Осьтӧм 1:6 - Бур Юӧр 2019

⁶ Аслас Ен Айлӧ сувтӧтіс миянӧс ӧксуэзӧн да вежауджаліссезӧн. Сылӧн югьялӧмыс да юралӧмыс пыр кежӧ! Аминь.

Осьтӧм 1:6 Mawu Ofanana

Матвей 6:13

Видз миянӧс ылалӧмись, ылӧтлісь дынісь миянӧс мезды. Тэнат Юралӧмыт, выныт да югьялӧмыт пыр кежӧ. Аминь.

Иоан 5:23

медбы Айсӧ моз быдӧнныс бурӧ пуктісӧ Зонсӧ. Мортыс оз кӧ бурӧ пукты Зонсӧ, сэк оз бурӧ пукты и Айсӧ, Кӧда ыстіс Зонсӧ.

Римын оліссезлӧ 11:36

Быдӧс эд локтӧ Сысянь, быдӧс аркмӧ Сы пыр, быдӧс бертӧ Сылӧ. Сылӧ пырся-пыр ошкӧм! Аминь.

Римын оліссезлӧ 15:6

медбы тійӧ быд сьӧлӧмсянь ӧтік ӧмись ошкит Енсӧ, миян Дӧсвидзись Кристос Исуслісь Айсӧ.

Филипын оліссезлӧ 2:11

Ен Айсӧ ошкӧм могись ась быд морт висьталӧ: «Кристос Исусыс ─ Дӧсвидзись!»

1 Тимофейлӧ 6:16

Сія эд ӧтнас Пырсяыс. Сылӧн югыт оланін дынӧ оз позь сибӧтчыны. Сійӧ отирыс коласісь некин эз адззыв, да и адззывны оз вермы. Сылӧ вылына лэбтӧмыс, Сылӧн юралӧмыс пырся-пыр. Аминь.

Еврейезлӧ 13:21

Еныс ась вынсьӧтӧ тіянӧс керны быдпӧлӧс бурсӧ, медбы быдӧс вӧлі Сы сьӧрті. Кристос Исусыс пыр ась керас миянӧс сэтшӧммезӧн, кытшӧмӧсь мийӧ Сылӧ колам. Сылӧ пырся-пыр ошкӧм! Аминь.

1 Петра 4:11

Кин баитӧ, ась баитӧ Енлӧн сетӧм кыввезӧн. Кин мый керӧ, ась керӧ Енсянь сетӧм вынӧн. Кристос Исус пыр быдӧсісь ась петӧ ошкӧмыс Енлӧ. Сылӧн эд югьялӧмыс да юралӧмыс пырся-пыр. Аминь.

1 Петра 5:11

Сылӧн эд югьялӧмыс да юралӧмыс пырся-пыр! Аминь.

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.

Иуда 1:25

Ошкӧ адззывлытӧм мывкыда ӧтка Енсӧ! Сія эд миянӧс мездіс Дӧсвидзись Кристос Исусным пыр. Сылӧ ошкӧм-сьылӧтӧмыс! Сылӧн выныс да юралӧмыс кадыс пондӧтчӧмсянь, ӧні да пырся-пыр! Аминь.

Осьтӧм 1:9

Ме, Иоан, тіян вон. Тіянкӧт ӧтвыв ме песся-мырся. Тіянлӧ моз меным лӧсьӧтӧм Енлӧн Юралӧм да Кристос Исуссянь сетӧм ыджыт мыла. Енлӧн Кыв понда да Кристос Исус йылісь висьтасьӧмӧ понда менӧ ыстісӧ саридз шӧрын Патмос му вылӧ.

Осьтӧм 20:6

Шудаӧсь да вежаӧсь нія, кӧдна ловзясӧ медодзза ловзьӧтӧм коста. Мӧдік кулӧмыс ны бердӧ оз ни вермы павкӧтчыны. Нія лоасӧ Енлӧн да Кристослӧн вежауджаліссезӧн да пондасӧ ӧтлаын Кристоскӧт юравны сюрс во сьӧрна.

Осьтӧм 4:11

─ Дӧсвидзисьным, дзир Тэ верман босьтны лэбтӧм-ошкӧмсӧ да вынсӧ, Тэ эд быдӧс аркмӧтін. Тэнат лӧсьӧтӧм сьӧрті быдӧс аркмӧтӧм да олӧ.

Осьтӧм 5:10

Еннымлӧ Тэ сувтӧтін миянӧс ӧксуэзӧн да вежауджаліссезӧн. Мийӧ му вылас пондамӧ юравны.