Осьтӧм 17:3 - Бур Юӧр 2019

³ Сэк ме тыри Лолӧн, и ангелыс менӧ нуӧтіс кушмуӧ. Сэтчин ме казялі инькаӧс. Сія пукаліс гӧрд вӧрпа вылын. Вӧрпаыс вӧлі сизим юра да дас сюра. Сылӧн вывтыр вылас быдлаын вӧлісӧ Енсӧ умӧльтан ниммез.

Осьтӧм 17:3 Mawu Ofanana

Осьтӧм 12:3

Сэтӧн енӧжас мыччисис мӧдік мыччалан пас: сизим юра, дас сюра да сизим юркытша ыджыт гӧрд гундыр.

Осьтӧм 17:18

Инькаыс, кӧдӧ тэ адззылін, ─ ыджыт кар. Сія юралӧ му вылісь ӧксуэз вылын».

Осьтӧм 12:6

Ачыс инькаыс пышшис кушмуӧ. Сэтчин Еныс сылӧ лӧсьӧтӧм оланін. Кушмуас сійӧ пондасӧ вердны сюрс кыксё кватьдас лун сьӧрна.

Осьтӧм 17:4

Инькаыс вӧлі пасьтӧтӧм пемыт-гӧрд да югыт-гӧрд паськӧмӧ. Сы вылын югьялісӧ зарниись, дона иззэзісь да жемчугись баситчаннэз. Киас сылӧн вӧлі зарниись керӧм доз, кӧда вӧлі тыра сэрпнас да кыскасьӧмыссянь нятьнас.

Осьтӧм 12:14

Сэк инькаыслӧ сетісӧ ыджыт кутшлісь кык борд лэбзьыны гундырыс шогья кушмуӧ. Сэтчин, гундыр дынсянь ылынжык, сылӧ вӧлі лӧсьӧтӧм оланін. Сійӧ пондасӧ вердны куим во да во джын сьӧрна.

Осьтӧм 21:10

Ме тыри Лолӧн, и ангелыс нуӧтіс менӧ ыджыт да вылын керӧс вылӧ. Сэтчинсянь сія мыччаліс вежа Ерусалим кар, кӧда енӧжсис Ен дынсянь лэдзчис.

2 Фессалоникаын оліссезлӧ 2:4

Сія ─ Ен вылӧ лэбтісись. Сія асьсӧ пуктас вылынжыка быдӧсся, мый отирыс пуктӧны енӧ да вежаӧ. Сія асьсӧ пондас шуны Енӧн да Ен моз пуксяс Вежа Керкуас.

Осьтӧм 1:10

Дӧсвидзисьлӧн лунӧ ме тыри Лолӧн. Мышкам ме кылі гора шы, кыдз буксанісь. Сія висьталіс: «Ме ─ Альфа да Омега, Медодззаыс да Медбӧрьяыс.

Осьтӧм 4:2

Сэтӧн жӧ ме тыри Лолӧн. Сэк ме казялі: енӧжас сулаліс юралан пукӧс, сы вылын вӧлі Пукалісь.

Ап. керӧммез 8:39

Нія петісӧ васис. Сэтӧн мортыс вылӧ лэдзчисис Вежа Лолыс. Мортыс гажмис да вӧрзис одзлань. Васис петӧм бӧрын сія эз ни адззыв Филипсӧ. Сійӧ нуӧтіс Дӧсвидзисьлӧн ангел.

Матвей 27:28

Нія Исуслісь паськӧмсӧ чӧвтісӧ да пасьтӧтісӧ Сійӧ гӧрд паськӧмӧ.

Осьтӧм 18:12

зарнисӧ, эзысьсӧ, дона иззэсӧ да жемчугсӧ, вӧснит сӧдз дӧрасӧ, пемыт-гӧрд да югыт-гӧрд дӧраэсӧ, шёлксӧ, чӧскыт руа пуэсӧ. Оз небӧ слон лыись, дона пуись, ыргӧнісь, кӧртісь да мраморись берсясӧ.

Осьтӧм 18:16

Нія шуасӧ: ─ Умӧль! Умӧль ыджыт карлӧ! Сылӧн паськӧмыс вӧлі вӧснит сӧдз дӧраись, пемыт-гӧрд да югыт-гӧрд рӧма, зарнисянь, дона иззэзсянь да жемчугсянь пежьяліс.