Осьтӧм 2:9 - Бур Юӧр 2019

⁹ Ме тӧда тэнчит уджтӧ, сьӧкыта да умӧля олӧмтӧ. Но тэ медбура олан! Тӧда, кыдз тэнӧ видӧны асьнысӧ иудейезӧн шуиссес. А нія эд абу иудейэз, нія сотанаыслӧн чукӧрыс.

Осьтӧм 2:9 Mawu Ofanana

Осьтӧм 3:9

То, сотана чукӧрсис мукӧдсӧ ме тшӧкта локны тэ дынӧ. Нія асьнысӧ шуӧны иудейезӧн, а нія эд абу иудейез, нія бӧбӧтчиссез. Нія локтасӧ да уськӧтчасӧ тэнат коккезӧ. Нія казяласӧ: Ме тэнӧ радейта.

2 Коринфын оліссезлӧ 8:9

Миян Дӧсвидзись Кристос Исуслісь радейтӧмсӧ тійӧ тӧдат. Сылӧн вӧлі быдӧс. Но тіян понда Сія быдӧс колис, медбы Сылӧн быдӧс кольӧмсянь тіян быдӧс вӧлі.

Римын оліссезлӧ 9:6

Он эд висьтав: Енлӧн висьталӧм сьӧрті эз пет. Израиль айсянь чужӧммес абу эд быдӧнныс Израиль отир.

2 Коринфын оліссезлӧ 6:10

Миянлӧ шогсӧ вайӧны, мийӧ тай пыр гажаӧсь. Миян нем абу, а миян сетӧмсянь унаӧн тай буржыка пондӧны овны. Миян нем абу, а быдӧс тай миян киын.

1 Тимофейлӧ 6:18

Велӧт нійӧ бурсӧ керны. Нія ась богатсялӧны бура отсасьӧмнаныс, озӧ лоӧ надзӧсь, а отсасьӧны отирлӧ.

Лука 4:18

─ Дӧсвидзисьлӧн Лолыс Ме вылын. Сія сувтӧтіс Менӧ мавтӧмӧн, ыстіс висьтасьны кориссезлӧ Бур Юӧр, веськӧтны дойдӧм сьӧлӧммесӧ, домӧттэзын мырсиссезлӧ юӧртны мезмӧмсӧ, синтӧммезлісь осьтны синнэзнысӧ, мездӧтны отир кипод увтын маитчиссесӧ,

Осьтӧм 2:2

Ме тӧда тэнчит керӧмтӧ, тэнчит уджтӧ, тэнчит мылатӧ. Тэ он вермы видзӧтны лёк кериссес вылӧ. Тэ тӧдмалін-видзӧтін асьнысӧ апостоллэзӧн шуиссесӧ. Тэ казялін, нія абу апостоллэз, нія ─ бӧбӧтчиссез.

Лука 6:20

Исусыс видзӧтіс Аслас велӧтчиссез вылӧ да пондіс баитны: «Шудаӧсь ловныслӧ кориссез: Енӧжись Юралӧм тіян.

Римын оліссезлӧ 12:12

Гажӧн видзчисьӧ бурсӧ. Сьӧкыт кадӧ видзсьыны ась мыланыт оз быр. Пыр кеймӧ.

Римын оліссезлӧ 5:3

Мийӧ гажаӧсь и пессьӧм-мырсьӧмным коста. Мийӧ эд тӧдам: сысянь мыланым вынсялӧ.

1 Тимофейлӧ 1:13

Ме одзжык Кристоссӧ видлі, Сылісь отирсӧ вашӧтлі, нылӧ умӧльсӧ кери. Но Кристосыс вӧлі ме дынӧ небыт сьӧлӧма. Ме эд сідз кери тӧдтӧг, Сылӧ эг верит да.

1 Фессалоникаын оліссезлӧ 3:4

Тіян дынӧ одзжык вовлӧмным коста мийӧ баитлім одзланьсяыс йылісь. Тіянлӧ висьтавлім: уна пессьӧм-мырсьӧмыс усяс миян вылӧ. Ӧні сідз и лоис, тійӧ асьныт тӧдат.

