Осьтӧм 3:1 - Бур Юӧр 2019

¹ «Сардис вичкуись ангелыслӧ гиж: ─ То мый висьталӧ Сія, Кӧдалӧн эмӧсь Енлӧн сизим лов да сизим кӧдзув. Ме тӧда тэнчит уджтӧ. Тэнӧ шуӧны ловьяӧн, а тэ эд кулӧм.

Осьтӧм 3:1 Mawu Ofanana

1 Тимофейлӧ 5:6

Гажӧтчан да кокнит олансӧ дӧваыс кошшӧ кӧ, сэк сія и ловьяыс эд кулӧм ни.

Яков 2:26

Мортыс оз кӧ лолав, сія кулӧм. Сідз и мортлӧн веритӧмыс: бурсӧ нем оз кӧ кер, сія кулӧм.

Осьтӧм 1:4

Иоан гижӧ Асияись сизим вичкулӧ. Бурсетӧм да лӧнь олан тіянлӧ Сысянь, Кӧда эм, вӧлі да локтас. Сідз и сизим ловсянь, кӧдна сулалӧны Сылӧн юралан пукӧс одзын

Колосын оліссезлӧ 2:13

Тійӧ одзжык асланыт умӧль керӧммез кузя вӧліт кулӧмӧсь, эдӧ вӧлӧ вундыштыштӧмӧсь. Ӧтлаын Кристосыскӧт Еныс тіянӧс ловзьӧтіс. Сія миянлісь умӧль керӧммезнымӧс проститіс.

Иуда 1:12

Ӧксьывлӧммезныт коста сэтшӧм отирыс тіян коласын кыдз ляккез. Радейтӧмӧн сёян дорын рытъялӧмныт коста нія тіянкӧт ӧтлаын повтӧг сёйӧны-юӧны, дзир ас йывсиныс тӧждісьӧны. Нія кыдз тӧлӧн новйӧтан зэртӧм кымӧррез. Нія кыдз арся пуэз, кӧдна нем эзӧ сетӧ воӧмсӧ, вудж сорнас шедтӧмӧсь, кыкись кулӧмӧсь.

Осьтӧм 2:19

Ме тӧда тэнчит керӧмтӧ, радейтӧмтӧ, Меным кысъялӧмтӧ, веритӧмтӧ, бырлытӧм мылатӧ. Одззаыс сьӧрті тэ ӧні унажык уджалан, и сійӧ тӧда.

Лука 15:24

Эта зонӧ менам вӧлі кулӧм да ловзис, ӧшліс да адззисис". Быдӧнныс пондасӧ гажӧтчыны.

Осьтӧм 1:16

Веськыт киас Сія видзис сизим кӧдзув. Сы ӧмись петӧ вӧлі ӧтмӧдӧрсянь лэчыт шыпурт. Сылӧн чужӧмыс югьяліс луншӧрся шонді моз.

Ефесын оліссезлӧ 2:5

Сійӧн миянӧс, умӧльсӧ керӧмным кузя кулӧммесӧ, ӧтлаын Кристосыскӧт Сія ловзьӧтіс. Аслас бурсетӧмӧн Еныс тіянӧс мездіс,

Лука 15:32

Воныт понда эд колӧ гажмыны да гажӧтчыны. Сія вӧлі кулӧм да ловзис, ӧшліс да адззисис"».

Ефесын оліссезлӧ 2:1

Умӧль да лёк керӧмныт кузя тійӧ одзжык вӧліт кулӧмӧсь.

Осьтӧм 2:13

Ме тӧда: тэ олан сотаналӧн юралан пукӧс дынын. Ме тӧда тэнчит уджтӧ: тэ бура видзсян Менам ним бердӧ. Меным веритӧмись тэ эн суськись и нія луннэзӧ, кӧр тіянын, сотана оланінын, вийисӧ Антипсӧ, Менчим надейнӧй висьтасисьсӧ.

Осьтӧм 1:20

Тэ адззылін менам веськыт киись сизим кӧдзув, адззылін и зарниись сизим бивидзан. Ныын тӧдлытӧмыс то мый: сизим кӧдзулыс ─ сизим вичкулӧн ангеллэс, сизим бивидзаныс ─ сизим вичку».

