧтӧ, кыдз ме куим во сьӧрна ой и лун синва пыр дугдывтӧг велӧті тіян коласісь быдӧннытӧ.

Осьтӧм 4:9

Енӧжын оліссес лэбтӧны-ошкӧны юралан пукӧс вылас Пукалісьсӧ, буркывтӧны пырся Олісьсӧ.

Осьтӧм 5:6

Юралан пукӧс одзсис Ме казялі Дзельӧс. Сія вӧлі сэтшӧм, жыв сійӧ вайӧмась езъялан козинӧн. Сы гӧгӧрын вӧлісӧ нёль енӧжись олісьыс да пӧриссес. Дзельыслӧн вӧлі сизим сюр да сизим син. Нія Еныслӧн сизим лов, кӧднӧ ыстӧмась быдсӧн муыс пасьта.

Осьтӧм 6:1

Ме адззылі: Дзельыс сераку вывсис жугдіс сизимсис медодзза пассӧ. Сэсся кылі, кыдз енӧжись оліссез коласісь ӧтікыс гымалан шыӧн горӧтчіс: «Лок да видзӧт!»

Осьтӧм 6:6

Нёль енӧжись оліссез шӧрись ме кылі висьталӧм: «Ӧтік хиникс шогдіыс сулалӧ динарий. Куим хиникс идыс ─ динарий. Висӧ да винасӧ эн тшыкӧт!»

Осьтӧм 7:11

Быдӧс ангеллэс сулалісӧ юралан пукӧс гӧгӧрын, пӧриссес да нёль енӧжись олісь гӧгӧр. Сэк нія быдӧнныс уськӧтчисӧ кыминь юралан пукӧсыс одзӧ да копыртчисӧ Еныслӧ.

Осьтӧм 14:3

Енлӧн юралан пукӧс одзын, нёль енӧжись олісь одзын да пӧриссес одзын нія сьылісӧ виль сьыланкыв. Сійӧ сьыланкывсӧ сьывны некин эз вермы велавны. Сійӧ сьылісӧ дзир сё нёльдас нёль сюрс мортыс, кӧдна небӧмась му вывсис.

Осьтӧм 15:7

Нёль енӧжись олісь коласісь ӧтікыс сетіс сизим ангеллӧ зарниись сизим доз. Нія вӧлісӧ тыраӧсь пырся олісь Енлӧн лӧгӧн.

Осьтӧм 19:4

Сэк кыкдас нёль пӧрисьыс да енӧжын нёль олісьыс уськӧтчисӧ юралан пукӧс вылын пукалісь Ен одзӧ да копыртчисӧ Сылӧ. Нія шувлісӧ: ─ Аминь! Аллилуйя!