Осьтӧм 1:7 - Бур Юӧр 2019

⁷ ─ То, Сія локтӧ кымӧррез вылын, быдыс казялас Сійӧ аслас синнэзӧн. Казяласӧ и Сійӧ бытшкиссес. Му вывсис быдӧс увтыррес Сы одзын бӧрдны-горзыны пондасӧ. Сідз быдӧс и лоас! Аминь.

Осьтӧм 1:7 Mawu Ofanana

Матвей 24:30

Сэк енӧжас мыччисяс Морт Зонлӧн пасыс. Сысянь му вывсис быдӧс отирыс пондас герьявны. Нія эд казяласӧ кымӧррез вылӧт ыджыт вынӧн да югьялӧмӧн Морт Зонлісь локтӧмсӧ.

Иоан 19:37

Вежа Гижӧтас и мӧдіклаын висьталӧм: «Пондасӧ видзӧтны Сы вылӧ, Кӧдӧ бытшкисӧ».

Марк 14:62

Исусыс висьталіс: «Ме. Тійӧ казялат Морт Зонсӧ вына Енкӧт веськыт ладорас Пукалісьӧн, енӧжын кымӧррез вылӧт Локтісьӧн».

Лука 21:27

Сэк казяласӧ кымӧр вылӧт ыджытся-ыджыт вынӧн да югьялӧмӧн Морт Зонлісь локтӧмсӧ.

1 Фессалоникаын оліссезлӧ 4:17

Сэсся мийӧ, ловйӧн кольчӧммес, ныкӧт ӧтлаын лэбтісям кымӧр вылын руас пантасьны Дӧсвидзиськӧт. Сэксянь Дӧсвидзисьыскӧт пыр ӧтлаын лоам.

1 Фессалоникаын оліссезлӧ 1:10

Тійӧ пондіт видзчисьны енӧжсянь Енлісь Исус Зонсӧ, Кӧдӧ Сія ловзьӧтіс кулӧмись. Исусыс эд миянӧс мездӧ локтан лӧгсис.

Марк 13:26

Сэк казяласӧ кымӧррез вылӧт ыджыт вынӧн да югьялӧмӧн Морт Зонлісь локтӧмсӧ.

Иуда 1:14

Енокыс Адамсянь сизимӧт ай. Сія одзланьсясӧ висьтавлӧм сідз: «Видзӧт! Локтӧ Дӧсвидзисьыс Аслас лыдтӧм вежа ангеллэзкӧт.

Матвей 26:64

Исусыс Сылӧ горӧтчис: «Тэ висьталін. Унажык висьтала: ӧнісянь тійӧ казялат Морт Зонсӧ вына Енкӧт веськыт ладорас Пукалісьӧн, енӧжын кымӧррез вылӧт Локтісьӧн».

Осьтӧм 22:20

Этнӧ кыввесӧ Висьталісьыс висьталӧ: «То, Ме чожа локта». Аминь. Лок, Дӧсвидзись Исус!

1 Иоан 3:2

Донаэзӧ, мийӧ ӧні Енлӧн челядь, а кытшӧмӧсь лоам, ӧні огӧ на тӧдӧ. Тӧдам дзир ӧтікӧ: Сы локтӧм коста асьным лоам Сы кодьӧсь. Сэк асланым синнэзӧн казялам, кытшӧм Сія.

Еврейезлӧ 10:29

Сэк мымдаись сьӧкытжыка лоас мыжйӧм сія мортыс, кӧда бӧра чужьялӧ Енлісь Зонсӧ, абутӧм туйӧ пуктӧ Енкӧт Йитӧтлісь Вирсӧ, кӧда керис сійӧ вежаӧн, да видӧ бурсетӧмсӧ вайись Ловсӧ.

Иоан 19:34

Ӧтікыс ны коласісь шысӧ мӧртіс Исусыслӧ ордлыэс коласӧ. Сэтісь петіс вир да ва.

Осьтӧм 22:4

Нія казяласӧ Сылісь чужӧмсӧ. Еныслӧн нимыс лоас гижӧм нылӧн кымӧссэз выланыс.

Еврейезлӧ 6:6

но сэсся усисӧ. Оз позь сэтшӧм усьӧммесӧ бӧра велӧтны бергӧтчыны Енлань. Нія эд бӧра дорӧны Енлісь Зонсӧ, воштӧны Сійӧ отир сералӧмӧдз.

Матвей 16:27

Морт Зон Айыс югьялӧмӧн локтас Аслас ангеллэзкӧт, сэк быдӧнныслӧ вештас керӧмныс сьӧрті.

Матвей 16:28

Быльсӧ висьтала тіянлӧ: эстӧн сулаліссез коласын эмӧсь нія, кӧдна кувтӧдззаныс адззыласӧ Юралісьӧн локтӧм Морт Зонсӧ».

Матвей 25:31

«Морт Зон Аслас югьялӧмӧн локтас вежа ангеллэскӧт. Сія пуксяс юралісьӧн Аслас югьялана пукӧс вылӧ.