Осьтӧм 4:5

Юралан пукӧс дынісь петісӧ чарньӧввез, гымалӧм да гора шыэз. Сизим бивидзан сотчисӧ пукӧсыс одзын ─ нія Енлӧн сизим лов.

Осьтӧм 1:11

Ӧні мый адззан, гиж да ысты Учӧт Азияись вичкуэзӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

Иоан 1:33

Ме эг тӧд Сійӧ. Отирсӧ ваӧн пыртны менӧ Ыстісьыс висьталіс: "Кӧр адззылан, Кин вылӧ лэдзчисяс Лов да кольччас Сы вылын, Сія пондас пыртны Вежа Лолӧн".

Иоан 1:16

Сылӧн быдӧс тырмӧмись мийӧ быдӧнным босьтім бурсетӧм вылӧ бурсетӧм.

Осьтӧм 5:6

Юралан пукӧс одзсис Ме казялі Дзельӧс. Сія вӧлі сэтшӧм, жыв сійӧ вайӧмась езъялан козинӧн. Сы гӧгӧрын вӧлісӧ нёль енӧжись олісьыс да пӧриссес. Дзельыслӧн вӧлі сизим сюр да сизим син. Нія Еныслӧн сизим лов, кӧднӧ ыстӧмась быдсӧн муыс пасьта.

1 Петра 1:11

Нія тӧдмавлӧмась, кин вылӧ да кытшӧм кад вылӧ мыччавлӧм ны пытшкын олісь Кристослӧн Лолыс. Лолыс висьтавлӧм одзланьсясӧ: Кристослісь пессьӧм-мырсьӧмсӧ да сы бӧрся югьялӧмсӧ.

Ап. керӧммез 2:33

Еныс Сійӧ лэбтіс веськыт ладорас. Исусыс босьтіс Айыслісь кӧсйӧм Вежа Ловсӧ да кисьтіс миян вылӧ. Лоӧмсӧ тійӧ ӧні адззат да кылат.

Иоан 20:22

Сідз шуӧм бӧрын пӧльыштіс ныланьӧ да висьталіс: «Лэдзӧ Вежа Ловсӧ сьӧлӧманыт.

Иоан 3:34

Енлӧн Ыстӧмыс висьталӧ Енлісь кыввесӧ. Еныс эд сетӧ Сылӧ Ловсӧ лыдтӧг.

Осьтӧм 2:9

Ме тӧда тэнчит уджтӧ, сьӧкыта да умӧля олӧмтӧ. Но тэ медбура олан! Тӧда, кыдз тэнӧ видӧны асьнысӧ иудейезӧн шуиссес. А нія эд абу иудейэз, нія сотанаыслӧн чукӧрыс.

Осьтӧм 2:2

Ме тӧда тэнчит керӧмтӧ, тэнчит уджтӧ, тэнчит мылатӧ. Тэ он вермы видзӧтны лёк кериссес вылӧ. Тэ тӧдмалін-видзӧтін асьнысӧ апостоллэзӧн шуиссесӧ. Тэ казялін, нія абу апостоллэз, нія ─ бӧбӧтчиссез.

Осьтӧм 3:2

Саймы да вынсьӧт, мый тэнат эм, а ӧні куландорын ни. Ме эд адзза, тэнат керӧммет Енӧ одзын абу быд ладорсянь бурӧсь.

Осьтӧм 3:8

Ме тӧда тэнчит уджтӧ. То, Ме осьті тэ одзын ыбӧссӧ. Сійӧ некин оз вермы игнавны. Тэнат выныт абу и уна, а тэ видзсин Менам кыв сьӧрті. Тэ эн суськись Менӧ тӧдӧмись.

Осьтӧм 3:15

Ме тӧда тэнчит уджтӧ. Тэ абу дзирыт и абу кӧдзыт. Буржык бы вӧлі: тэ вӧлін бы кӧдзыт али дзирыт кӧ!