2 Коринфын оліссезлӧ 8:2

Нія эд ёна мырсьӧмӧн, тӧждісьӧмӧн овтӧн гажнысӧ озӧ ӧштӧ. Нія олӧны ӧддьӧн умӧля, асьныс тай уна отсасьӧны.

Римын оліссезлӧ 8:35

Мый вермас миянӧс янсӧтны Енлӧн радейтӧм дынісь? Поди, шогсьӧм, дзескӧтлӧм, вашӧтлӧм янсӧтас? Поди, тшыгьялӧм, кӧмтӧг-паськӧмтӧг кольччӧм, умӧльыскӧт пантасьӧм, шыпуртсянь кулӧм?

Осьтӧм 7:14

Ме сылӧ шуи: «Бур мортӧй, ог тӧд, но тэ тӧдан». Сэк сія висьталіс меным: ─ Этна морттэс ёна пессьӧм-мырсьӧмись локтісӧ. Дзель вирӧн нія паськӧмнысӧ миссьӧтісӧ. Паськӧмныс нылӧн лоис чочком.

Лука 22:65

Уна умӧль кывсӧ висьтавлісӧ Сылӧ.

Лука 12:21

Сідз овлӧ пажытьсӧ ас понда ӧктіссезкӧт, Ен понда кӧ озӧ ӧктӧ».

Римын оліссезлӧ 2:17

Тэ шуан, ме пӧ иудей. Асьтӧ дорьян Туйдӧтыс бердӧ видзсьӧмнат, ошшасян Енӧн.

Ап. керӧммез 26:11

Синагогаэзас ме унаись нійӧ вартлі. Тшӧктывлі нійӧ видны Исуссӧ. Сы велӧтӧм сьӧрті оліссез вылӧ лёксялӧмувьям ме вӧтлісьлі сьӧраныс нельки йӧз каррезын.

Ап. керӧммез 14:22

Сэтчинісь веритіссесӧ нія вынсьӧтісӧ, велӧтісӧ нійӧ видзсьыны веритӧмас. Нія висьталісӧ: «Уна пессьӧм-мырсьӧм пыр эд колас мунны, медбы пырны Енлӧн Юраланінӧ».

Иоан 16:33

Сідз Ме висьталі тіянлӧ, медбы тійӧ Меын адззитӧ лӧньсӧ. Тіянлӧ му вылас лоас сьӧкыт, но тійӧ эд полӧ, Ме верми му вылісьсӧ».

Матвей 4:10

Исусыс висьталіс: «Вешшы ме дынісь, сотана! Вежа Гижӧтыс тай висьталӧ: "Аслат Дӧсвидзись Енлӧ копрась, Сылӧ ӧтнаслӧ кысъяв!"»

Осьтӧм 1:9

Ме, Иоан, тіян вон. Тіянкӧт ӧтвыв ме песся-мырся. Тіянлӧ моз меным лӧсьӧтӧм Енлӧн Юралӧм да Кристос Исуссянь сетӧм ыджыт мыла. Енлӧн Кыв понда да Кристос Исус йылісь висьтасьӧмӧ понда менӧ ыстісӧ саридз шӧрын Патмос му вылӧ.

Осьтӧм 2:13

Ме тӧда: тэ олан сотаналӧн юралан пукӧс дынын. Ме тӧда тэнчит уджтӧ: тэ бура видзсян Менам ним бердӧ. Меным веритӧмись тэ эн суськись и нія луннэзӧ, кӧр тіянын, сотана оланінын, вийисӧ Антипсӧ, Менчим надейнӧй висьтасисьсӧ.

Осьтӧм 2:24

Фиатирасис мӧддэс озӧ керӧ Иезавельыс велӧтӧм сьӧрті. Нія эзӧ мунӧ тӧдмавны "сотанаыслісь йирсӧ". Тіян вылӧ ог пукты мӧдік сьӧкытсӧ.